airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Ilinniarneq aqqutigalugu iluaqutigisassannik ilisimasaqalissaatit, inuunivit sinnerani atorsinnaasannik. Ilinniagaqarsimaguit suliffittaarnissannut periarfissatit annertunerulersissavatit.

Suliffeqarnerit, suliffissaaleqisuunerit, ilinniartuunerit imaluunniit meeqqat atuarfiannit soraarummeersimannginnerit matumani apeqqutaanngilaq. Illit najukkanni Majoriaq aqqutigalugu qanoq ilineratigulluunniit pisortatigoortuunngitsumik inuussutissarsiutitigut ilinniartitaanermut aamma ilinniagaqarneq pillugu siunnersortittuarsinnaavutit.

Ilinniarnissamut piareersarumaguit, taava illit najukkanni Majoriaq saaffigisinnaavat. Tassani inuussutissarsiutitigut ilinniartitaanermut aamma ilinniagaqarnermut siunnersortip Nunatsinni ilinniarneqarsinnaasut tamaasa, assersuutigalugu GUX imaluunniit Inuussutissarsiutitigut Ilinniartitaanerit pillugit siunnersorsinnaavaatit. Danmarkimi ilinniarneqarsinnaasut pillugit aamma siunnersortissinnaavutit. Assersuutigalugu højskolernissamut tunngasuusinnaavoq.

Majoriamut ilinniagaqarnermut atatillugu siunnersortikkumallutit saaffiginnikkuit, illit atukkannut pisariaqartitannullu naleqquttumik iliuusissatut pilersaarummik siunnersuisartoq suliaqassaaq. Ilinniagaqalerumallutit aqqusaagassatit iliuusissatut pilersaarummi nassuiaasersorneqassapput. Assersuutigalugu meeqqat atuarfianni angusavit qaffassarnissaannut Inuussutissarsiutinik Ilinniagaqalersinnaanissamut Majoriaq akuerisaasoq aqqutigalugu piareersarnissat taassuma imarisinnaavaa.

Siunnersuisartup iliuusissatut pilersaarummik naleqquttumik suliaqarnissaa angujumallugu, makku nassartussaavatit:
  • Najugaqarnermut uppernarsaat
  • Kuisinnermut allagartaq
  • 10. klassimi misilitsinermi karakteerit
  • AEU modul 2-mi misilitsinnermi karakteerit imaluunniit sulisitsisuit oqaaseqaataa
  • Ilinniagaqarsimaninnut uppernarsaatit

18-it inorlugit ukioqaruit, angajoqqaannit imaluunniit angajoqqaatut akisussaassusilimmit atsiorneq akuersissut siunnersuisartumut nassassavat. Angajoqqaatit imaluunniit angajoqqaatut ilinnik akisussaasoq aamma ilagissavat.

Videonik paasititsiniutit uani takusinnaavatit sorleq ilinniarfissaq toqqassanerlugu.

Malugiuk
Najugaqarfigisanni Majoriaqanngippat, Majoriaq qaninnerpaaq sianerfigaluguluunniit nunaqarfimmi allaffimmut saaffiginnissaatit.

Danmarkimi najugaqaruit imaluunniit Danmarkimi ilinniagaqarnissamut periarfissat pillugit siunnersortikkumaguit, Kalaallit Illuinut saaffiginnissaatit.

Siunnersuisartut nipangiussimasussaatitaapput. Oqallisigisasi tamaasa illit siunnersuisartullu kisimik pigissavasi.
Allaaserisat attuumassutillit