Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Nunaminertamik atugassiisarneq – Atuiunnaarneq sivitsuinerlu

Illit innuttaasutut, inuinnartut suliffeqarfittulluunniit assersuutigalugu illuliorusukkuit atuisinnaatitaavutit. Nunaminertamik atugassinneqarnissamut qinnuteqaateqarnikkut nunaminertamik atuisinnaatitaavutit.

Nunaminertamik atulertariaqakkannik atugassinneqarsimaguit, nunaminertamik atugassiinermut akuersissut pigiinnarniarlugu maleruagassanik malitassaqarputit. Nunaminertamik atugassiinermut akuersissut atorunnaarsinnaavoq imaluunniit arsaarinnissutigineqarsinnaavoq, soorlu
  • nunaminertamik atugassinneqarninni piumasaqaatit malinngikkukkit
  • nunaminertamik atugassinneqarninniit kingusinnerpaamik ukioq ataaseq qaangiutsinnagu sananissamut akuersissummik qinnuteqaateqarsimanngikkuit
  • nunaminertamik atugassinneqarninniit kingusinnerpaamik ukiut marluk qaangiutsinnagit sanaartugassat aallartissimanngikkukku

Malugiuk
Sananermut akuersissut imaluunniit sanaartugassavit aallartinnissaa sivitsorniarlugu qinnuteqarsinnaavutit.

Nunaminertamik atugassinneqarnerit aamma kommunimut, soorlu najukkanni innuttaasunut sullissivimmut imaluunniit nunaqarfiup allaffianut saaffiginnillutit atorunnaarsissinnaavat.
Aningaasaqarnermut Naalakkersuisoqarfik
Nuna tamakkerlugu pilersaarusiortarnermut immikkoortortaqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: landsplan@nanoq.gl
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.