Ilinniarnertuunngorniarfimmut (GUX) qinnuteqarit
GUX-imut qanoq qinnuteqassanersutit videomi takujuk
Ilinniarnertuunngorniarneq (GUX) Aasianni, Sisimiuni, Nuummi aamma Qaqortumi atuagarsorluni inuusuttunut ilinniarfiuvoq. GUX ilinniarnermi sammivinnik amerlasuunik periarfissiivoq, soqutigisannut tulluarsarneqarsimalluni aamma siunissami ilinniagaqarnissannut tulluussagaavoq.
GUX ukiuni pingasuni aamma ukiuni marlunni kiisalu atuartitsissutini ataasiakkaani tapertaliussatullu atuartitsissutinik ilinniartoqarsinnaavoq.
Nalunaarsuut GUX pillugu uani takuuk
Ilinniarnertuunngorniarfik qinnuteqaaterni pingaarnertut toqqakkat nalilersussavaa qanoq nalilersorneqassanerlutit:
- inatsisitigut piginnaatitaaffikkut
- immikkut akuerineqarnikkut
- misilitsinnikkut
Inatsisitigut piginnaatitaaffik sunaava?
Tulliuttut piumasaqaatit naammassigukkit inatsisitigut piginnaatitaaffeqarputit GUX-imi atualernissannut. Qinnuteqaruit GUX-imiit pinngitsoornat tiguneqassaatit:
- projektopgavimi minnerpaamik E-mik karaktereqaruit
- 10. klassimi inaarutaasumik angusimasanut karakteerini tamani minnerpaamik karakteeri E anguneqarsimappat
- meeqqat atuarfianni 10 klassimi soraarummeernermi angusanni tamani, kiisalu ilinniartitsissutinilu misilitsiffiusuni tamani minnerpaamik E-mik karaktereqaruit
Immikkut akuerineqarluni isernissamut qinnuteqarneq sunaava?
FA-mi misilitsinninni ilinniartitsissutini soorlu kalaallisut, danskimi, tuluttut, matematikkimilu pitsaasumik karaktereqarputit, kisianni ilinniartitsissutini ataatsimi marlunniluunniit angusinngitsoorsimallutit. Taamaattoqarpat periarfissaqarpoq atuarfimmi rektoriusup immikkut akuersaarluni qinnuteqaatinnik akuersisinnaaneranut. Ilinniarnertuunngorniarfik inatsisitigut piumasaqaatinut immikkut ittumik akuersissuteqassappat inuttut suliatigulluunniit tunngavilersuutinik ilanngussissaatit.
Misilitsinneq suua?
Misilitsinneq aprilip ingerlanerani pisarpoq, apeqqutit arlariinnik akissutissalersoriikkat immersorlugit misilitsinneq pisarpoq. Ilinniartitsissutit kalaallisut, qallunaatut, tuluttut, matematik pinngortitalerineq inuiaqatigiilerinerlu misilitsiffiusarput. Misilitsinneq akunnermi ataatsimi ingerlanneqartarpoq. Misilitsinneq siusinnerpaamik pisinnaavoq meeqqat atuarfianni naammassereernerup kingorna upernarnerani. Misilitsinnerit Majoriami, nunaqarfiit atuarfiini Danmarkimiittunullu Kalaallit illuini ingerlanneqartarput. Misilitsinnermi angusisut qulakkeeqqasinnaanngilaat GUX-imut isernissaq, tamatumani GUX-it inissaqartitsinerat apeqqutaasarmat.
Una toorlugu Ilinniarnertuunngorniarneq pillugu ilitsersuusiaq ammaruk
Una toorlugu Isiginnaagassiaaraq GUX-imi ilinniakkat sammivii pillugit isiginnaaruk
GUX-imi tiguneqarniarlutit qinnuteqarniaruit, qinnuteqarnermi immersugassaq najukkanni Majoriarmut tunniutissavat, sullissivik.gl aqqutigaluguluunniit qarasaasiakkut attaveqaat toqqaannartoq atorlugu qinnuteqarsinnaavutit.
Qinnuteqarfissap killigaa 1. marts.
Malugiuk
Ilinniakkamut tiguneqarnissat qinnutigigukku, imaanngilaq ilinniartut inaannik tunineqarnissat naatsorsuutigissagit.
