airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Sanaartornissamik akuersissut – Qinnuteqarneq
Sanaartorniaruit, soorlu nutaamik illuliorniaruit illulluunniit ilaniarlugu, akuersissuterpaaluit qinnuteqaatigisariaqarpatit. Siullermik salliutillugulu Nunaminertamik atugassannik akuerineqartariaqarputit, tassani aa­lajanger­neqassalluni nunap sukutsiani sanasinnaanersutit. Tamatumalu kingorna sanaartornissamut akuer­sissum­mik qinnuteqartariaqarlutit.

Sanaartornissamik akuersissut uppernarsaataavoq, tassanilu sunarpiaq sananiarnerit akuerineqarnersoq ersissalluni. Sanaartornissamut qinnuteqaateqarfigissavatit:
  • Ilaqutariinnut illu, illu affarleriik, illut uigulukuttut kiisalu illut quleriit
  • Inuussutissarsiuteqarfissatut illu suliffeqarfissallu
  • Illut ilassutaat, soorlu aneerasaarfiusinnaasumik initaliineq, biilinut eqqussivissaq imaluunniit inissaq qulisaq
  • Illut allanngortinneri, soorlu taluliinerit, uffarfiliinerit, qisuttortakkamik kissarsuusiinerit, iggaviliineq, kiassaatiliineq
  • Illumik ingutserineq

Qinnuteqarneq
Sanaartornissamut qinnuteqarnissami, qinnuteqaatissaq immersussavat.

NemID-mik peqaruit, immersugassaq toqqaannartumik attaveqaatitigoortumik immersorsinnaavat nassiullugulu.

NemID-mik peqanngikkuit, immersukkat sumiiffinni innuttaasunut sullissivimmut imaluunniit nunaqarfiup allaffianut tunniutissavat.

Sanaartornissamik akuersissut ajornaannerusumik suliarineqaqqullugu, tulliutut immersorneqassapput:
  • Nunaminertamik akuersissutip A. normu
  • Sanaartorfissap nunap assingani sumiiffia
  • Aqqusernup aqqa sanaartorfissarluunniit
  • B-nr. (illup normua). Illumik nutaamik sanassaguit, B-nr. immersussanngilat

Eqqaamallugu tulliuttut assilineri tunniutissagakkit:
  • Nunaminertamik atugassinneqarnermut akuersissutit
  • Kissaatigalugu sanaartorniakkavit titartagartaa
  • pilersaarutinnullu atatillugu uppernarsaatit pigisatit allat

Malugiuk
Sanaartugassat, aallaavittut akuersissummik pigisaqarfiusariaqanngitsut:
  • Peqqumaatissanut ikaat
  • Illuaqqat mikisut allallu 6 m² annerunngitsut
  • Illuaqqat piniariartarfiit allallu illuaqqat minnerusut
  • Aallakaatitanik tigooraaviliinerit annerpaamik 1,0 meter-itut initutigisut
  • Illup qaani antenne-t
  • Aserfallatsaaliinerit, soorlu talunik, qilaat appakkat, uffarfiit, kissarsuutit qisuttortakkat, iggaviit, kias­saatit kiisalu silamik sialummut assiaqutit

Naammagittaalliuuteqarneq
Sanaartornissamut akuersissut itigarti­taanerilluunniit naammagin­ngikkukku, taava naammagittaalliuteqarsinnaatitaavutit. Sumiiffinni innuttaasunik sullissivimmut imaluunniit nunaqarfiup allaffianut al­lakkatigut oqaasiinnakkulluunniit naam­magittaalliuteqarsinnaavutit.
Allaaserisat attuumassutillit
Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik
Imaneq 1A - 801
Postboks 1614
3900 Nuuk

Oqarasuaat: (+299) 34 50 00
Fax: (+299) 34 54 10
E-mail: pann@nanoq.gl
Nittartagaq: www.naalakkersuisut.gl