Kuuffeqarneq tassaavoq ruujorit ataqatigiimmik aaqqissuussat nunamut matoorussat, taakkulu aqqutigalugit illuniit kuutsitat aqqusinerniillu imikunik ingerlatitseqqiffiit. Kuuffiit ataqatigiimmik aaqqissuussat marlunnut immikkoortitaapput:
- Kuuffissuit pingaarnerit, tassaasut illoqarfinniit imikunik katersuiffiusut avammullu ingerlatitseqqiffiusut. Kuuffissuit pingaarnerit kommunip akisussaaffigivai
- Attaviliinerit, tassaasut illuniit inuit najugaqarfiiniit kuuffissuarnut attaviliinerit
Assersuutigalugu illuuteqaruit illunniit kommunip kuuffissuaataanut attavilertinnissaa, illit akisussaaffigissavat.
Ingerlarnga
Illuit kuuffissuarmut attavilertinnissaanik qinnuteqarsimaguit akueritillutillu, taava suliaq aallartinneqarsinnaavoq. Illit nammineq ruujorilerisoq ikkussuisussaq isumagissavat. Kommunip kuuffissuaataanut taamaallaat 1. maj aallarnerfigalugu 1. oktober tungaanut attavilertinneq pisinnaavoq. Tamatumanilu kuuffissuartigut qerisoortoqannginnissaa patsisaavoq. Attavilersuinerup akisussaassuseqartumik eqqortumillu ingerlanneqarnissaa ruujorilerisup akisussaaffigivaa.
Suliaq naammassineqariarpat, attavilersuinerulli matuunnginnerani, illit ruujorilerisorluunniit sumiiffimmi teknikkikkut immikkoortortaq attaveqarfigissavaa, tassa attaviliineq ajunngitsumik ingerlanneqarsimasoq akuereqqullugu.
Malugiuk
Illit attaveqaatit taamaallaat kuffissuarmut atanilerneqarsinnaammat – taamaattumillu illumit allamiit attavinnut attaviliineq inerteqqutaalluni.
Attaviliinissamut akuersissut ukioq ataaseq atuuttarpoq. Sumiiffimmi teknikkimut immikkoortortamut saaffiginninnikkut sivitsorneqarsinnaavoq.
Attaviit ajutumeersimappat, taava illumik piginnittup ruujorilerisumik attaveqassaaq. Attaviup iluarsaannera illit akilissavat. Kommuni kuuffissuarmut taamaallaat akisussaavoq.
Naammagittaalliuuteqarneq
Kommunit ataasiakkaat teknikkimut immikkoortortaqarfiisa, attaviliinerni malerugassat piumasarisallu tamarmik malinneqarsimanissaat isumagisussaavaat.
Aalajangiisoqarsimatillugu akuerisinnaanngikkukku, sumiiffinni teknikkimut immikkoortortamut naammagittaalliuuteqarsinnaavutit.
