airplanebooksbriefcase business cogs cross election entertainment fish house law lockmedicalpeopleselfservices socialtax

Suliffeqarneq ilinniartitaanerlu

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Kalaallit Nunaanni inuit kikkulluunniit ilinniartitaanissamik taamaalillutillu suliffeqalernissamik periarfissaqassapput. Aamma annertuumik innarluuteqaruit tamanna atuuppoq. Ilinniartitaanikkut ilisimasat atorluarsinnaasut pigilersinnaavatit inuunerpit sinnera tamaat atorsinnaasannik.

Ilinniagaqarsimaguit suliffissaqarnissamut periarfissagissaarnerulissaatit. Suliffeqaruillu immaqa imminut pilersorsinnaassaatit.

Kommunerisanni iliuusissatut pilersaarusiornissamik kommunalbestyrelsimit ikiorneqassaatit.

 

Iliuusissatut pilersaarut

Annertuumik innarluuteqaruit meeqqat atuarfiat naammassigukku kommunerisanni kommunalbestyrelse iliuusissatut pilersaarummik suliaqassaaq. Iliuusissatut pilersaarummi allaaserineqartut malillugit ilinniakkamik imaluunniit suliffittaarnissamik aallartitsinissamut aqqusaartuiffigisassarivat.

Illit suleqatigalutit iliuusissatut pilersaarut suliarineqassaaq. Suli 18-iliisimanngikkuit angajoqqaatut ilinnut oqartussaassuseqartut suleqatigalugit iliuusissatut pilersaarummik suliaqartoqassaaq.

Iliuusissatut pilersaarut meeqqat atuarfianni kingusinnerpaamik naggataamik atuarninni naammassineqareersimassaaq.

Siusinaartumik soraarnerussutisiaqarnissat pitinnagu suliffimmik misilittaanissamut aamma piginnaanngorsaaqqinnermut kommune ilinnut neqeroornissaminut pisussaaffeqartitaavoq.

 

Suliffeqarneq

Naak annertuumik innarluuteqartuugaluartutit allat assigalugit suliffissarsiornissamut inatsillu alla malillugu kiffartuunneqartuugaluartutit periarfissaqartussaavutit. Tamanna ima paasisassaavoq, assersuutigalugu innarluuteqarnerit malillugu ajornaquteqanngippat suliffeqarnermi sulisussatut sillimassaatit.

Innarluuteqarnerit peqqutaalluni nalinginnaasumik atugassarititaasut malillugit atorfinissinnaanngikkuit, piffissaq ilaannakortoq atorlugu imaluunniit atugassat immikkut ittut malillugit atorfinitsinneqarsinnaanersutit sulisitsisup nalilissavaa.

Malugiuk
Innarluuteqarnerit peqqutigalugu atugassarititaasut immikkut ittut imaluunniit atorfinitsinneqarniarninni atugassarititaasut immikkuullarissut tunngavigalugit isumaqatigiissutini arlaannaaniluunniit allaqqasoqanngilaq.

 

Allaaserisat attuumassutillit