Imminut sullinnikkut qinnuteqarneq
NemID-imik peqaruit, Ilinniarnertuunngorniarfimmut GUX-imut imminut sullinnikkut qinnuteqarsinnaavutit, uuma quppernerup qulaani toortagaq sungaartoq “Maana qinnuteqarit” aqqutigalugu.
Immersortakkatigut pappialakkut qinnuteqarneq
NemID-imik pigisaqanngikkuit qinnuteqaat pappialaq ’Kalaallit Nunaanni ilinniakkanut aamma ilinniagaqarnersiutinut qinnuteqaat immersugassaq’ immersorsinnaavat Majoriamullu illoqarfigisamiittumut tunniullugu, imaluunniit qinnuteqaat immersoreernikoq nassiullugu.
Ilitsersuut atuaruk qinnuteqarnissamut immersugassap pappialartaata immersornissaanut
- Ilinniarnertuunngorniartarneq pillugu Inatsisartut inatsisaat nr. 13, 22. november 2011-meersoq (ltl 13 2011)
- Ilinniarnertuunngorniartarneq pillugu Inatsisartut inatsisaata allanngortinnera pillugu Inatsisartut inatsisaat nr. 31, 9. december 2015-imeersoq (Atorfinitsitsinermut soraarsitsinermullu pisinnaatitsinerit) (L 31 2015)
- Ilinniarnertuunngorniarneq pillugu Inatsisartut inatsisaata allanngortinnera pillugu Inatsisartut inatsisaat nr. 4, 30. maj 2014-imeersoq (ilinniarnertuunngorniarfimmi ilinniartitsissutinik ataasiakkaanik ilinniartitsineq, ilinniarnissamut piareersarluni pikkorissarnerit, ilinniartitsissutinut minnerpaamik piumasaqaatit il.il.) (L 04 2014)
- Ilinniarnertuunngorniarfimmi ilinniartitsissutit ataasiakkaat, ilassutitut ilinniarnerit imminullu ilinniartittarneq pillugit Namminersorlutik Oqartussat nalunaarutaat nr. 27, 17. november 2016-imeersoq (bkg 27 2016)
- Ilinniarnertuunngorniarfinni ilinniartitsinissamut piginnaaneqarneq pillugu Namminersorlutik Oqartussat nalunaarutaat nr. 18, 17. september 2015-imeersoq (pædagogikum pillugu nalunaarut) (bkg 18 2015)
- Ilinniarnertuunngorniarfimmi angusimasanik ilinniarnermut allamut nuussisarneq allatullu atuartitsinermut peqataannginnissaq pillugu Namminersorlutik Oqartussat nalunaarutaat nr. 7, 14. april 2015-imeersoq. (bkg 07 2015)
- Ilinniagaqarnersiutit pillugit Namminersorlutik Oqartussat nalunaarutaat nr. 9, ulloq 19. juli 2017-imeersoq (bkg 09 2017)
- Ilinniarnertuunngorniarluni ilinniakkami naliliisarneq aamma uppernarsaasiisarneq pillugit Namminersorlutik Oqartussat nalunaarutaat nr. 1, 23. januar 2015-imeersoq (bkg 01 2015)
- Ilinniarnertuunngorniarfimmi ilikkagassatut pilersaarutit pillugit Namminersorlutik Oqartussat nalunaarutaat nr. 7, 27. maj 2014-imeersoq (bkg 07 2014)
- Ilinniarnertuunngorniartunik ilinniartunngortitsisarneq pillugu Namminersorlutik Oqartussat nalunaarutaat nr. 3, 31. januar 2013-imeersoq (bkg 03 2013)
- Ilinniarnertuunngorniarfinni ilinniarnermut ileqqorissaarnermullu malittarisassat pillugit Namminersorlutik Oqartussat nalunaarutaat nr. 10, 23. juli 2012-imeersoq (bkg 10 2012)
- Karakteeriliisarnermi tulleriinnilersuineq allatullu naliliisarneq pillugit Namminersornerullutik Oqartussat nalunaarutaat nr. 14, 23. juni 2008-imeersoq (bkg 14 2008)
Postboks 349
3911 Sisimiut
Oqarasuaat: 86 71 50
Fax: 86 43 70
E-mail: piareersarfik@akademi.gl
Imaneq 4
Postboks 1029
3900 Nuuk
Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl