Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Akiliunneqarluni angalaneq

Akiliunneqarnissamut maana qinnuteqarit

Akiliunneqarluni angalaneq akeqanngitsumik angalaneruvoq. Ilinniartutut illoqarfiup najugarisavit illoqarfiullu ilinniarfivit akornanni akiliunneqarlutit angalanerit assigiinngitsunut pisinnaatitaavutit.

Malugiuk
Immikkut pisoqartillugu akiliunneqarluni angalanissamut qitornannut aapparisinnaasannullu akiliunneqarluni angalanernut arlaannut qinnuteqaateqarsinnaavutit.

 

Akiliunneqarluni angalanerit akuersissutigineqassappat piumasaqaateqarpoq malitassannik. Piumasaqaataavoq:
  • Ilinniagaqarnersiuteqarnissamik akuerineqarsimanissat
  • Ilinniakkap sivikinnerpaamik qaammatinik qulinik sivisussuseqarnissaa
  • Pisortanit ikiorsiissutinik pisartagaqannginnissat

Akiliunneqarluni angalanissat qinnuteqaatigissagukku angalanissaq pitinnagu sapaatit akunneri sisamat sioqqullugit billetsissat inniminnersimassavat.
 

Ilinniagaqareernerpit kingorna qinnuteqassaguit ilinniagaqarsimanerup naammassineranit kingusinnerpaamik ukioq ataaseq qaangiutereersoq angerlamut angalareersimassaatit.

 

Meeqqat aapparisallu akiliunneqarlutik angalasinnaanerat

  • Ilinniarfimmiinnerit qaammatinit qulinit sivisunerussappat meeqqatit akiliunneqarlutik angalasinnaapput. Piumasaqaataavorli meeqqat naammaginartunik inissaqartinneqarlutillu paarsisussaqartinneqarnissaat
  • Ilinniaarfimmiinnerit qaammatinit qulinit sivikinnerussappat meeqqat akiliunneqarlutik angalatinneqarnissaannut immikkut akuersissummik qinnuteqarsinnaavutit. Tassanissaaq piumasaqataavoq inissaqarniarnerup paarsisussaqarniarnerullu aaqqinneqarsimanissaat

Aapparisat akeqanngitsumik angalatinneqarsinnaavoq meeqqat akeqanngitsumik angalatinneqarnissaat akuerineqarsimappat. Immikkut ittumik akuerineqarsimaguit meeqqat nassarnissaanut aapparisat akiliunneqarsinnaanngilaq.

Piumasaqaataasut assigiinngitsut malinneqarsimappata akiliunneqarluni angalanerit pisinnaasatit tassaapput:
  • Ilinniarnerup aallartinnerani
  • Ilinniakkap taamaatinnerani imaluunniit taamaatikkallarnerani
  • Feeriarnermi
  • Erninermi sulinngiffeqarneq
  • Ilinniarnermut atatillugu allami najugaqarallarnermi
  • Ilinniakkap naammassinerani
  • Ilaquttani qaniginerpaasani napparsimasoqartillugu toqusoqarsimatillugulu

Ilaquttat qaninnerpaat tassaapput:
  • Nammineq meeqqat, ueq/nuliaq, angajoqqaat qatanngutit aanaa aataalu
  • Aappariit inersimasutut ukioq ataaseq sinnerlugu najugaqatigiissimanermut uppernarsaasinnaasut aappariittut naatsorsuutigineqarput

Ilinniarnerpit aallartinneranut atatillugu ilinniarfissatut qinnuteqarfigisannut akiliunneqarlutit angalanissannut qinnuteqassaatit.

Allanut angalanernut qinnuteqarniaruit ilinniarfinni ilinniarneq pillugu siunnersuisumut saaffiginnissaatit.

 

Meeqqat aapparisallu akiliunneqarlutik angalasinnaanerat

Immikkut akuersissuteqartoqarnissaanik qinnuteqarnermi immersuiffissaq
Danmarkimi Kalaallit Illui

København (nunat tamani ilinniarnissamut siunnersuineq)
www.sumut.dk

Odense
www.dgh-odense.dk

Aarhus
www.groenlandskehus.dk

Aalborg
dgh-aalborg.dk

Ilinniagaqarnersiuteqartitsivik - USF
Postboks 1022
3900 Nuuk

Oqarasuaat: (+299) 34 50 00
E-mail: usf@nanoq.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.