Ilinniarnerup nalaani Juullisioriarnissamut akiliunneqarluni angalanissamut qinnuteqarit

Akiliunneqarluni angalaneq immikkut neqeroorutaavoq ilinniagaqarrnersiutisiaqaruit qinnutigineqarsinnaasoq.

Akiliunneqarluni angalanerit assigiinngitsut tassaapput:

• Ilinniarnermik aallartitsineq ilinniarnermillu naammassinninneq
• Ilinniakkamik taamaatitsineq taamaatitsigallarnerluunniit
• ukiumut feeriamut/juullimut akiliunneqarluni angalaneq
• Ernisimalluni sulinngiffeqarneq
• Ilinniarnermut atatillugu najugaqarallarneq
• Napparsimaneq ilaquttanillu qaninnernik toqusoorneq

Illit ilinniartutut piumasaqaatit naammassigukkit akiliunneqarlutit angalanernut assigiinngitsunut pisinnaatitaaffeqarputit.

Juullisioriarnissamut akiliunneqarluni angalaneq tassaaavoq illit ilinniartutut akeqanngitsumik angalanissamut qinnutigisinnaasat.
Atuarfimmi sulinermik misiliisut juullisioriarnissamut akiliunneqarlutik angalasinnaapputtaaq.

Juullisioriarnissamut angalanissat akilerneqassappat:

• Illoqarfimmi angerlarsimaffigisanni meeraqartariaqarputit nunamilu/illoqarfimmilu allami ilinniagaqartuusariaqarlutit
• angajoqqaatut oqartussaaffeqarneq uppernarsassavat
• Ilinniagaqarnersiutisiaqassaatit
• Pisortanit ikiorsiissutisiaqassanngilatit
• Ilinniakkat qaammatinit qulinit sivisunerussaaq
• (Ilinniakkat martip aallaqqaataa sioqqullugu naammassissappat tamanna atuutissanngilaq)

Malugiuk
Aallartinnermut angalanissamut akiliunneqarsimanngikkaluarlutit juullisioriarnissamut akiliunneqarlutit angalanissamut  taperneqarsinnaavutit.
Aamma feeriarnissamut akiliunneqarluni angalanermut qaammatinik qulingiluanik katersinissaq piumasaqaataanngilaq.


Meeraqaruit katissimaguilluunniit
Illoqarfimmi angerlarsimaffigisanni meeraqaruit nunamilu/illoqarfimmilu allami ilinniartuullutit juullisioriarnissamut akiliunneqarlutit angalanissat qinnutigisinnaavat imaluunniit meeqqatit illit ilinniarfigisannut illoqarfimmut juullisioriarnissamut akiliunneqarlutik angalasinnaapput.

Katisimaffigisat meeqamut meeqqanulluunniit angajoqqaatut oqartussaaffeqarnini uppernarsarsinnaappagu, katisimaffigisavit juullisioriarnissamut akiliunneqarluni angalanissaa qinnutigisinnaavat.  

Meeqqat/-it ilinniarfigiartukkannut nassarsimagukkit juullisioriarnissamut akiliunneqarluni angalanissamut qinnuteqarsinnaanngilatit.

Juullisioriarnissamut akiliunneqarluni angalaneq tassaavoq angalaneq akeqanngitsoq.

Juullisioriarnissamut akiliunneqarluni angalanissaq qinnutiginiarukku qinnuteqaallu digitalinngorlugu nassiunniarukku, imminut sullinnissamut toortagaq sungaartoq ”Maana qinnnuteqarit” maani quppernermi qullermiittoq aqqutigalugu qinnuteqassaatit. Imminut sullinnissamut aaqqiissut taanna atulerukku, NemID inuttut pigisat atorlugu iserasuassaatit.

Qinnuteqaatinni ilanngussat makku kakkiutissavatit:

• Registerindsigtimit tigulaagaq www.registerindsigt.cpr.dk
• Danmarkimi qinnuteqaruit ilinniartuuneq pillugu uppernarsaat

Toortagaq sungaartoq "Maana qinnuteqarit" toorlugu digitalimik imminut sullinneq aallartissavat

Malugiuk:
NemID atorlugu iserasuarlutit qinnuteqaatit digitalinngorlugu nassiussinnaavat.

juullisioriarnissamut akiliunneqarluni angalanissamut qinnuteqarniaruit qinnuteqarnissamut immersugassaq immersussavat.'
Toortagaq sungaartoq ”Maana qinnuteqarit” aqqutigalugu makku periarfissaraatit:

• Immersugassaq interntsikkut immersorusukkukku anillatsillugulu ”immersoruk anillatsillugulu” toqqarsinnaavat (NemID pisariaqanngilaq)
• Immersugassaq anillatsinniarukku assannillu immersorlugu ”Anillatsigut” toqqassavat (NemID pisariaqanngilaq).

Immersugassaq immersoreerukku ilinniarfigisannut tunniutissavat, ilinniarfigisat illoqarfimmi allamiippat, immersugassaq immersugaq Majoriamut tunniussinnaavat.
Qinnuteqaatinni makku ilanngussatut ilanngutissavatit:

• Registerindsigtimit tigulaagaq www.registerindsigt.cpr.dk
• Danmarkimi qinnuteqaruit ilinniartuuneq pillugu uppernarsaat

Illit (ilinniartoq) juullisioriarnissamut akiliunneqarluni angalanissamut qinnuteqarsimaguit, ilinniarfigisavit qinnuteqaat tigussavaa qinnuteqaatillu pillugu aalajangiissallutik.

Akuersinermi
Qinnuteqaatit akuerineqarpat, illit (ilinniartoq) tapiissutisinissamut nassuiaammik tigusaqassaatit.
tapiissutisinissamut nassuiaat tigugukku, illit (ilinniartoq) nammineerlutit angalatitsivigissat aqqutigalugu inniminniissaatit, taassumalu billetsissat inniminnissavaa.

Ilinniarfigisavit billetsissat akuerippagu, illit (ilinniartoq) angalanissamut pilersaarut tigussavat assingalu ilinniarfigisannut nassiunneqassalluni.

Itigartitsinermi
Qinnuteqaatit itigartinneqarsimappat, illit (ilinniartoq) naammagittaalliuteqarnissamut ilitsersuutitalimmik allagarsissaatit.

"Suliap suliarineqarnera pillugu nassuiaat" una toorlugu aasinnaavat

Qaqugukkulluunniit juullisioriarnissamut akiliunneqarluni angalanissamut qinnuteqarsinnaavutit.

Aallarnissat sap. akunnerinik sisamanik sioqqullugu billetsissannik inniminniissaatit.
Kingusinnerusukkut inniminniisimaneq pissutigalugu allanik akitsuusersuisoqarpat, illit nammineq akilissavatit.

Qinnuteqaatinnut atatillugu ilinniarfigisavit aalajangiissutaa pillugu naammagittaalliorsinnaavutit.
Naammagittaalliuteqarniaruit, aalajangiinerup kingorna sap. akunneri arfinillit qaanigutsinnagit naammagittaalliut nassiutissavat.
Naammagittaalliut mailimut uunga nassiutissavat: IKIN@nanoq.gl

Naammagittaalliutinni imaaliussaatit:

• Aalajangiineq pillugu naammagittaalliutinnut pissutaasoq allassavat
• Allagaatit attuumassuteqartut ilanngutissavatit, soorlu itigartitsinermut allagaq