Immikkut tapiissutit

Kalaalllit ilinniartut ilinniagarnersiuteqartut, atuarfimmi suliffimmi misiliinermi tapiissutisiaqartut, Kalaallit Nunaannit ilinniagaqarnersiuteqartut, qallunaat SU-annik pissarsisartut imaluunniit SU-mit ilinniakkap naammassinissaanut taarsigassarsiallit Namminersorlutik Oqartussanit immikkut tapiissutitut ilinniagaqarnersiutinik qinnuteqarsinnaapput.

Amerlanerit Kalaallit Nunaanniinnerminni immikkut tapiissutinik qinnuteqartarput, Danmarkimullu aallannginnerminni Kalaallit Illuutaanniit immikkut tapiissutinik tigusaqartarlutik. Taamaammat immikkut tapiissut siulleq nalinginnaasumik Kalaallit Nunaanniit Danmarkimut nunanut allanulluunniit ilinniariarluni angalanerusarpoq.
Kalaaliuguit ilinniartoq, Namminersorlutik Oqartussanut immikkut tapiissutinik qinnuteqarsimanngitsoq, Kalaallit Nunaata avataani ilinniarnissamut ilinniagaqarnersiutinik qinnuteqaat immersugaq nassiussinnaavat.

Immikkut tapiissuteqarnissannut akuerisaaguit aamma immikkut tapiissutisinissamut piumasaqaatit tamarmik naammassisimappata, makkuninnga qinnuteqarsinnaavutit:

· Angalanerit, imminut kiffartuussiviup ataani akiliunneqarluni angalanissamut qinnuteqaat takuuk
· Pisattanik assartuisarneq meeraqaruit aappaqarlutillu aamma ilinniartumik, kiisalu
ilinniagaqarnermik qaammatinik 20-nit sivisunerusumik unitsitsisoqarallartillugu
· Ilinniarnerup aallartinnerani, imaluunniit angerlarnermi sapaatit akunneri 3 angullugit utaqqiisaasumik ineqarnermi aningaasartuutitit akilerallartinnissai qinnutigisinnaavat,
taanna pisutut immikkut illuinnartutut nalilerneqarsinnaappat ilinniagaqarnermi taarsigassarsiassatut nuutsinneqarsinnaapput
· Misilitsinnermut atatillugu najugaqarnermut atatillugu aningaasartuutinut tapit imaluunniit ilinniakkamut naapertuuttumik ilinniarfimmi allamiinnerit,
Kalaallit Nunaanni nunaniluunniit allani sungiusarluni sulineq imaluunniit immikkut sammisamik allanneq
· Piaartumik suliarisariaqakkamik kigutileritinneq Namminersorlutik Oqartussanit sillimmasiineq akuerineqarsimalerpat
· Anigorsinnaanngisanik nappaateqarnermi ilinnut meeqqannullu nakorsamit innersuunneqartunik nakorsaatinut aningaasartuutinik akiliutsinneq
· Nakorsamit innersuunneqarnikkut katsorsartinnermut akiliutsinneq, ass. tarnip pissusaanik ilisimasalimmut imaluunniit pillorissaasumut
· Allamiut oqaasiinik pisariaqartumik ilinniartinneqartariaqartunut akiliutsinneq kalaallisullu ilinniartinneqarneq
· Ilinniakkanni fagit ilaannik pisariaqartinneqartumik ilinniarteqqinneqarnissamut akiliutsinneq
Ilinniakkamik ingerlaqqiffiusumik ilinniarnermi ilinniarnermut akiliutinik akiliisarneq
· Ilinniarfinni ingerlariaqqiffiusuni ilinniartunut ineqarnermut tapit semesterimut ataatsimut 1100 kr.
· Namminersorlutik Oqartussanit ataasiaannartumik 10.000 kr.-nik taarsigassarsineq
· Ilinniartuunermut ilanngaat kiisalu Naalagaaffeqatigiinnermut ilanngaat qallunaat akileraartarfiannut
marloriaammik akileraartarneq pillugu isumaqatigiissut naapertorlugu

Immikkut ittunik tapiissutinik pisinnaavutit kipineqanngitsumik SU-mik pisartagaqarsimaguit imaluunniit ilinniartutut akissarsiaqarsimaguit/atuarfimmi praktikkertutut qinnuteqannginnermi qaammatit pingasut sioqqullugit akissarsiaqarsimaguit. Taamaattoq tamanna ilinniarnerup aallartinnerani imaluunniit ilinniarnerup qaammataani siullerni 3-ni atuutinngilaq. SU-qarnak ilinniarnerit unitsikkallarukku imaluunniit piffissami SU-qarniarnak toqqarakku qaammatit pingasut qaangiuppata immikkut ittunik tapiiffigineqarsinnaanernut sunniuteqassaaq. Immikkut tapiissutit pillugit Namminersorlutik Oqartussat nalunaarutaanni nr. 9, 19. juli 2017-imeersumi kapitali 6 aamma 7-mi annertunerusumik paasisaqarsinnaavutit. Nalunaarut nittartakkami uani aamma www.lovgivning.gl-imi takuneqarsinnaavoq.

