Aalisarnermi atortorissaarusersorneq

Aalisarnermi teknologi tassaavoq diplomingeniørinngorniarneq aalisarnermi ingeniøritut sulilernissamut sammiveqartoq. Maani nalitusaaneq tamarmiusoq sammineqassaaq – imaani aalisarnermi uumanerannit pisarineqareerneranillu nerisassiarineqarnerannut kiisalu aalisakkanik qalerualinnillu piujuartitsilluni aqutsineq.

Suut ilikkassavigit?
Aalisarnermi atortorissaarusersornerit pillugit ilinniarninni aalisarnermut qalerualinniarnermullu suliarinninnermullu ingerlatseriaatsini tamani ilisimasaqarnerulissaatit. Tassa imaappoq piniarnermik/aalisarnermik aqutsineq inuussutissalerinerlu pillugit nalitusaanerit tamaasa ilinniarfigissavatit.
Imaani uumasut allanngorarneri, imaani ummassusilerineq, imarpissuit kiisalu ingeniøritut suliassat tunngaviusut (matematik allallu) saniisigut ilinniakkami pingaarnertut atuartitsissutigineqartut pingasuupput:

• Pisanut atortorissaarusersorneq
• Aalisarnermik ingerlatsineq
• Aalisakkat qaleruallillu suliarineqarnerat.

Ilinniakkap ingerlarnga tamakkerlugu sammineqassapput piujuartitsineq, nutaaliorneq suliffeqarfiuteqarnerlu, taamaammat inuussutissarsiummik ineriartortitsineq aamma sammineqartassaaq.

Ilinniakkat ilusilersugaanera
Aalisarnermi teknologimi diplomingeniørinngornissamut ilinniarneq ukiunik sisamanik sivisussuseqarpoq.

Kalaallit Nunaanni nunatta illoqarfiisa annersaata tulliani, qaasuitsup killeqarfianit avammut 50 km-inik ungasitsigisumi, Sisimiuni DTU-p Campus-iani ilinniarneq siulleq ilinniarfigissavat. Maani ingeniørit suliarisartagaannik tunngaviusunik ilinniartinneqassaatit. Atuartitsinermi Kalaallit Nunaanni najukkanit assersuutinik ilanngussuisoqassaaq, aalisarnermilu nalitusaanermi tamarmiusumi suliassaqarfiit akornanni assigiinngitsut pikkorissarfigissavatit suliartorfigisarlutillu.

Kingusinnerusukkut Danmarkimi Hirtshalsimi DTU-mi ilinniassaatit. (2022-mi sioqqulluguluunniit ilinniarfimmit tigusaasimaguit Lyngbymi DTU pingaarnertut atuarfigisassavat.)
Ilinniarnerup ingerlanerani ukiup affaa suliffimmik misiliissaatit assersuutigalugu Danmarkimi, nunatsinni nunaniluunniit allani aalisakkerivimmi pisortalluunniit ingerlatsiviani.

Ilinniakkap sammivianut qaffasissutsimut piumasaqaat:

• Matematik A
• Fysik B imaluunniit Geovidenskab A
• Tuluttut B

Misilitsinnerit tullinnguuttut kvote 1-mut aamma kvote 2-mut isersinnaatitsipput:

