airplanebooksbriefcase business cogs cross election entertainment fish house law lockmedicalpeopleselfservices socialtax

Pingaartumik tamani saligaatsuutitsinissaq

Kommunerisannuinnaq aalajangersimasunik paasissutissaqarpoq

Kommune toqqaruk
Pingaartumik tamani saligaatsuutitsinissaq

Pisortat ingerlataanni eqqagassalerineq tassaavoq, igitassaativut sumununa igittarniarigut. Tamatumalu ilagalugu Pisortat Saligaatsuutitsinissaat.

Pisortat Saligaatsuutitsinissaat tassaavoq, Kalaallit Nunaanni kikkut tamat tikissinnaasaat, tassalu illoqarfinni nunaqarfinnilu kiisalu pinngortitami, pitsaasuutinneqassasut. Tamatumanilu ilaatigut pineqarlutik:

  • Aqquserngit aqqusineeqqallu saligaatsuutinnissaat
  • Ataatsimoortarfiit saligaatsuutinnissaat
  • Aqquserngit sinaanni kuuffiit saligaatsuutinnissaat
  • Pinngortitap saligaatsuutinnissaat
  • Tupersimaartarfiit saligaatsuutinnissaat
  • Piniariartarfiit saligaatsuutinnissaat


Kikkut tamat, inuinnaat, suliffeqarfiit, umiarsualiviit pisortallu suliffeqarfiutaat, igitassaminnut illuutimik/suliffeqarfiutimik eqqaanni eqqaaviliisussaatitaapput, taamatullu aamma illut eqqaanni saligaatsuutitsisussaatitaallutik. Illup eqqaa saligaatsuutitassat tassaalluni, nunaminertamik atugassiissutaasimasoq, imaluunniit illumiit illuutilluunniit avammut 25 meter-it. Illut akorni 25 meter-inik annikinneruppat, sanileriit tamarmik immikkut affaa akisussaaffigissallugu.

Nunaminertaq saligaatsuutinneqanngippat, taava kommunip nunaminertamik atugassitaasimasumut saliinissaq piumasarisinnaavaa.


Tamani saligaatsuutitsinissaq – Ingerlarnga
Upernaat tamaasa aakkiartulernerata kinguninngua kommunit illoqarfinni nunaqarfinnilu ta­mani saliisitsisarput. Innuttaasullu tamarmik peqataasussaatitaallutik. Kommunit ataasiakkaarlutik qanoq saliinerup ingerlanneqarnissaa aalajangersartarpaat. Kommunit qa­noq qaqugulu taamaaliortoqarnissaa nalunaarutigisarpaat.

Taama pisortat saliisitsinerisa kinguneranik igitassat katersukkat, aqquserngup sinaa­nut iliorarneqassapput imaluunniit container-inut ikiorarlugit. Tamatumalu kingorna kommunip teknikkeqarfiani sulisut igitassat aasarlugit. Tamanna innutaasunut akeqanngilaq.

Allaaserisat attuumassutillit
Pinngortitamut, Avatangiisinut Ilisimatusarnermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pan@nanoq.gl
Nittartagaq: www.naalakkersuisut.gl