airplanebooksbriefcase business cogs cross election entertainment fish house law lockmedicalpeopleselfservices socialtax

Imminut sullinneq pillugu

Sullissivik.gl-imi imminut sullinnissamut periarfissat assigiinngitsut Imminut sullinneq ataani ataatsimut katersorneqarsimapput.

Imminut sullinnissamut periarfissat ilaat NemID atorlugu isernikuutinnak nassaarigukku, NemID atorlugu isernissannik qinnuigineqassaatit.

Iserneq
Periutsit assigiinngitsut marluk atorlugit isersinnaavutit:
  1. Imminut sullinneq iserfigeriarlugu aaqqiissut atorniakkat nassaareriarlugu toorneratigut.
  2. Tassani NemID atorlugu iseqqaassaatit. Ima iliorlutit NemID atorlugu isissaatit

    imaluunniit

  3. Iserfissaq tooruk. Sullissivik.gl’ip qulaani sannerutaasap talerpiup tungaani toortagaq nassaarisinnaavat.
  4. Maanna illit NemID pigisat atorlugu isertussanngorputit. Ima iliorlutit NemID atorlugu isissaatit

Iserfissaq atorukku aaqqiissutit arlallit atorsinnaanissaannut nittartakkamut ataasiaannarlutit isernissat taamaallaat pisariaqartippat, assersuutigalugu piniarnermut allagartamik inniminniinermut, pisanik nalunaarsuinermut, nuunnermik nalunaarutiginninnermut aamma utoqqalinersiuteqalernissamik qinnuteqarnermut.

Eqqaamallugu NemID’mit aneqqinnissat.

Imminut sullinnissamut periarfissat
Imminut sullinneq-mi imminut sullinnissamut periarfissat assigiinngitsut marluupput:
  1. Imminut sullinnissamut aaqqiissutit
  2. Attaveqaatitigut toqqaannartumik immersuiffissat

Imminut sullinnissamut aaqqiissutit
Imminut sullinnissamut aaqqiissutit aqqutigalugit imminut sullikkaangavit, toqqaanissamut periarfissat ingerlariaqqinnissami iliuuserineqartussat ataasiakkaat pisariaqartinneqartut kiserpiaasa taamaallaat isummerfigisassavatit. Taama iliornerup ingerlariaqqinnissaq paasiuminarnerulersillugulu ilinnut ajornannginnerulersissavaa.

NemID atorlugu isersimaguit imminut sullinnissamut aaqqiissutit taamaallaat iserfigisinnaallugillu atorsinnaavatit.

Attaveqaatitigut toqqaannartumik immersuiffissat
Attaveqaatitigut toqqaannartumik immersuiffissat immersuiffissaapput nalinginnaalluinnartut, attaveqaatitigut toqqaannartumik immersorsinnaasatit. NemID atorlugu aamma atornagu attaveqaatitigut toqqaannartumik immersuiffissat atorsinnaavatit. NemID atorlugu iseruit iluaqutissat marluk pissarsiarissavatit:
  1. Ateq, najugaq aamma inuup normua nammineq isumamineersumik immersorneqariissaaq
  2. Oqartussaasumut attuumassuteqartumut immersuiffissaq attaveqaatitigut toqqaannartumik nassiussinnaavat

NemID atorlugu isersimanngikkuit, immersuiffissaq attaveqaatitigut toqqaannartumik nassiussinnaanngilat. Paarlattuanik immersuiffissaq naqitersinnaavat atsiorlugulu, kingornalu oqartussaasumut eqqortumut tunniussinnaavat nassiulluguluunniit.

Anillanneq
Imminut sullinneq atorunnaarukku anillannissat eqqaamassavat. Tamanna pingaaruteqarpoq, illit NemID pigisat allanit atornerlunneqannginnissaa pinngitsoorumallugu.

Sannerutaasap talerpiup tungaani Anigit toorlugu anillassaatit.