Ilinniagaqarnermi taarsigassarsiannik isumakkeerfigineqarnissamut ikiorserneqarnissamik qinnuteqarit

Illit ilinniagaqarnermi taarsigassarsiannut tunngatillugu isumakkeerfigineqarsinnaavutit imaluunniit ilaat pillugit isumakkeerfigineqarsinnaavutit:

• Toqukkut qimaguttoqarpat, toqukkut qimaguttoq utertitsilluni akiliuteqarnissamut akissaqanngippat
• Timimik tamakkiisumik atuisinnaajunnaarnermi aamma isertitaqanngikkuit imaluunniit aningaasanik toqqortaqanngikkuit

Ilinniagaqarnermi taarsigassarsiannik isumakkeerfigineqarnissamut ikiorserneqarnissamik qinnuteqarniaruit qinnuteqarnermi immersuiffissaq immersussavat ’Ilinniagaqarnermi taarsigassarsiannik isumakkeerfigineqarnissamut qinnuteqarit’.

Qinnuteqaammut ilanngutissavatit:

• Akileraaruseriffimmit ukiumoortumik nalunaarsuiffiit, ukiut marluk qaangiuttunit pisut
• Ikiorsiissutit pissarsiarisimasatit pillugit inunnik isumaginnittoqarfimmit oqaaseqaat
• Najugaqarnermut uppernarsaatip assilinera
• Akiliuteqarnermut uppernarsaatit

NemID-mik peqaruit Ilinniagaqarnersiuteqartitsivimmut attaveqaatitigut toqqaannartumik qinnuteqaammut immersuiffissaq immersorlugulu nassiussinnaavat.

NemID-mik peqanngikkuit qinnuteqarnermi immersuiffissaq atsiugaq naqitigarlu, allakkatigut imaluunniit e-mailikkut uunga usf@nanoq.gl Ilinniagaqarnersiuteqartitsivimmut nassiutissavat.