• Ilinniarnertuunngorniarfimmi soraarummeersimaneq (stx)
• Piareersaatitut qaffasinnerusumik soraarummeerneq (hf) 1. august 2017 sioqqullugu aallartinneqartoq
• Piareersaatitut qaffasinnerusumik soraarummeerneq (hf) 1. august 2017 kingorna aallartinneqartoq tapiliussartaqanngitsoq (taamaallaat diplomingeniøritut ilinniarnermut isissutaasinnaasoq)
• Piareersaatitut qaffasissumi soraarummeerneq (hf) 1. august 2017 kingorna aallartittumik tapiliussartalik
• Niuernermi qaffasinnerusumik soraarummeerneq (hhx)
• Soraarummeerneq teknikkikkut qaffasinnerusoq (htx)
• Inuussutissarsiummut ilinniagaq inuussutissarsiummut atatillugu ilinniarnertuutut soraarummeernertalik (eux) svendebrevitaqanngitsoq (taamaallaat diplomingeniørinngorniarnissamut isissutaasinnaasoq)
• Inuussutissarsiummut ilinniagaq inuussutissarsiummut atatillugu ilinniarnertuutut soraarummeernertalik (eux) svendebrevitalik
• Inuussutissarsiummut ilinniagaq merkantiliusoq inuussutissarsiummut atatillugu ilinniarnertuutut soraarummeernertalik svendebrevitaqanngitsoq 1. august 2017 sioqqullugu aallartinneqartoq.
• Allanik oqaasilinnut hf-imik immikkut ittumik atuartitsineq (GIF)
• Duborgskolenimi soraarummeerneq
• A.P. Møllerskolenimit soraarummeerneq
• Savalimmiuni ilinniarnertuutut soraarummeerneq
• Savalimmiuni piareersaatitut qaffasissumi soraarummeerneq
• Savalimmiuni niuernermi qaffasissumi soraarummeersimaneq
• Savalimmiuni soraarummeerneq teknikkikkut qaffasinnerusoq
• Kalaallit Nunaanni ilinniarnertuunngorniarfik (GUX-eksamen)*
• Kalaallit Nunaanni inuussutissarsiummut ilinniarnertuutut soraarummeerneq teknikkikkut qaffasinnerusoq*
• Kalaallit Nunaanni inuussutissarsiummut ilinniarnertuutut soraarummeerneq niuernikkut qaffasinnerusoq*

*Kalaallinut immikkut aaqqissuussaq aqqutigalugu qinnuteqarusukkuit kingusinnerpaamik 15. marts. nal.12.00 qinnuteqassaatit.

Soraarummeernerit tullinnguuttut kvote 1-imut 2-mullu isissutaasinnaapput, maliginiagassaavorli qinnuteqarfissap 15. marts nal. 12 killigimmagu:

• Dansk/Fransk Baccalauréat (DFB)
• Europæisk Baccalauréat (EB)
• International Baccalaureate (IB)
• Option Internationale du Baccalauréat (OIB)
• Dansk-tysk ilinniarnertuunngorniarfimmi soraarummeersimaneq/DIAP
• Tuluit Nunaanni soraarummeersimaneq (2023-mi aasaanerani tigusinermut ilanngullugulu)
• Ilinniarnertuutut soraarummeernerit nunani EU/EØS-imimiittuni allaneersut

Soraarummeernerit tullinnguuttut taamaallaat kvote 2-mut isissutaasinnaapput:

• Ilinniarnertuutut soraarummeernerit nunani EU/EØS-imimiittuni allaneersuunngitsut
• Ingeniørinngorniarnissamut isersinnaanissamut pikkorissarneq.
• Rudolf Steiner-ip atuarfiani ilinniarsimaneq (NB: Rudolf Steiner-imi soraarummeersimasutut qinnuteqaruit immikkut akuerineqarluni tigusaanissamut qinnuteqassaatit).

Inuussutissarsiummut bachoritut ilinniarnerit isissutaasinnaasut
Isissutaasinnaasumik ilinniarnertuutut soraarummeersimanngikkuit, taamaattorli inuussutissarsiummut bachoritut ilinniarsimallutit (PBA) inuussutissarsiummulluunniit akademimik ilinniarsimallutit (EA), diplomingeniørinnorniarfiit aalajangersimasunut (.pdf) tigusaanissamut kvote 2 aqqutigalugu qinnuteqarsinnaavutit.

Tiguneqarnissamut piumasaqaatit aalajangersimasut minnerpaamik angusimanissaat maluginiassavat. Tassa imaappoq sammivinnut aalajangersimasunut ataasiakkaanut tigusaassaguit illit minnerpaamik atuartitsissutit qaffasissutsini allassimasuni angusimasariaqaritit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Ornigullutit qinnuteqarsinnaanngilatit, kisianni MitID-qanngikkuit optagelse.dk CPR-normu e-maililuunniit atorlugu taamaaliorsinnaavutit.

Qinnuteqaatit Ilisimatusarfimmit suliarineqassaaq, ilinniagaqarnersiuteqarnissamut qinnuteqaatit Ilinniagaqarnersiuteqartitsivimmit suliarineqassalluni, kisianni taakku tamarmik Ilisimatusarfimmit allaffissornikkut aqunneqassapput.

nalunaarfigineqassaatit akuerisaasimanerlutit imaluunniit akuerisaasimannginnerlutit.

Eqqaamallugu ilumut ilinnialerniarlutit nalunaarutigissagakku.

