Nunaminertamik atugassinneqarnissamut qinnuteqarneq

Nunaminertamik atugassinneqarnissamut qinnuteqarniaruit
Nunaminertamik atuinissaq kissaatigigukku – assersuutigalugu sanaartornermut, umiatsiamik containerimilluunniit inissiinissamut imaluunniit nunaannarmi illuaqqamik sananissamut – nunaminertamik atugassinneqarnissamik qinnuteqassaatit.
Qinnuteqarsaatit assersuutigalugu:

• Illuliorniaruit imaluunniit sanaartorniaruit
• Inissiiviugallarniaruit (umiatsiamut, containerimut, parabolimut)
• Nunaannarmi illuaqqamik sananiaruit
• Illumik imaluunniit illuummik pisinermut atatillugu piginnittup allanngornerani
• Illuutip pioreersup atornera allanngortinniarukku
• Imermut kuuffissuarmullu attavinnik sanaartorniaraanni
• Biilinut inissiisarfiliorusukkuit

Sukumiinerusumik kommunerisarpit ilitsersuutaa atuaruk
Kommunerisanni nunaminertamik atugassiissummut qinnuteqarneq pillugu paasisaqarnerorusukkuit, Sullissivimmi Nunaminertamik atugassiisarneq iserfigissavat. Nunaminertamik atugassiisarneq paasissutissiissat pillugu una tooruk

Uani kommunerisat toqqarsinnaavat ukulu nanisinnaavatit:

• Kommunip nammineerluni ilitsersuutai
• Qinnuteqarnermi piumasaqaatit aalajangersimasut
• Nunaminertanik oqartussaasut attaviginissaannut paasissutissat

KOMMUNEMUT PILERSAARUT EQQAAMAGIUK
Nunaminertaq qinnuteqarfigisat atornissaatalusiunertaa, sumiiffik aturusutat kommunip pilersaarutaanut naapertuunnissaa qulakkiissangakku.

Kommunemut pilersaarut pingaarnertut tunngavissanutnassuiaasersukkanillu aalajangersaakkanik imaqarpoq, piffinni sunik sanasoqarsinnaanersoq nunaminertallu qanoq atorneqarsinnaanerannut aalajangersangaallutik.

Kommunemut pilersaarut kommunerisavit pilersaarutinut isaaviani takusinnaavat: 

• Avannaata Kommuniata kommunimut pilersaarutai pillugit una tooruk
• Qeqertalik Kommuniata kommunimut pilersaarutai pillugit una tooruk
• Qeqqata Kommuniata kommunimut pilersaarutai pillugit una tooruk
• Sermersooqs Kommuniata kommunimut pilersaarutai pillugit una tooruk
• Kommune Kujalleq kommunemut pilersaarutai pillugit una tooruk

Kommunep pilersaarutai paasiuminaatsippiuk imaluunniit suliniutit tassunga tulluarnersoq nalornissutigaajuk? Taava kommunerisannut saaffiginninnissat innersuussutigissavarput.

NUNAT ALLAMIUT QINNUTEQARTUT
Danskisut innuttaassuseqanngikkuit Kalaallit Nunaanni atuisinnaatitaanermut inatsisit immikkut ittut atuupput. Tamanna nunanit allamiuneersunut kisimi atuuppoq, danskisut innuttaassusillit kalaallillu pinnagit.

Immikkut ittumik akuersissuteqarani nunaminertamik atugassinneqarnissamik qinnuteqarsinnaanermut piumasaqaatit
Nunami allamiuullutit nunaminertamik atugassinneqarnissamik taamaallaat qinnuteqarsinnaavutit, illit:

• sivikinnerpaamik ukiuni marlunni Kalaallit Nunaanni inuit allattorsimaffianni nalunaarsorneqarlutit aalajangersimasumik najugaqareersimaguit aammap
• iffissami tassani Kalaallit Nunaannut tamakkiisuusumik akileraaruteqartuusimaguit.

Piumasaqaatinik naammassinninngikkuit
Nunaminertap (nunaminertamik akuersissummut) atornissaani atuinissamut pisinnaatitaaffimmik tunineqarsinnaanermut piumasaqaatit naammassinngikkukkit, Ineqarnermut Attaveqaatilersuutinullu Naalakkersuisoqarfimmut immikkut ittumik akuerineqarnissamik qinnuteqassaatit. Akuersissummik tassannga peqanngikkuit, nunaminertamik atugassinneqarnissamik qinnuteqaatit suliarineqarsinnaanngilaq.

