airplanebooksbriefcase business cogs cross election entertainment fish house law lockmedicalpeopleselfservices socialtax

Kommunalbestyrelsimut qinersisinnaatitaaneq aamma qinersisinnaasut allattorsimaffiat

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Kommunalbestyrelsimut qinersinermi taasisinnaaniaruit qinersisinnaatitaassaatit aamma qinersisinnaasut allattorsimaffianni allattorsimassallutit.

Qinersisinnaatitaaneq
Qinersisinnaaneq ima isumaqarpoq, illit taasisinnaanermut pisinnaatitaasutit. Kommunalbestyrelsimut qinersinermi qinersisinnaatitaavutit:

  • 18-ileereersimaguit
  • qinersinissap ingerlanneqarnissaa sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimaguit
  • aamma qallunaatut innuttaassuseqaruit imaluunniit naalagaaffiup ilaani aalajangersimasumik najugaqarsimaguit (Kalaallit Nunaanni, Danmarkimi imaluunniit Savalimmiuni) sivikinnerpaamik qinersinissap ingerlanneqarnissaa sioqqullugu ukiuni pingasuni

Inuit Kalaallit Nunaanni inatsisit malillugit oqartussaaffiiarneqarsimasut qinersisinnaatitaanngillat.

Qinersisinnaasut allattorsimaffiat
Qinersisoqarnissaa nalunaarutigineqarpat, qinersinermut siulersuisut qinersisinnaasut allattorsimaffiannik suliaqassapput. Qinersisinnaasut allattorsimaffiat tassaavoq kommunimi pineqartumi qinersisinnaatitaasut inuit allattorsimaffiat. Qinersisinnaasut allattorsimaffianni allaqqaguit aatsaat qinersisinnaavutit.

Qinersinissaq sapaatit-akunneri arfinillit sioqqullugit kommunip inuit allattorsimaffiutaa malillugu najugaqarfigisimasanni kommunimi qinersisinnaasut allattorsimaffianni allanneqarsimassaatit:

  • Qinersinissaq kingusinnerpaamik sapaatit-akunneri arfinillit sioqqullugit kommunip inuit allattorsimaffiutaanut nuunnerit nalunaarutigisimagukku, najugaqarfittaanni qinersisinnaasut allattorsimaffiannut allanneqarsimassaatit
  • Qinersinissaq sapaatit-akunneri arfinillit sioqqunnagit kommunip inuit allattorsimaffiutaanut nuunnerit nalunaarutigisimagukku, manna tikillugu najugaqarfigisanni qinersisinnaasut allattorsimaffianni allanneqarsimassaatit

Ulloq qinersivissaq kingusinnerpaamik sapaatit-akunneri pingasut sioqqullugit sumiiffimmi tamanit tikinneqarsinnaasuni qinersisinnaasut allattorsimaffiat qinersinermut siulersuisunit ulluni marlunni saqqummiunneqassaaq. Allattorsimaffimmi ilaanngikkuit imaluunniit peqquteqanngitsumik allattorsimaffimmut allanneqarsimanngikkuit, qinersinermut siulersuisunut naammagittaalliuteqarsinnaavutit:

  • Qinersisinnaasut allattorsimaffiata saqqummiunneqarnerata kingorna, ullut suliffiusut marluk qaangiutsinnagit naammagittaalliuteqartoqassaaq
  • Naammagittaalliut allaganngorlugu apuunneqassaaq
  • Naammagittaalliummi tunngavilersussavat sooq qinersisinnaasut allattorsimaffiannut allanneqartariaqarnersutit
Allaaserisat attuumassutillit
Naalakkersuisut Siulittaasuata Naalakkersuisoqarfia
Qinersinermi Ataatsimiititaliap allattoqarfia
Imaneq 1A - 601
Postboks 1015
3900 Nuuk

Oqarasuaat: (+299) 34 50 00
E-mail: qinersineq@nanoq.gl
Nittartagaq: www.naalakkersuisut.gl