Taxa-nut akuersissuteqarneq tassaavoq, taxa-nik pigisaqarniaruit uppernarsaatitut pigisassat.
Taxa-nut akuersissut kommunimi najukkanni innuttaasunik sullissivimmut qinnuteqaatigisinnaavat. Taxa-nut akuersissut akeqanngilaq. Taxa-nut akuersissutinik qanorluunniit amerlatigisunik qinnuteqarsinnaavutit.
Taxa-nik akuersissummik qinnuteqarninni eqqaamallugu marluk nassassagakkit:
- Pineqaatissinneqarsimanermut/pineqaatissinneqarsimannginnermut uppernarsaat
- Taxa-nik angallassisinnaanermut uppernarsaat
Taxa-nik angallassisinnaanermut uppernarsaatip imarivai:
- Biilip nalunaarsorneqarnerani normu
- Biilip stel normua
- Kiap piginerai, soorlu ateq, najugaqarfik kiisalu CPR-normu
Pineqaatissinneqarsimanermut/pineqaatissinneqarsimannginnermut taamatullu taxa-nik angallassisinnaanermut uppernarsaatit najugaqarfinni politeeqarfimmi pisinnaavatit.
Itigartitsineq utaqqisullu allattorsimaffiat
Illoqarfinni nunaqarfinnilu qanoq amerlatigisunik taxa-nut akuersissuteqartoqartarnersoq assigiinngilaq. Tamatumani illoqarfinni nunaqarfigisanniluunniit inuttussuseq aallaavigineqarsinnaalluni.
Qinnuteqaruit ingerlaannaq taxa-nut akuersissummik pisinnaanerlutit paasitinneqassaatit.
Najugaqarfigisanni akuersissutaasinnaasut tamakkerlugit tunniunneqareersimanerat pissutigalugu qinnuteqaatinnik itigartinneqaruit, taava utaqqisunut allatsinnissat piumasarisinnaavat.