Nunaminertamik atugassinneqarnissamik qinnuteqarsinnaassagaanni, immikkut ittumik akuersissummik qanoq qinnuteqartoqartarpa
Siuliini allanneqartut piumasaqaatit eqquutsinngikkukkit, qinnuteqarsinnaavutit immikkut ittumik akuerineqarnissamik qinnuteqaatinnik nassiussinikkut uunga:
Ineqarnermut Attaveqaasersuutinullu Naalakkersuisoqarfik.
Box909@nanoq.gl

Ersarinnerusumik paasisaqarusukkuit qinnuteqaatit sunik imaqassanersoq, Ineqarnermut Avatagiisinullu Naalakkersuisoqarfik saaffigissavat.

Nunaminertamik qinnuteqarnermut atatillugu kommunit tamarmik immikkut sullissinermut akigititaqarput.
Nunaminertamillu atugassinneqarnerup siunertaa apeqqutaallutik akigititat kommuninit nikerarput.

Kommunerisanni akigititat paasisaqarfiginerorusukkukkit toqqaannaq kommunemut saaffiginninnissat, imaluunniit nittartagaat alakkarnissaa innersuussutigissavarput.

Ilisimasassat pingaarutillit
Sullissinermut akiliinermi isumaqanngilaq nunaminertaq pisiarigit.
Akiliutit kommunip qinnuteqaatinnik sullissineranut matussusiiginnarpoq.

Qinnuteqaat digitalimik nassiukkusukkukku
Digitalimik nunaminertamik atugassinneqarnissamut qinnuteqaat NunaGIS-ikkut nassiussinnaavat.

Imatut iliussaatit:

1.  Uungarit https://nunagis.gl/nunaminertamik-qinnuteqarneq/
2. https://www.sullissivik.gl/-/media/sullissivik/blanketter-og-pdf/teknik_og_miljoe/brugervejledning_arealtildeling-2022/brugervejledning-arealansgning-kal.pdf malillugu immersuigit

Ilanngullugit kakkiutissavatit:

• Nunaminertap kissaatigineqartup assinga imaluunniit titartarallagartaa
• Suliassamut nassuiaat imaluunniit uppernarsaatit allat

Qinnuteqaatit pappialanngorlugu tunniunniarukku kommunemut

Immersugassaq atussagukku:
Kommunep nittartagaani nunaminertamik atugassinneqarnissamut qinnuteqarnissamut immersugassaq nassaarisinnaavat.
Nassaarisinnaanngikkukku kommunemut saaffiginnillutit immersugassaq piniarsinnaavat.

Nunaminertamik atuinissamut qinnuteqaat pillugu suleriaaseq

Qinnuteqaatit kiap suliarissavaa?

• Nunaminertaq kommunep killeqarfiisa iluaniippat qinnuteqaatit kommunep suliarissavaa.
• Nunaminertaq kommunep killeqarfiisa avataaniippat, Inatsisilerinermut Nunalu tamakkerlugu pilersaarusiornermut immikkoortortaqarfimmit suliarineqassaaq.

Qinnuteqaatip tiguneranut uppernarsaat

• Nalinginnaasumik qinnuteqaatit nassiukkukku, tiguneranut uppernarsaammik nassinneqassuutit.

Qinnuteqaammik naliliineq:
Suliamik suliaqartup qinnuteqaatit uku aallaavigalugit nalilersussavaa:

• Paasissutissat tunniussimasatit aaliangersakkanut naapertuunnersut misissussavaat
• Qinnuteqaammi paasissutissat aallaavigalugit, suliaq naammassisinnaaniarlugu kommune paasissutissanik pisarialinnik piumasaqaqqissinnaavoq.

Sulianik suliarinninnermi piffissaq atorneqartartoq
Uku najoqqutaralugit naatsorsuutigisinnaavat:

• Suliap suliarineqarnera sap.ak. 2-4-nik sivisussuseqarsinnaavoq. Sivisunerusinnaavoq suliamut paasissutissat tunniunneqartut naammatsinnissaata tungaanut.
• Tamanut ammasumik sanilinulluunniit tusarniutigineqaqqaassappat sivisunerusinnaanera.

