airplanebooksbriefcase business cogs cross election entertainment fish house law lockmedicalpeopleselfservices socialtax

Kalaallit Nunaannut angalanissaq pillugu qinnuteqaat COVID 19

Angalanissamut qinnuteqarit
Naliginnaasumik paasissutissiineq

Piffissami 25. april - 14. juni ilanngullugu Kalaallit Nunaata iluani killilersugaanngitsumik angalasinnaavutit, kisianni avataaniit Kalaallit Nunaannut angalaniaruit qinnuteqaqqaassaatit - piffissap taassuma avataani qinnuteqarnerit suliarineqarunnanngillat.

Kalaallit Nunaat qimallugu angalanissamut tunngatillugu paasissutissat Air Greenlandip nittartagaani atuarneqarsinnaapput. Nammineerlutit Kalaallit Nunaat qimallugu angalaniaruit, Kalaallit Nunaannut uteqqinnissat neriorsuutigineqarsinnaanngilaq.Taamaattumik Kalaallit Nunaannut uternialeruit, angalanivit siunertaarisaa pisarialittut nalinerneqaqqaarsimasariaqarpoq. Tamanna pillugu ’Piumasaqaatit’ ataani paasissutissat atuarsinnaavatit.
Innuttaasutut qinnuteqassaatit, ingerlatsiviit uku arlaat aqqutigalugu:

  • Ilinniarnermut atatillugu angalassaguit, ilinniarfeqarfinni ilinniartut angalanissaannut isumaginnittartoq attavigissavat
  • Sulinermut atatillugu angalassaguit, suliffeqarfigisat attavigissavat
  • Nunanit allanit Danmarkimut angalaniaruit, Danmarkimi nunanut allanut ministereqarfik attavigissavat
  • Danmarkimiit Kalaallit Nunaannut angalaniaruit, Københavnimi Kalaallit Nunaata sinniisoqarfia attavigissavat.

'Piumasaqaatit'-ni atuarsinnaavat angalanermi siunertarisat sorliit pisarialittut pisariaqanngitsutulluunniit immikkoortinneqarsimanersut.

Piumasaqaatit

Angalanerit pisariallit
Angalanerit pisariallit inuiaqatigiinnut pisarialinnik angallassinerit; SAR-imik suliaqarnerit, nakorsartarialinnik angallassigasuarnerit, inunnik pisariaqavissumik angallassinerit usinillu pisarialinnik assartuinerit upalungaarsimanissaq, atortulersuutit niuernikkullu ingerlatat pisariaqarluinnartut pillugit..

Angalanerit pisariaqanngitsut
Qinnuteqaatit makku pisariaqanngitsutut nalilerneqartarput:

  • Feeriarniarluni qinnuteqarneq
  • Ilaquttat kammalaatilluunniit tikeraarniarlugit qinnuteqarneq
  • Katittuni peqataaniarluni qinnuteqarneq
  • Ilisisunut peqataaniarluni qinnuteqarneq
  • Apersortittumut peqataaniarluni qinnuteqarneq
  • Kuisitsisoqarnerani peqataaniarluni qinnuteqarneq
  • Inuuissiortumut peqataaniarluni qinnuteqarneq
  • Uumasuummik aallerniarluni qinnuteqarneq

Akiliineq

Naalakkersuisut upalungaarsimanissaq ingerlatallu inuiaqatigiinnut pisariaqarluinnartut qulakkeerniarlugit, Kalaallit Nunaata Danmarkillu akornanni angalanerit utaqqiisaagallartumik pilersaarusiorfigisimavaat.

Angalanissat misissuisartunit akuerineqarpat billetsimik pisinissannut Air Greenlandimit neqeroorfigitissaatit. Taamaattorli allatut ippoq, ilinniarnermut atatillugu angalanerit pineqarpata. Ilinniarfeqarfinni ilinniartut angalanissaannut isumaginittartumut paasiniaagit.

Nammineq akilikkamik nerisaqarneq ineqarnerlu
Angalanissannut pilersaarutit malillugu apuuffissannut tikitsinnak unnuisariaqaruit, nerisaqarnerit ineqarnerillu nammineq akilissavatit. Taamaattorli allatut ippoq, ilinniarnermut atatillugu angalanerit pineqarpata. Ilinniarfeqarfinni ilinniartut angalanissaannut isumaginittartumut paasiniaagit.

Qinnuteqarneq

Ilinniarnermut atatillugu angalanerit
Atuartuuguit, lærlingiuguit ilinniartuuguilluunniit ilinniarninnut atatillugu angalanissamut nammineq qinnuteqarsinnaanngilatit, ukununngalu arlaannut saaffiginnissaatit:

  • Kalaallit Nunaanni atuartut, lærlingit ilinniartullu – atuarfinnut ilinniarfigisannulluunniit saaffiginnigit.
  • Kalaallinut Danmarkimi højskolertunut nunatsinni Majoriamut saaffiginnissaatit. Majoriap angerlarnissannut qinnuteqaassutissavaatit. Nalornisoqarpat Majoriap GCDH, Grønlandsk Center for Danske Højskoler e-mailianut hojskole@nanoq.gl-imut attaveqarsinnaavoq.
  • Atuartut nunamut allamut ilinniariarsimasut imaluunniit Danmarkimi efterskolertut – efterskolit pillugit aqutsisoqarfimmut efterskole@nanoq.gl-imut imaluunniit oqarasuaat 00299 34 67 55-imut imaluunniit 00299 34 67 54-imut saaffiginnigit.
  • Kalaallit Nunaata avataani atuartunut, lærlingenut ilinniartunullu allanut – Danmarkimi najukkanni kalaallit illuannut saaffiginnigit. Attaveqarnissamut paasissutissat uaniipput: https://www.groenlandskehuse.dk/

Ilinniartitaanermut suliassaqarfimmi sumut saaffiginnissanerlutit nalorniguit Ilinniartitaanermut, Kultureqarnermut Ilageeqarnermullu Naalakkersuisoqarfimmi ilinniartitaanermut siunnersortimut mailikkut: naly@nanoq.gl-imut saaffiginnigit imaluunniit oqarasuaatikkut 00299 34 69 18.

