airplanebooksbriefcase business cogs cross election entertainment fish house law lockmedicalpeopleselfservices socialtax

Timmisartumut ilaasutut pisinnaatitaaffiit – Pingaartumik innarluutilinnut tunngatillugu

Kommunerisannuinnaq aalajangersimasunik paasissutissaqarpoq

Kommune toqqaruk
Timmisartumut ilaasutut pisinnaatitaaffiit – Pingaartumik innarluutilinnut tunngatillugu

Timikkut imaluunniit eqqarsartaatsikkut piginnaasakikkuit, timmisartumik angalanissaq aporfissanik nassataqarsinnaavoq ikiorneqarnissallu pisariaqartissinnaavat.

Timmisartoqarfiit ikiussallutit pisussaaffeqarput assersuutigalugu

  • nassatanik tunniussiniarnermi
  • timmisartumut ikinialernermi


Sullissinermut tassunga mittarfeqarfik akiliuteqartitsisinnaanngilaq.

Innarluuteqarnerit imaluunniit immikkut ittunik pisariaqartitaqarnerit kingusinnerpaamik akunnerit 48-it aallarnissaq sioqqullugu timmisartuutileqatigiiffimmut erseqqissartariaqarpat.


Pingaartumik issiavinnut kaassuartakkanut tunngatillugu
Issiaviit kaassuartagaq akeqanngitsumik nassarsinnaavat. Nassatannut allanut ilanngullugu oqimaalutarneqassaaq poortorneqarlunilu, taamaalilluni ajoqusernanilu nassatanut allanut ajoqusiinnginniassammat.

Illit issiavivit kaassuartakkap nassatat akornanniinneranni, issiavimmik kaassuartakkamik akeqanngitsumik atugassinneqarnissamut pisinnaatitaavutit.


Malugiuk
Innarluuteqarnerit pissutigiinnarlugu timmisartumut ilaasinnaanerit timmisartuutileqatigiiffiup itigartissinnaanngilaa. Taamaattorli timmisartumut ikinissannut itigartissinnaavaatsit, imaattoqarpat

  • illit innarluuteqarnerit patsisigalugu timmisartumi isumannaallisaanermut ulorianartorsiortitsiguit
  • imaluunniit timmisartoq mikivallaarpat imaluunniit ima ilusiligaappat illit ikiffigisinnaanagu


Timmisartuutileqatigiiffiit innarluutilinnut assigiinngitsunik ikiorsiisarput. Taamaattumik timmisartumik aallartinnak illit timmisartuutileqatigiiffik imaluunniit angalatitseqatigiiffik atukkat attaveqarfigisariaqarpat.

Danmark-imi Trafikstyrelsen-ip nittartagaani innarluutilittut pisinnaatitaaffitit annertunerusumik paasisaqarfigisinnaavatit.

Allaaserisat attuumassutillit
Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Imaneq 1A - 601
Postboks 909
3900 Nuuk

Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl