airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqat inuusuttullu ikiortariallit – Inissiinerup kingorna suliniuteqareernermi malinnaaneq

Kommunerisannuinnaq aalajangersimasunik paasissutissaqarpoq

Kommune toqqaruk
Meeqqat inuusuttullu ikiortariallit – Inissiinerup kingorna suliniuteqareernermi malinnaaneq

Meeraq inuusuttorluunniit angerlarsimaffiup avataanut inissinneqareernermi kingorna, assersuutigalugu angajoqqaarsianiilluni imaluunniit ulloq unnuarlu paaqqinnittarfimmiilluni, angajoqqaaminut angerlaqqilerpat nammineerluniluunniit ineqalerpat, meeqqap inuusuttulluunniit pitsaanerpaamik angerlartinneqarnissaa aamma nammineersinnaanermut sungiusarnissaa inunnik isumaginninnermut ingerlatsiffiup qularnaassavaa.

Suliniuteqareernermi malinnaaneq ingerlatissallugu inunnik isumaginninnermut ingerlatsiffiup pisussaaffigaa. Meeqqap inuusuttulluunniit sumiginnarneqannginnissaa suliniuteqareernermi malinnaanerup qulakkiissagaa siunertaavoq.


Piumasaqaatit
Suliniuteqareernermi malinnaaneq aallartinniaraanni, iliuusissatut pilersaarummik suliaqartoqassaaq. Tassani meeqqap inuusuttulluunniit atugai aamma suliniuteqareernermi malinnaanermik ingerlatsiffigineqassasoq nassuiarneqarsimassapput.

Iliuusissatut pilersaarutip qularnaassavaa meeraq inuusuttorlu

  • inersimasumik inuttut attaveqarfeqarnerat (assersuutigalugu inuttut siunnersorti)
  • inuttut namminiivissutut inuulerneq
  • inuit akornanniilluni inuuneq, assersuutigalugu attaveqartarfiit aamma ilaquttat attaveqarfiginerat aqqutigalugit
  • atuarnissamut imaluunniit ilinnialernissamut periarfissat
  • peqqissumik sunngiffimmi inuuneqarneq
  • nalinginnaasumik ulluinnarni ilikkagassat, soorlu:
    • Inimik attartugassamik qinnuteqarneq
    • Pequtinut aningaasanik sipaagaqarneq
    • Sulisinnaanermut sungiusarneq
    • Inuttut aamma illup iluani eqqiluisaarneq
    • Nerisassiorneq, pisiniarfilerineq aningaasaqarnikkullu aqutsineq


Malugiuk
Iliuusissatut pilersaarummi aalajangersimasumik isumaqatigiissutit illuatungeriinnit tamanit eqquutsinneqarnissaat pingaartuuvoq.

Allaaserisat attuumassutillit
Isumaginninnermut, Inatsisinillu Atuutsitsinermut Naalakkersuisoqarfik
Imaneq 4
Postboks 260
3900 Nuuk

Oqarasuaat: (+299) 34 50 00
E-mail: iian@nanoq.gl
Nittartagaq: www.naalakkersuisut.gl