Malugiuk
Atuarfiit ilinniarfeqarfiilluunniit angalanissamik atuarnermut atassuteqanngitsumik ikiuisinnaanngillat.

Suliffeqarfiit
Suliffeqarfimmik namminersortumik ingerlataqaruit imaluunniit suliffeqarfimmi pilersinneqarsimasumi sulisitsisuuguit, sulisutit sinnerlugit angalanissamut qinnuteqarsinnaavutit. Inuit namminneerlutik angalanissamut qinnuteqarsinnaanngillat, sulisitsisortilli qinnuteqartissavaat. Inuinnartut angalanissamik siunertaqarlutik angalaniartunut suliffeqarfiit qinnuteqarsinnaanngillat.

Nunanut Allanut Ministereqarfik
Nunami allamiit ingerlariaqqissinnaajunnaaqqaguit angalanissamut nammineerlutit qinnuteqarsinnaanngilatit. Nunanut allanut ministereqarfimmut saaffiginnittariaqarputit.

Kalaallit Nunaanni innuttaasutut / najugaqartutut nunami allami ingerlariaqqissinnaajunnaaruit, taava:

Angalanissannut akuerisaaguit, angalanermi aningaasartuutit nammineq isumagissusaaneri ilisimassavat.

Københavnimi Kalaallit Nunaata Sinniisoqarfia
Danmarkimiit ingerlariaqqinneq ajuleruit, Danmarkimi Kalaallit Nunaata sinniisoqarfianut saaffiginnissaatit:

Suliamut ingerlatsitseriaaseq

Qinnuteqaatit ingerlatsivinnit sisamanit suliarineqassaaq, misissuisartunullu nassiunneqassalluni. Misissuisartut angalanissamut qinnuteqaatit tamaasa misissortassavaat Nakorsaaneqarfiullu akuersineratigut angalanermik ingerlatsisunut attuumassutilinnut ingerlateqqittassallugit. Danmarkimiit Kalaallit Nunaannut angalanissamut qinnuteqartoqartillugu coronavirusimut misissortinnissaq piumasaqaataavoq, taassumalu saniatigut apuuffissannut tikinninniit ullut tallimassaanni misissorteqqissallutit.

Qinnuteqaammut itigartitsineq
COVID-19-ip tuniluunnissaanut aarlerinartut minnerpaaffissaanniitinnissaannut inuiaqatigiinni pisariaqartitat angalanerillu pisariaqanngitsutut nalilerneqartut tunngavigalugit qinnuteqaatit nalilersorneqartassaaq. 'Piumasaqaatit'-ni takukkit.

Danmarkimiit Kalaallit Nunaannut angalanerit
Danmarkimiit Kalaallit Nunaannut angalaniaruit Covid-19-imut misissortinnermit nappaateqannginnermut uppernarsaat takutissavat. Taamaattumik angalanissamut qinnuteqaatit angalanissat minnerpaamik ullunik tallimanik sioqqullugu nassiutissavat, taamaalilluni uku suliarinissaannut piffissaqarfigineqassapput:

  • Misissuineq naammassineqassaaq
  • Rigshospitali nalunaarfigineqassaaq
  • Nappaatip suuneranik misissuineq naammassineqassaaq angalannginnermilu misissugaq tunniunneqassalluni

Kalaallit Nunaannut tikikkuit ulluni 14-ini angerlarsimaannaqqusaassaatit. Angerlarsimaannaqqusaaneq mattusimanerlu pillugit paasisaqarnerunissat pisariaqartikkukku www.nun.gl iserfigisinnaavat.

Angerlarsimaannaqqusaanerup saniatigut, Kalaallit Nunaanni illoqarfinnut tikittut tamarmik, tikinnermiinniit ullut tallimassaanni peqqinnissaqarfimmi coronavirusimut misissortissapput.

Nunaqarfimmukarniaruit angerlarsimaannaqqusaanermi malerugassat taamaallaat atuupput. Taamaattorli nunaqarfiliannginninni illoqarfimmi ullut tallimat angerlarsimaannaqqaarnissannut periarfissaqaruit, illoqarfimmi peqqinnissaqarfimmi misissortissinnaavutit. Nunaqarfinni misissortittoqarsinnaannginnami, Kangerlussuaq eqqaassanngikkaanni.

Peqqinnissaqarfinnut sianerlutit piffissamik inniminniissaatit. Peqqinnissaqarfinni oqarasuaatit normui takuniarukkit una tooruk

 

Piffissaliussat

Angalanissamut qinnuteqaatit suliarineqartarnerisa sivisussusaat
Angalanissamut qinnuteqaativit suliarineqarnerata naammassinissaa ullut 5-7 tikillugit sivisussuseqarsinnaavoq. Qinnuteqaatit oqartussanit arlalinnit suliarineqartussaavoq taamaattumik naammagittarnissannut qinnuigineqarputit.

Piffiit ilaanni suliarineqarnera sivisunerusinnaassaaq.