Ilinniarnerup nalaani meeqqanut tapiissutit

Ilinniartut meerallit ilinniagaqarnermi nalaanni meeqqanut tapiissutinik pisarput.

Meeqqanut tapiissutit tassaapput ilinniarnivit nalaani aningaasatigut meeqqavit pilersornissaannut tapiissutit.

Meeqqanut tapiissutinik pisinnaavutit:

• Meeqqannut imaluunniit meeravissiannut pilersuisuuguit

Meeqqat pisortanit tamakkiisumik pilersorneqarpat meeqqanut tapiissutinik pisinnaanngilatit.

Piffissani qiortartakkanik atuiffigisimanngisanni meeqqanut tapiissutinik pisinnaanngilatit.

Tapiissutit angissusaat meeqqap sumi najugaqarnera apeqqutaavoq:

• 1.000 koruunit qaammammut, meeqqamut ataatsimut Kalaallit Nunaanni najugalimmut
• 1.460 koruunit qaammammut, meeqqamut ataatsimut Danmarkimi najugalimmut
• 1.000 koruunit qaammammut, meeraq Kalaallit Nunaanni Danmarkimiluunniit najugaqanngippat

Danmarkimit ilinniagaqarnersiuteqaruit (SU), kisimiillutit pilersuisutut imaluunniit angajoqqaatut pilersuisut marluullutik ilinniartuugunik SU-mit pilersuisut tapiannik pisinnaatitaapput. Tapiissutit qanoq qaffasitsiginersut uani takusinnaavatit www.su.dk.

Ilinniagaqarnersiutinik qinnuteqarninnut atatillugu meeqqanut tapiissutit ilanngullugit qinnutigisinnaavatit. Meeqqanut tapiissutit tunniunneqartarput ilinniagaqarnersiutinut ilanngullugit.