Qinnuteqarnerpit nalaani suli soraarummeersimanngikkuit akuerineqarsinnaavutit soraarummeerninni angusisimanissat piumasaqaatiginerqarluni.
Eqqaamallugu soraarummeersimanermut uppernarsaat nassiunneqassammat kingusinnerpaamik juunip 29-ani.

Ilinniarnerup qaqugu aallartinnissaa, ilinniagaqarnersiutit il.il. pillugit kigusinnerpaamik 15 januaari Iliisimatusarfimmit ilisimatinneqassaatit.

Ilinniarnermik aallartiffik
Ilinniarneq augustimi aallartissaaq

Neqeroortoq
Sisimiuni DTU aamma KTI

Aningaasaqarneq
Ilinniarneq tamakkerlugu Ilinniagaqarnersiuteqarnissamut sullissivik aqqutigalugu qinnuteqarsinnaavutit.

Suliffimmik misiliinermi pissutsit
Tigusaarusukkuit aallaavittut suliffimmik sungiusarfissarsisimasariaqanngilatit.

Siunissami periarfissat/suliffissat
Aalisarnermi ingeniøritut ilinniarlutit naammassiguit Kalaallit Nunaanni, Danmarkimi nunarsuullu sinnerani aalisarnermik inuussutissarsiuuteqarfiusuni suliffissanik periarfissaqarluassaatit. Kiisalu suliffeqarfiit siunnersuisartut imaluunniit aalisarnermi ilisimatusarnermi aqutsinermilu suliffigineqarsinnaapput.

Ilinniagaq pingaarnertut aalisarnermut tunngasunut sammisuuvoq kiisalu siunnersortinut, pisortat aqutsiviinut assigisaanullu. Aalisarnermi ingeniørip suliassaat assigiinngisitaarsinnaapput, pisortani namminersortuniluunniit siunnersortitut sulisinnaallutik.

Suliffinni assigiinngitsuni suliat makkuusinnaapput:

• Aalisarnermut tunngasuni ingerlatsinermut, suliniutinut tunisassiornermullu aqutsisut (ass. pitsaassutsimik qulakkeerinninnermut inuussutissatillu isumannaallisaaneq).
• Tunisassiornermik ineriartortitsineq tunisassiornermilu aqutsineq (Nunami imaanilu tunisassiorneq).
• Akuersissutsinik tunniussisarnermi siunnersortaaneq, nittarsaatinik inerisaaneq, atortorissarusiorneq kiisalu suliarinneqqaarnermi, atortorissaarutitigut teknologi-qarnermut aqutsinermullu siunnersuineq.
• Aalisarnermut atortorissaarutinik titartaanermi pissarsiniarnermilu siunnersuineq.

Ilinniarnermut naanerani pikkorissarnikkut, suliffimmik misiliinikkut diplomingeniøritullu suliniuteqarnikkut immikkut ilisimasaqalersinnaavutit. Taamaaliornikkut suliassaqarfiit soqutiginartinnerpaasatit aallaavigalugit pikkoriffeqalersinnaavutit.
Ilinniarnivit ingerlanerani pikkorissarnerit sorliit tigunerlugit apeqqutaallutik assersuutigalugu suliassaqarfiit makku sullivigisinnaassavatit:

• Aalisarnermut tunngasut (aalisarneq, suliarinninneq, teknologi-qarnikkuillu pilersuineq)
• Soqutigisaqaqatigiit.
• Suliffeqarfiit siunnersuisartut.
• Naalakkersuisoqarfiit (aalisarnermik pinngortitaqarnermillu ingerlatsiviit).
• Ilinniarfiit ilisimatusarfiillu.

Ilinniarnermut pilersaarut
https://www.dtu.dk/uddannelse/diplomingenioer/uddannelsesretninger/fiskeriteknologi

Isumaqaruit Ilisimatusarfiup akuerineqarnissannik aalajangiinera maleruagassanik unioqqutitsisinerusoq maalaarsinnaavutit. Maalaarut allaganngorlugu nassiutissavat ilinniartunik kiffartuussivimmut: studieadm@uni.gl. Maalaarut tunngavilersussavat tunniutissallugulu kingusinnerpaamik aalajangiinerup nalunaarutigineqarneraniit sapaatit akunneri sisamat qaangiutsinnagit.