airplanebooksbriefcase business cogs cross election entertainment fish house law lockmedicalpeopleselfservices socialtax

Peqqinnissaqarfiup sullississutai – Nalinginnaasumik paasissutissiineq

Kommunerisannuinnaq aalajangersimasunik paasissutissaqarpoq

Kommune toqqaruk
Peqqinnissaqarfiup sullississutai – Nalinginnaasumik paasissutissiineq

Innuttaasut peqqinnerunissaat, pitsaaliuineq aamma nakorsarneqarneq Peqqinnissaqarfiup isumagisarai. Inunnut nunami maani inuit allattorsimaffiannut nalunaarsimasunut, Kalaallit Nunaanni nakorsiarneq, unitsinneqarneq aamma nakorsarneqarneq akeqanngillat.

Innuttaasut kikkulluunniit peqqinnissaqarfiup sullissinerinut assigiimmik pisinnaatitaapput.

Tamatuma kingunerisaanik, innuttaasutut peqqinnissaqarfimmit akeqanngitsumik sullinneqarsinnaavutit, ilaatigut makkuninnga:

  • Illit peqqissutsivit mianersuunnissaanut ikiorneqarnissaq aamma napparsimanaveersaarnissat pillugit paasissutissanik pissarsisinnaavutit
  • Napparsimaguit nakorsarneqarsinnaavutit
  • Pisiniarfinni nakorsaatinik tuniniaaviusuni nakorsaatit pisiarineqarsinnanngitsut, nakorsap allagartaliineratigut pisinnaavatit
  • Nualluummut akiuussutissamik tunineqarsinnaavutit, illit
    • utoqqalinersiuteqaruit aamma tamanna pisariaqartoq nakorsaq isumaqarpat
    • nuallulernissaq ilinnut immikkut ittumik ulorianaateqarpat, assersuutigalugu nappaammik allamik patsiseqartumik sanngiillisimaguit
  • Ikiorsiissutitut atortunik atortinneqarsinnaavutit, assersuutigalugu ajaappissanik
  • Pisut ilaanni immikkut ittuni, nujaasartaarnissamut imaluunniit avatinnut taartaasumik atortumik pisaarnissamut, atorfissaqartikkitit nakorsaq isumaqarpat, pisaarsinnaallutillu tapiissutinik pisinnaavutit


Oqalutseqarneq
Oqalutseqarsinnaatitaavutit.


Malugiuk
Kalaallit Nunaanni peqqinnissaqarfiup nittartagaani aamma inatsisiliornerup ataani annertunerusunik paasisaqarsinnaavutit www.peqqik.gl.

Allaaserisat attuumassutillit