Qinnuteqaammut akissut (Aaliangiineq qinnuteqaammut)
Akissutissarsiguit paasissavat:

• Aaliangiineq qinnuteqaaternut,akuerineqarnersoq piumasaqaatitalerlugu imaluunniit itigartitsissutigineqarnersoq tunngavilersukkamik
• Nunaminertamik atugassinneqarneq sunik piumasaqaateqarnersoq
• Qanoq iliuuseqaqqissanersutit assersuutigalugu:
• Oqartussanit allanit akuersissutinik pisariaqartunik piniarnissat

Nunaminertamik atugassinneqarnermi piumasaqaatit
Kommunemut pilersaarummi siunertarineqartut malittarisassallu qulakkeerniarlugit, Kommune assigiinngitsunik piumasaqaateqarsinnaavoq. Assersuutigalugu makkuusinnaapput:

• Nunaminertamik atugassinneqarnermi sumullu atornissaanut akuerineqartoq taamaallaat atorsinnaavat.
• Sanaartornissamut qinnuteqarnissat piffissap aalajangersimasup qaangiutinnginnerani pissasoq. Pingaarutilik: Sanaartornissamut akuersissummik pissarsisimatinnak sanaartorneq aallarteqqusaanngilat.
• Nunaminertaq ukiut marluk ingerlanerani atulersimassavat. Sanaartugaq anginerutillugu, suliarlu aatsaat ingerlanneqarpat, piffissaliussaq sivitsorneqarsinnaasarpoq.
  
• Kuuffinnut, aqqutissanut imaluunniit innaallagissamut sanaartorfigissaanermi aningaasartuuteqarsimappat, sanaartorfigissaanermut akiligassaqarsinnaavoq.
• Ataatsimoorussanut atassusiinissamut pisussaaffeqartinneqarsinnaavutit.
• Isumaqatigiissut malillugu nunaminertaq atorneqanngippat, nunaminertamik atuinissamut pisinnaatitaaffilerneqarneq atorunnaarsinneqarsinnaavoq.
• Nunaminertamik atuinerup atorunnaarsinneqarnerani nunaminertaq torersarlugulu iluarsartuuteqqissavat.
• Akuersissutit allat pisariaqartut attuumassuteqartullu piniarnissaanut piumaffigineqarsinnaavutit, ass. kuuffimmut atassusiliinissamut. Suliniutini anginerusuni - upalungaarsimasuni annaassiniarnissamut pissutsinut akuersissut.

Nunaminertamik atukkiinissamut aalajangiussaq pillugu ima naammagittaalliuuteqassaatit
Itigartitaasimaguit nunaminertamilluunniit atukkinneqarnissamut aalajangiussamut isumaqataanngikkuit, naammagittaalliuteqarnissannut periarfissaqarputit. Qanoq iliussanerlutit uani takusinnaavat:

Kikkut maalaaruteqarsinnaappat?
Naammagittaalliorsinnaavutit, ima pisoqarpat:

• Nunaminertamik atugassinneqarnissamut qinnuteqarsimaguit aaliagiiffigineqarsimappallu isumaqatiginngisarnik
• Aalajangiussamut atassuteqaruit, assersuutigalugu sanilerpit nunaminertamik atugassinneqarsimanera isumaqatiginngikkukku
• Suliamut immikkut soqutiginnikkuit

Naammagittaalliuut sumut nassiunneqassava?
Naammagittaalliuut uunga nassiunneqassaaq:

Aningaasaqarnermut Akileraartarnermullu Naalakkersuisoqarfik
Inatsisileriffik Nunalu tamakkerlugu Pilersaarusiortarfik
Imaneq 1A, 3900 Nuuk
E-mail: oed@nanoq.gl

Naammagittaalliuut sunik imaqassava?
Naatsumik naammagittaalliuut makkuninnga imaqartoq:

• Atit attaveqarfissamullu paasissutissat
• Aalajangiussaq suna naammagittaalliuutiginerit
• Sooq isumaqataannginnersutit
• Ilanngussat (ass. nunap assinga, uppernarsaat, siusinnerusukkut allakkat)

Naammagittaalliornissamut tunniussivissaq kingulleq
Aalajangiussap tiguneraniit sap.ak. arfineq pingasut qaangiutsinnagit naammagittaalliutit nassiutissavat.

Taava susoqassava?

• Naammagittaalliuut tiguneqarneranut uppernarsaammik tigusaqassaatit.
• Naammagittaalliuutit Inatsisilerinermut Nunalu tamakkerlugu pilersaarusiornermut Immikkoortortaqarfimmit nalilersorneqassaaq.
• Suliaq suliarineqareerpat akissutisissaatit - nalinginnaasumik sap.ak. arlalinnik sivisussuseqartumik.