Coronapas - COVID-19 vaccination piniaruk

Coronapas - COVID-19 vaccination NUNATTA ILUANI PIUMASAQAATAANNGILAQ

Maana piniaruk

Ataasiarlutit tamakkiisumilluunniit covid-19-mut akiuussutissamik kapitissimaguit, taava Coronapas - COVID-19 vaccination-imik piniarsinnaavutit.

Coronapas paasissutissanik ukuninnga imaqarpoq:

  • Coronapas - COVID-19 vaccination (akiuussutissamik kapitissimaneq)
  • Coronapas - COVID-19 test (PCR-test) (PCR-imik misissortinneq)
  • Coronapas - COVID-19 immunitet (tunillatsissinnaannginneq)

Nunatsinni najugaqartuullutit coronapassinni suut takusinnaavigit:
  • COVID-19-mut akiuussutissamik kapitissimanermut paasissutissat
  • Danmarkimi PCR-mik misissortissimanivit inerneri

Coronapassinni uku takusinnaangilatit:
  • Nunatsinniit misissortinnivit inerneri
  • Nunatsinni najugalinnut tunillatsissinnaannginnermut paasissutissat, taakku paasissutissat Danmarkimut ingerlateqqinneqarneq ajormata


Una toorlugu danskit coronapassiat pillugu paasisaqarnerugit

Danskit coronapassiat EUmi nittartakkatigut piumasaqaatinik naammassinnipput.

Coronapas-app-imi nunat allat toqqarlugu Europamiut coronapassiat nassaarisinnaavat.

Malugiuk
Maluginiassavat nunat arlallit tikiffigineqarnissaminut piumasaqaateqarmata.
Nammineq akisussaaffigivat tikiffissanni angalasunut maleruagassiat ilisimaarinissaat malinnissaalu.

Una toorlugu Udenrigsministereqarfiup angalanermut ilitsersuusiaa atuarsinnaavat

Passeq pappialanngorlugu anisikkukku pitsaassaaq, nunani allani pisortanut takutissinnaaniassagakku.

Coronapas – COVID 19 vaccination-imik piniarniaruit ukua piumasaqaataapput:

  • Ataasiarlutit imaluunniit tamakkiisumik akiuussutissamik kapitissimanissa
  • Nunanut allanut angalanissat

Coronapas – COVID 19 vaccination-imik piniarniarneq akeqanngilaq.

Coronapas-app akeqanngilaq.

Coronapas - COVID-19 vaccination-imik piumaguit immersugassamik immersuissaatit.
Tuugassaq sungaartoq ”Maana piniaruk” tuussavat.

Malugiuk
Coronapas – COVID-19 vaccination piniarnerani, Corona pillugu Allattoqarfiup inuup-normut, atit aamma akiuussutissamik kapitissimanermut paasissutissaatiti pillugit suliarinnissinnaanerat akuersissutigissagakku.

Coronapas - COVID-19 vaccination-mik piniareeruit, Corona pillugu Allattoqarfik akiuussutissamik kapitissimanermut paasissutissaatit naqitissavai.

Sullinneqarnissaq ullut suliffiusut qulit iluanni naatsorsuutigineqassaaq.

Ullut qulit qaangiuppata NemID-it atorlugu Coronapas - COVID-19 vaccination aasinnaavat.

Corona pillugu Allattoqarfiata akiuussutissamik paasissutissaatit naqitereerpagit, Coronapas - COVID-19 vaccination ugguuna aasinnaavat:

Malugiuk:
Smartphoneqanngikkuit www.sundhed.dk-mut iseriarlutit Coronapas-it anillatsissinnaavat.

Akiuussutissamik kapitereernerit tamaasa piniarsinnaavat.

Corona pillugu Allattoqarfiata kaammattuutigaa, tamakkiisumik akiuussutissereeruit Coronapassimik piniarnissat, aallarnissannut piffissaq naleqquppat. Tamanna suliaqarnissamut sullissinissamullu piffissaritaasumut iluaqutaassaaq, ataasiaannarluni nalunaarsuisoqassammat, kapitinnerit tamaasaanngitsoq.

Uannga allanneqarpoq: Corona pillugu Allattoqarfik

Corona pillugu Allattoqarfik
Imaneq 4
3900 Nuuk

Email: Corona@nanoq.gl
Oqarasuaat: +299 80 11 00
Nittartagaq: www.corona.nun.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.