Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Nunaminertamik atugassiisarneq – Inissiigallarneq

Kommune toqqaruk

Kommunerisannuinnaq aalajangersimasunik paasissutissaqarpoq

Nunaminertamik atugassinneqarallarnissamik periutsit marluk atorlugit qinnuteqarsinnaavutit:

Toqqaannartumik attaveqaatitigut
Nunaminertamik atugassinneqarallarnissamut NunaGIS aqqutigalugu qinnuteqarsinnaavutit.

Qinnuteqaatit atsiorukku aatsaat atuussinnaavoq. Taamaammat qarasaasiakkoortumik atsiortarnerup atuutilernissaata tungaanut qinnuteqaat, taassuma immersorneranut atatillugu, suli atsiortussaatitaavutit. Nunaminertap sumiiffigisaani illoqarfimmi tassani qinnuteqaatit najukkanni innuttaasunik sullissivimmut imaluunniit nunaqarfiup allaffianut nassiulluguluunniit tunniutissavat.

Internet-imut attaveqanngikkuit nunaminertamik atugassinneqarallarnissamik qinnuteqaatinnik, innuttaasunik sullissiviup imaluunniit nunaqarfiup allaffata ikiorsinnaavaatsit.

Malugiuk
NunaGIS.gl aqqutigalugu nunaminertamik atugassinneqarnissamik qinnuteqarsimaguit, akiligassap allagartaa atsiugaq najukkanni innuttaasunik sullissivimmut imaluunniit nunaqarfiup allaffianut kingusinnerpaamik sapaatit akunneri sisamat qaangiutsinnagit nassiulluguluunniit tunniutissavat, akiligassallu allagartaa Teknikkeqarnermut, Ineqarnermut Avatangiisinullu Ingerlatsivimmut ingerlateqqinneqassalluni. Akiligassap allagartaa sapaatit akunneri sisamat qaangiutsinnagit Teknikkeqarnermut, Ineqarnermut Avatangiisinullu Ingerlatsiviup tigusimanngippagu qinnuteqaatit atorunnaarsinneqassaaq.

Nammineq ornigulluni
Nunaminertamik atugassinneqarallarnissamut qinnuteqarniaruit qinnuteqarnermi immersugassaq immersussavat, najukkanni innuttaasunik sullissivimmut imaluunniit nunaqarfiup allaffianut nassiutissallugu tunniulluguluunniit.

Inissiigallarnermi qinnuteqarnissamut immersugassaq.

Nunaminertamik atugassinneqarallarnissamut qinnuteqarniaruit, saaffiginnissaatit uunga:

Sanarfinermut Avatangiisinullu Ingerlatsivik
Kuussuaq 2
Postboks 1005
3900 Nuuk
Oqarasuaat: 36 70 00
E-mail: sai@sermersooq.gl

Ingerlatsivik ammasarpoq:
Ataasinngornermiit pingasunngornermut 10:00 - 15:00
Sisamanngorneq 12:00 - 17:00
Tallimanngorneq 10:00 - 12:00

Sanaartornermut imaluunniit allanngortiterinermut atatillugu container-it inissaannut nunaminertamik atugassinneqarallarneq pisarpoq.

Akigititat
Akigititat akinut allattorsimaffimmi ataaniittumi nassaarisinnaavatit.

Akit allattorsimaffiat - 2020
Nunaminertamik atugassinneqarallarnissaq piffissami sivikitsuinnarmi atorsinnaavat, soorlu
  • sanaartornerup kingorna saliinissamut atatillugu container-imik inissiigallarnermut
  • ukiuunerani angallammik qaqitsininni inissiigallarnermut

Nunaminertamik atugassinneqarallarnissamut najukkanni innuttaasunut sullissivik imaluunniit nunaqarfiup allaffia aqqutigalugu kommunimut qinnuteqaatigisinnaavat.

Kommunip aalajangissavaa
  • sumut inissiigallarsinnaanersutit
  • piffissami qanoq sivisutigisumi inissiigallarsinnaanersutit
  • inissiigallarnissaq qanoq akeqassanersoq

Malugiuk
Inissiigallarnermut piumasaqaatit naammassisimanngikkukkit, akiliisinneqarnissat ilimagisinnaavat. Piumasaqaatit inissiigallarnissamut atuutsinneqartut tassaasinnaapput
  • Container-ip siunertamut aalajangerneqartumut taamaallaat atorneqarnissaa
  • Akuersissutip pigisavit ersinnissaa, soorlu container-imi angallammiluunniit
Aningaasaqarnermut Naalakkersuisoqarfik
Nuna tamakkerlugu pilersaarusiortarnermut immikkoortortaqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: landsplan@nanoq.gl
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.