Pigisat assartorneqarnerat

Pigisat assartorneqarnerat tassaavoq ilinniarnivit aallartinnerani, taamaatinnerani imaluunniit naammassinerani nassiussilluni assartuineq. Pigisanik assartuineq tamatigut umiarsuarmik pissaaq.

Pigisat assartorneqarsinnaapput:

• Containerimi 5,50 m3-inik atsigisoq tikillugu
• Nassiussatut nalinginnaasutut 5,50 m3-inik atsigisoq tikillugu

Pingasunik amerlanernilluunniit meeraqaruit nassitsinnissannut containerinik marlunnik imaluunniit nassiussanik nalinginnaasunik 11 m3-inik atsigisunik atuillutit akuerineqarsinnaavutit.

Meeraqaruit pigisavit assartorneqarnerinut ilinniarnerup aallartinnerani, taamaatiinnarnerani imaluunniit naammassinerani akiliunneqarnissamik akuerineqarsinnaavutit. Tassanili meeqqap imaluunniit meeqqat akiliunneqarlutik angalasinnaanerat akuersissutaasimanissaa piumasaqaataavoq, aamma ilinniarnerup imaluunniit suliffimmik misiliinerup sivisussusissaa qaammatinik arfinilinnik sivisunerusimassaaq.

Ilinniartut aappariit pigisamik assartorneqarnissaat akuerineqarsinnaapput ilinniarnerup aallartinnerani, taamaatiinnarnerani imaluunniit naammassinerani arlaata ilinniarnera qaammatit 20-it sinnerlugit sivisussuseqarpat. Aappariit tamarmik ilinniakkaminnik tamarmik immikkut qaammatit 20-it sinnerlugit sivisussuseqartuni ilinniagaqarsimappata, containerit marluk imaluunniit nassiussat katillugit 11 m3-inik atsigisut akiliunneqarsinnaapput.

Kisermaajuguit meeraqarnallu ilinniakkavit naammassinerani pigisavit assartorneqarnissaannut akuerineqarsinnaavutit. Ilinniarnerulli qaammatinik 20-nik sivisunerunissaa piumasaqaataavoq.

Pigisanik assartuinermut akiliunneqarsinnaanngilatit suliffinni suliunnaarlutit imaluunniit suliffissanni sulilissallutit sulisitsisup akiligassarisaanik pigisanik assartuussissappat.

Pigisanik assartuussinissamut periutsit marluk atorlugit qinnuteqarsinnaavutit:

NemID’qaruit
NemID’eqaruit NemID atorlugu isersinnaavutit toqqaannartumillu sullissivik.gl-ikkut qinnuteqarlutit.

Imminut sullinneq qulaaniittoq tooruk NemID’lu atorlugu iseriarlutit aallartillutit.

NemID’qanngikkuit
NemID’qanngikkuit ilinniagaqarnersiutinik qinnuteqarninni immersugassami: Kalaallit Nunaanni ilinniagaqarnissamik ilinniagaqarnersiuteqarnissamillu qinnuteqarnermi.

Qinnuteqarnissamut immersuiffissaq uani aajuk ’Kalaallit Nunaanni ilinniagaqarnissamik ilinniagaqarnersiuteqarnissamillu qinnuteqarnermi’

Aammattaaq pigisanik assartuussinissamut qinnuteqarsinnaavutit Kalaallit Nunaanni ilinniarfinni siunnersortinnut saaffiginninnikkut imaluunniit Danmarkimi ilinniaruit Kalaallit Illuutaannut saaffiginninnikkut.