airplanebooksbriefcase business cogs cross election entertainment fish house law lockmedicalpeopleselfservices socialtax

Ingerlaqqiffiusumik ilinniartitaanerit

Nalinginnaasumik paasissutissiineq
Ingerlaqqiffiusumik ilinniartitaanerit tassaapput ilinniarnissamut piareersarluni ilinniartitaanernit ingerlaqqiffiusut. Ingerlaqqiffiusumik ilinniartitaanerit sivikinnerusinnaapput, akunnattumik sivisussuseqarlutik imaluunniit sivisuujusinnaallutik.

Ilinniartitaanerit ingerlariaqqiffiusut sivikinnerusut assersuutigalugu Niuernermik Ilinniarfimmi Akademimut ilinniartitaanerusinnaapput (NI2), immikkut sammisassat assigiinngitsuullutik. Ilinniartitaanerit sivisussusaat ukiut marlunnit sivisunerpaamik pingasunik sivisussuseqarput.

Ilinniartitaanerit ingerlariaqqiffiusut akunnattumik sivisussusillit:
Professionsbacheloritut ilinniartitaanerit ukiut sisamat avillugit imaluunniit tallimat avillugit sivisussuseqartarput, ilinniartitaareernerullu kingorna professionbacheloritut imminnut taasinnaanngortarput. Ilinniartitaanerit arlallit suliffimmik misiliinertaqarput ukiup affaanit ukiut marluk avillugit sivisussuseqartunik, aammalu atuagarsornerup sulinerullu ataatsimoorneri ilinniartitaanernut amerlasuunut pingaaruteqarput.

Ilinniartitaaneq ingerlariaqqiffiusoq sivisooq nalinginnaasumik ukiuni tallimanit arfinillit tikillugit sivisussuseqartarpoq, agguataarneqarlunilu ukiuni pingasuni bachelorinngorniarneq sammineqartarluni ukiunilu marlunni kandidatinngorniarneq sammineqartarluni. Assigeequtigineqarpoq annerusumik atuagarsorluni ilinniartitaanerummata, ilisimatusarnermut misissueqqissaarnermullu attuumassuteqarlutik. Ilinniartitaanerit suliatigut siammasissumik itisiliinermillu paasisaqarnermik ataatsikkut tunniussaqartuupput.
Ilinnialerluni akuerineqarnissamut piumasaqaatit
Ingerlaqqiffiusumik ilinniartitaanernut ilinnialerlutit akuerineqarumaguit, ilinnialerumalluni piareersaataasumik ilinniartitaaneq naammassillugu angusiffigisimasussaavat.

Tamatuma saniatigut soraarummiissutigisatut angusarisanni atuartitsissutinilu aalajangersimasut ilaanni agguaqatigiisitsineq aalajangersimasoq angusarisussaavat.

Atuartitsissutitut sammisat aamma agguaqatigiisitsinermi piumasaqaatit ilinniarfimmiit ilinniarfimmut nikerarput. Ilinnialerluni akuerineqarnissamut piumasaqaatit assigiinngitsut ilinniarfeqarfinni takuneqarsinnaapput, assersuutigalugu Ilisimatusarfiup nittartagaani. Aamma uani takusinnaavatit www.sunngu.gl.
Atuartitsissutitut sammisat aamma agguaqatigiisitsinermi piumasaqaatit paasiniarlugittaaq, ingerlaqqiffiusumik ilinniartitaanernut siunnersuisartoq attavigisinnaavat.
Qinnuteqarneq
Ingerlaqqiffiusumik ilinniartitaanernut ilinnialerluni akuerineqarnissat qinnutiginiarukku, qinnuteqaat immersugassaq illit sumiiffinni Majoriamut tunniulluguluunniit nassiutissavat. Ilinnialerluni akuerineqarnissamut killigititaq tassaavoq 1. marts.

Qinnuteqarnissamut immersuiffissaq ’Kalaallit Nunaanni ilinniagaqalernissamut ilinniagaqarnersiuteqarnissamullu qinnuteqarnissamut immersuiffissaq’ aajuk

Qinnuteqarnissamut immersuiffissap immersornissaanut ilitsersuut atuaruk

Ingerlaqqiffiusumik ilinniartitaanerit pillugit annertunerusumik paasisaqarusukkuit una atuaruk www.sunngu.gl.

Malugiuk
Ilinniakkamut ilinnialerluni akuerineqarnissat qinnutigigukku, imaanngilaq ilinniartut inaannik ingerlaannartumik tunineqarnissat naatsorsuutigissagit. Ilinniartut inaannik tunineqanngikkuit, tamanna immikkut qinnuteqaatigissavat.
Qinnuteqarnissamut killissaliussat
Ilinnialerluni akuerineqarniaraanni qinnuteqarnissamut 1. marts killiliussaavoq.
Majoriaq
Majoriaq Illoqqortoormiut
Postboks 23
3980 Illoqqortoormiut

Oqarasuaat: 99 10 12
Fax: 99 11 12
E-mail: lomr@sermersooq.gl
Majoriaq Nuuk
Jens Kreutzmann-ip aqq. nr. 7
Postboks 550
3900 Nuuk

Oqarasuaat: 36 63 60
Fax: 34 97 10
E-mail: piareersarfiknuuk@sermersooq.gl
Majoriaq Paamiut
Postboks 520
3940 Paamiut

Oqarasuaat: 36 66 04
Fax: 68 16 95
E-mail: pero@sermersooq.gl
Majoriaq Tasiilaq
Postboks 98
3913 Tasiilaq

Oqarasuaat: 98 13 10
Fax: 98 13 08
E-mail: elia@sermersooq.gl
Ilinniartitaanermut, Kultureqarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl