airplanebooksbriefcase business cogs cross election entertainment fish house law lockmedicalpeopleselfservices socialtax

Tapersersorneqarnissamut qinnuteqarneq

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Innuttaasut kikkulluunniit sapinngisamik nalinginnaasumik atugaqarnissaannut periarfissaqartussaapput. Aamma annertuumik innarluutilimmik qitornaqaruit tamanna atuuppoq. Taamaattumik qitornat innarluutilik pillugu ikiorserneqarnissamut qinnuteqarniaruit, assersuutigalugu siunnersorneqarnissaq imaluunniit najugaqariaatsit assigiinngitsut, iluaqusersuutit il. il. ulluinnarni sapinngisamik nalinginnaasumik atugaqarnissamut iluaqutaasinnaasut eqqarsaatigalugit:

Pisortanit tapersersorneqarnissamut qinnuteqarsimaguit qinnuteqaatillu akuerineqarsimanngippat, naammagittaalliuteqarsinnaatitaavutit.

Qanoq ikiorserneqarsinnaanersutit sullissisunnit nalilerneqassaaq kommunilu taannaavoq aalajangiisussaq.

 

Piumasaqaatit

Annertuumik innarluut inunnguusaasinnaavoq imaluunniit inuunermi kingusinnerusukkut innarluutaalersinnaavoq.

Annertuumik innarluuteqarneq ukuninnga peqquteqarsinnaavoq, timikkut imaluuniit tarnikkut innarlersimaneq imaluuniiit timip arlaatigut ajoqusersimanera pissutaalluni annertuumik innarluuteqalersimaneq. Annertuumilli innarluuteqarneq aamma inunnguusaasinnaavoq. Taaneqartut pequutaallutik ulluinnarni pisinnaasatit periarfissatillu killeqalersinaasarput.


Annertuumik innarluuteqarneq makkuninnga kinguneqarsinnaavoq:
• Inuttut pisariaqartitatit isumagisinnaanagit, assersuutigalugu timikkut eqqiluisaarneq, atisalersorneq imaluunniit nerineq
• Nammineerlutit illup iluani silamiluunniit angalasinnaanngikkuit – assersuutigalugu pisiniarlutit, allanut pulaarlutit imaluunniit inuit katersuuffiannut ornigullutit
• Inuit allat attaveqarfigisinnaanagit

Siuliini taaneqartut ilinnut atuuppata, inuit innarluutillit peqqussutaat naapertorlugu kiffartuunneqarnissannut qinnuteqarsinnaavuti.

Malugiuk
Inuit innarluutillit peqqussutaat malillugu taamaallaat ikiorserneqarsinnaavutit:
• Ajornartorsiutit innarluutinnut toqqaannartumik attuumassuteqartut iluarsiiviginissaannut
• Inatsit alla naapertorlugu ikiorserneqarsinnaanngikkuit

Timikkut piginnaasat aaqqinneqarsinnaasumik nappaateqalernikkut annikillippata, inuit innarluutillit peqqussutaat malillugu kiffartuunneqalersinnaanngilatit. Inuunerup sinnera tamaat annertuumik innarluuteqalernikkut aatsaat tamanna pisinnaavoq.

Annertuumik innarluuteqaraluarlutit inatsit alla malillugu kiffartuunneqarputit. Tamanna ima paasisassaavoq, assersuutigalugu innarluutit akornutaanani suliffeqarnermut piareersimassaatit.

 

Ikiorsiissutit

Piumasaqaataasut tamarmik naammassineqarsimanersut sullissisup naliligassaraaNaammassineqarsimappata, inuit innarluutillit peqqussutaat malillugu kiffartuunneqarsinnaavutit taamaalillutit ikiorsiissutinik ilinnut naleqquttunik pinissamut pisinnaatitaaffeqalissallutit.

Assersuutigalugu tassaasinnaapput:
• Siunnersortinnissamut
• Aqqutissiuunneqarnissamut
• Tapersersorneqarnissamut
• Assigiinngitsunik ikiorsiissuteqarnissamut
• Najugaqariaatsinut assigiinngitsunut

 

Qinnuteqarneq

Qinnuteqarnissamut najoqqutassat assigiinngitsuupput, matumani suna pillugu tapersersorneqarnissamut qinnuteqaatit apeqqutaavoq.

Periarfissat assigiinngitsut pillugit paasissutissat allat atuarsinnaavatit uani

Aamma sullissisumut saaffiginnissuteqarsinnaavutit, ikiorserneqarnissamut periarfissanik misissuinissamut taassuma ikiorsinnaavaatit.

 

Naammagittaalliuteqarneq

Pisortanit tapersersorneqarnissamut qinnuteqarsimaguit qinnuteqaatillu akuerineqarsimanngippat, naammagittaalliuteqarsinnaatitaavutit. Naammagittaalliutit Isumaginninnermut Naammagittaalliuteqartarfimmut ingerlatinneqassaaq.

Isumaginninnermut Naammagittaalliuteqartarfimmut qanoq naammagittaalliuteqarsinnaanerit pillugu takuuk uani

Qinnuteqaatit kommunimit akuerineqarani kommunip aalajangiuppagu, itigartitsissuteqarnermut tunngavilersuutit kommunip allakkatigut naammagittaalliuteqarnissamut immersugassaq ilanngullugu ilinnut paasissutissiinissamut pisussaaffeqarpoq.

Aalajangiineq naammagittaalliutigisinnaasat assersuutigalugu makkununnga tunngasinnaavoq:
• Tapersersorteqalernissaq
• Iluaqusersuuteqalernissaq
• Nammineq angerlarsimaffigisami paaqqutarinninneq pillugu akissarsiaqalernissaq
• Oqilisaanneqarnissaq
• Najugaqatigiiffiit, nakkutigisaasumik najugaqarfiit aamma inissiat innarluutilinnut naleqqussakkat
• Namminerisamik inigisavit allanngortinneqarnissaa
• Ulloq unnuarlu angerlarsimaffimmiinnissaq
• Angalanissaq angalanermilu ingiallorteqarnissaq
• Assartuussinissaq
• Saniatigut aningaasartuutigisat matussuserneqarnissaat

 


Allaaserisat attuumassutillit