Imminut sullississutinut iserniaruit NemID suli isissutissatut atussavat.

Coronapas - COVID-19-mut (akiuussusertissimanermut uppernarsaat)

Allaffigitigut Coronamut akiuussusertissimanermut uppernarsaammik aallerniarlutit isersinnaanngikkuit

Maana piniaruk

Tamakkiisumik akiuussutissamik kapitissimaguit taava Coronapas-it  (akiuussusertissimanermut uppernarsaat) appimut ´coronapas´ imaluunniit sundhed.dk iserfigisinnaanngussavat
 Piffissap ilaatigut paasissutissat coronapas aamma kapitinnerit kingulleq eqqortumik ersersinneqarneq ajorput. Taamaattoqartilugu coronapas-ivit nutarterneqarnissaanut qinnuteqaasiorsinnaavutit qulaani nittartakkamut saqqummiunneqartumut iserlutit.

Kalaallit Nunaanni najugalinnut Coronapas-imi suna saqqummertassava:

  • COVID-19 -mut akiuussusertissimanermut uppernarsaattassunga ilaalluni qaqugukkut aamma qasseriarlutit kapitissimanersutit
  • Paasissutissat meeqqatit 15-it ataallugit ukiullit COVID-19-imut akiuussusertereersimanersut tassunga ilaalluni qaqugukkut aamma qasseriarlutik kapitissimanersut (EU/nunanilu allani angalalernermi takuneqarsinnaapput)
  • Danmarkimi PCR-i atorlugu misissortinnermi akissutit
  • Meeqqavit 15-it ataallugit ukiullit misissortinnerini akissutit Danmarkimi misissorneqarsimasut

Coronapassinni uku takusinnaangilatit:

  • Nunatsinniit misissortinnermi akissutit
  • Nunatsinni najugalinnut tunillatsissinnaannginnermut uppernarsaatit, taakku uppernarsaatit Danmarkimi oqartussanut ingerlateqqinneqarneq ajormata.

Una toorlugu danskit Coronapassiat pillugu paasisaqarnerugit: https://www.sundhed.dk/borger/corona/coronapas/

Danskit Coronapassiat EU-mi nittartakkatigut piumasaqaatinik naammassinnipput.

Coronapas-app-imi nunat allat toqqarlugu Europamiut Coronapassiat nassaarisinnaavat.

Malugiuk
Maluginiassavat nunat arlallit tikiffigineqarnissaminut piumasaqaateqarmata.
Nammineq akisussaaffigivat tikiffissanni angalasunut maleruagassiat ilisimaarinissaat malinnissaalu.

Una toorlugu Udenrigsministereqarfiup angalanermut ilitsersuusiaa atuarsinnaavat: https://um.dk/da/rejse-og-ophold/rejse-til-udlandet/rejsevejledninger/

Passeq pappialanngorlugu anisikkukku pitsaassaaq, nunani allani pisortanut takutissinnaaniassagakku.

Coronapas – COVID 19-mut kapitissimanermut iserniaruit ukua piumasaqaataapput:

  • Tamakkiisumik akiuussusertissimanissaq (tamakkiisumik akiuussusersimassaatit marloriaq kapitissimaguit (taamaattorli Johnson&Johnson-imik ataasiaannaq kapitissimaguit)

Coronapas-appi nittartakkakkut piniarnera (download) akeqanngilaq.

Coronapas - COVID-19-mut akiuussusertissimanermut uppernarsaammik  piniartussanngoruit piumasaqaatit sukkulluunniit atuuttut naammassisimagukkit uku marluk iserfigalugit aallerfigisinnaavatit:

  • Nem-ID/MitID sundhed.dk iserfigalugu - https://www.sundhed.dk/borger/min-side/corona/
  • Imaluunniit Coronapas´App Store-kkut -  Smartphoneqaruit iOS-eqartumik
    ´Coronapas´Google Play -kkut - Smartphoneqaruit Android-italimmik iserfigalugu

Maluginiaruk
Smartphoneqanngikkuit coronapassissat anillatsissinnaavat ugguuna isertaatinnik iserlutit: www.sundhed.dk. Tassani NemID imaluunniit MitID atussavat.

Akiuussusertissimanermut ilinnut tunngassutillit Qallunaat Nunaanni oqartussaasunut ullormut ataasiarlugit ingerlateqqinneqartassapput taammaammat akiuussusertereernerpit kingorna  ullut 3-niit ullut 4-at angullugit utaqqinarsinnaavoq coronapassitaarnut isersinnaanngornissarnut.

Akiuussusertissimanitit siuliini nalunaarsorsimasut nittartakkakkut imaluunniit nammineerlutik iluarsaanneqarsimasut allanngorneqarsimasulluunniit pillugit allannguisitsiniaruit imaluunniit iluarsiisitsiniaruit EPJ allaffianut uunga saaffiginnissaatit: epjkontor@peqqik.gl

Malugiuk nittartakkakkut app-imiluunniit iluarsiissutit aatsaat takuneqarsinnaalissammata 48-tiimit ingerlareerpata.

Allaqqappat coronapas atorsinnaanngitsoq imaluunniit qaangiussimasoq Kalaallit Nunaanni apeqqutaavallaarneq ajorpoq.

Coronapas amerlanertigut marlunnik sammiveqarluni saqqummertarpoq soorlu ”Danmark” aamma EU/nunani allani angalaniartunut”. ”Danmark”-imoortoq saqqummerpat takutippagulu passi qallunaat nunaanni malittarisassat naapertorlugit atorsinnaasoq soorlu imm. 3-mi piumasaqaatit naapertorlugit aalajangersimasumik ullua qaangiutsinnagu atorsinnaassaaq. Taamaammat coronapassit atorsinnaanngeriataannaavoq imaluunniit ullua qaangiussimasinnaavoq. Maanili tamanna eqqortinniarneqartariaqanngilaq.

Kalaallit Nunaanni corona pillugu killilersuutit Danmarkimut sanilliullugit allaanerupput. Taamaammat maani coronapassivit takutittarnissaanut piumasaqaataavoq. ”EU/Nunanut allanut angalaniartunut allanngortinniarukku talerpiata tungaaniittoq ilisarnaat teqeqqumiittoq tuussavat. Tassani takusinnaalissavatit qasseriarlutit aamma qaqugukkut kapitissimanerlutit.

Corona.nun.gl-ikkut piumasaqaatinut atuuttut naapertorlugit akiuussusertissimanernut uppernarsaatit sumut killinnersut iserfigisinnaavatit.

Coronapas app iserfigisinnaanngikkukku imaluunniit Sundhed.dk aqqutigalugu iserfigisinnaanngikkukku Corona pillugu allattoqarfimmut saaffiginninnissamut tikilluaqqusaavutit.
Saaffiginninnermiit sullinneqarnissap tungaanut naatsorsuutigisinnaavat ulluinnaat suliffiusut qulit ingerlasinnaammata

Coronasekretariatet

Imaneq 4
3900 Nuuk

Email: Corona@nanoq.gl
Telefon: +299 80 11 00
Hjemmeside: www.corona.nun.gl

Uannga allanneqarpoq: Corona pillugu Allattoqarfik

Corona pillugu Allattoqarfik
Imaneq 4
3900 Nuuk

Email: Corona@nanoq.gl
Oqarasuaat: +299 80 11 00
Nittartagaq: www.corona.nun.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.