Danmarkimi ilinniarnissamut ilinniagaqarnersiutinik pisartagaqarusukkuit:

• Danskit naalagaaffianni innuttaassuseqarnissaq
• Qinnuteqarnerni ukiuni 5-ni imaluunniit ukiuni 10-ni nunatsinni aalajangersimasumik najugaqarsimanissat aamma 18-nileereernerup kingorna annerpaamik ukiuni pingasuni Kalaallit Nunaata avataani najugaqarsimaneq
• Ilinniakkamut akuerisaasumut akueritissimaguit

Danskit ilinniagaqarnersiutaannik pisinnaanngikkuit, Danmarkimi ilinniakkannut kalaallit ilinniagaqarnersiutaannik qinnuteqarsinnaavutit.
Danmarkimi ilinniagaqartilluni Kalaallit ilinniagaqarnersiutaannik qinnuteqartariaqarnissaq naliginnaasuunngilaq, Danmarkimi ilinniakkanut amerlanernut qallunaat SU-annik pisinnaagavit.
Danmarkimili ilinniarnerit ilaannut Kalaallit ilinniagaqarnersiutaannik qinnuteqarnissaq pitsaanerusarpoq.

Ukununnga atuuppoq:

• Ilinniakkat immikkut piumasaqaatitallit - 'Ilinniakkat immikkut piumasaqaatillit' ataani annertunerusumik takusinnaavat
• Inuusuttut 20-t inorlugit ukiullit ilinniarnertuunngorniarfinni atuarniartut, inuussutissarsiutinik ilinniagaqarniartut imaluunniit ilinniarnertuunngorniarfinni ilassutaasumik ilinniagaqarniartut

Kalaallit Nunaata avataani ilinniarnermut ilinniagaqarnersiuteqarnissamut piumasaqaataapput:

• Danskit naalagaaffianni innuttaassuseqarnissaq
• Minnerpaamik ukiuni 10-ni Kalaallit Nunaanni aalajangersimasumik najugaqareersimaguit annerpaamillu ukiuni 3-ni 18-inik ukioqalereernerpit kingorna Kalaallit Nunaata avataani najugaqarsimaguit.
• Ilinniakkamut akuerisaasumut akueritissimaguit

Ilinniagaqarneq imaluunniit inunnik isumagisassanngortinneqarsimaneq pillugit Kalaallit Nunaata avataani najugaqarsimaneq Kalaallit Nunaata avataani najugaqarsimanertut naatsorsuussaanngilaq.

Meeqqanut tapiissutinut qinnuteqarniaruit digitalimillu nassiukkusullugu imminut sullillutit tuugassaq sungaartoq "Maanna qinnuteqarit" qulaaniittoq toorsinnaavat. Nammineerluni immersuiffissamut aaqqiissutissaq atorusukkukku nammineerlutit MitID-risat atorlugu qarasaasiamut isissaatit.

Qinnuteqaatinnut makku ilanngunneqassapput:

• nalunaarsoqqanivit assinga www.registerindsigt.cpr.dk imaluunniit
• kuisinnermut allagartaq, atertaarnermut allagartaq imal. inunngorsimanermut allagartaq.

Toortakkap sungaartup "Maana qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit

Malugiuk:
MitID atorlugu qarasaasiamut isersinnaaguit qinnuteqaatigisat qarasaasiaq atorlugu taamaallaat nassiussinnaavat.

Inissisimanerit apeqqutaatillugu, immersuiffissap sumut nassiunneqarnissaa assigiinngitsuusinnaavoq:

• Kalaallit Nunaanniikkuit qinnuteqarnermut immersugaq Kalaallit Illuutaannut nassiutissavat
• Danmarkimiikkuit qinnuteqarnermut immersugaq Kalaallit Illuutaannut nassiutissavat
• Nunani allaniikkuit qinnuteqarnermut immersuiffissaq Kalaallit Illuanut Københavnimiittumut siunnersuisartunut nassiutissavat

Danmarkimi Kalaallit Illuisa adressii kipparissumi talerpiup tungaani takusinnaavatit.

Qinnuteqaatit Kalaallit Illuutaannit tiguneqariarpat, qinnuteqaatit suliarissavaat.

Qinnuteqarnerit pillugu mailikkut imaluunniit allakkatsigut akissutisiumaarputit.

• Akuerisaanermi

Piumasaqaatit naammassisimagukkit, tapiisutit sorliit akuersissutigineqarsimanersut tapiissutinut qinnuteqatit akuerineqarsimanersoq allaganngorlugit nassiunneqassapput.

• Itigartitsissuteqarfigineqarnermi

Piumasaqaatit naammassisimanngikkukkit immikkut tapiissuteqarnissannut qinnuteqaatit itigartinneqassaaq.
Itigartitsissuteqarnermi allagarsiannut maalaaruteqarnissamut najoqqutassaq ilanngunneqarumaarpoq.

Ullut 10-15-it missaanik immikkut tapiissuteqarfigineqarnissamut qinnuteqaatit suliarineqassaaq.

Aningaasaqarnikkut pissutsitit allanngussappata Kalaallit Illuutaanut nalunaartussaatitaavutit.

Ilinniagaqarnersiutinik/ immikkut tapiissutinik ukioq tamaat qinnuteqarsinaavutit.

Ilinniarfissatut qinnuteqarfivit qinnuteqarninnut suliarinninnera pillugu naammagittaalliornissamik pisussaaffeqarputit.

Naammagittaalliorniaruit naammagittaalliutit aalajangiisoqarneraniit sapaatip akunneri arfinillit qaangiutsinnagit nassiutissavat.
Naammagittaalliut mailimut uunga ikin@nanoq.gl imut nassiutissavat naammagittaalliuutinni:

• Aalajangiinermut sooq naammagittaalliuuteqarusunninnut nassuiaat allassavat
• Uppernarsaatit pisariaqartut soorlu itigartinneqarsimanermut allagarsiat kakkiutikkit.