airplanebooksbriefcase business cogs cross election entertainment fish house law lockmedicalpeopleselfservices socialtax

Peqqinnissaqarfik – Nalinginnaasumik paasissutissiineq

Kommunerisannuinnaq aalajangersimasunik paasissutissaqarpoq

Kommune toqqaruk
Peqqinnissaqarfik – Nalinginnaasumik paasissutissiineq

Peqqissutsip pitsaanerulersinneragut, pitsaaliuinikkut nakorsaanikkullu innuttaasut peqqinnerulernissaannut suleqataanissaq peqqinnissaqarfiup suliassaraa.

Peqqinnissaqarfiup suliassaqarfii pingasunngorlugit avinneqarsinnaapput:

  1. Peqqinnerulersitsiniarneq pitsaaliuinerlu, tamatumani innuttaasut peqqinnerulernissaannut nappaateqalinnginnissaannullu ikiuinissaq pineqarpoq
  2. Nakorsarneqarneq, tamatumani innuttaasut misissornissaannut, nakorsarnissaannut aamma napparsimasut paaqqutarinissaannut peqqinnissaqarfiup pisussaaffeqarnera pineqarpoq
  3. Kingutilerineq. Kigutigissaanerup siunertaraa innuttaasut kigutaasa, qarngisa alleruisalu peqqissuullutik ineriartortinneqarnissaat, inuit ataasiakkaat timikkut tarnikkullu naammagisimaarinnillutik inuunertik naallugu attattuagassaannik

Peqqinnissaqarfiup sullissinerinut innuttaasut kikkulluunniit naligiimmik pisinnaatitaaffeqarput.

Inunnut Kalaallit Nunaanni aalajangersimasumik najugaqartunut inuillu allattorsimaffianni allatsissimasunut Kalaallit Nunaanni nakorsiarneq, unitsinneqarneq nakorsarneqarnerlu akeqanngillat. Innuttaasut kikkulluunniit akeqanngitsumik kigutit nakorsaannit suliarineqarsinnaapput, taamaattorli meeqqat inuusuttullu 20-it inorlugit ukiullit salliutinneqartussaapput.

Takusinnaavattaaq www.peqqik.gl
Allaaserisat attuumassutillit