Attaveqarfissat

Oqartussaasut attavigikkit qinnuteqaatit suliallu sumut killinnerinut apeqqutissaqaruit

1. Suliap killiffia pillugu inunnit ataasiakkaanit saaffiginnissutit:
   sullissivik.gl Nunatsinni oqartussaasunut atugassiaritinneqartoq, Digitalinngortitsinermut Aqutsisoqarfimmi Digitalikkut Kiffartuussinermik Immikkoortortaqarfiup (DIA SE) ingerlappaa.
   Digitalikkut Kiffartuussinermik Immikkoortortaqarfimmi (DIA SE) sulisut sullissivik.gl-imi nittartagalerisuugamik, oqartussaasut sinnerlugit innuttaasut saaffiginnissutaannut akissuteqarsinnaanngillat. Nittartagaq kisiat isumagisarigamikku, suliassat inunnut ataasiakkaanut tunngassutillit suliarineq ajorpaat.
   
   Taamaattumik ilisimassavarsi qinnuteqaatinut tunngatillugu suliassanik isumaginninnernut ilanngutitinneqartassanngitsut.
   
   
2. Qinnuteqaatit suliarinerinut killiffii pillugit saaffiginnissutit:
   Immersugassat sullissivik.gl-ikkut immersorneqariarlutik nassiunneqartartut toqqaannartumik suliarinnittussanut nassiunneqartarmata, DIA SE (sullissivik.gl-imi nittartagalerisut) tigusaqarneq ajorput.
   Digitalikkut Kiffartuussinermik Immikkoortortaqarfiup (DIA SE) nittartakkap teknikkertaa isumagisarivaat, inunnullu ataasiakkaanut tunngassutilinnik suliaqarneq ajoramik, suliarinnittartut sinnerlugit akissuteqarsinnaanngillat.
   
   Taamaattumik innuttaasut qinnuteqaatertik sullissivik.gl-ikkut immersoriarlugu nassiunnikuusartik pillugu apeqqutissaqarunik, kommuunerisaminni Innuttaasunut Sullissivik imaluunniit oqartussat qinnuteqaatinut suliarinnittartut attavigisassavaat.

Teknikkikkut ajortoqarnera pillugu Digitalikkut Kiffartuussinermik Immikkoortortaqarfik (DIA SE) attavigiuk

Teknikkikkut ajortoqarnera pillugu saaffiginnissutit:

Sullissivik.gl-imi –atuisutut- teknikkikkut ajortoqarneranik nalaarsinnaasatit assigiinngitsuupput.Ajortoqarneranik nalunaarutit atuisumiit atuisumut assigiinngitsuusinnaasarmarta, assilinera (skærmbillede) takoqqaartinnagu ajoqutaa sorliunersoq takusinnaaneq ajorparput.

Ajoqutaa assileriarlugu (skærmbillede) nassiussinnaasuugukku, ilinnut suna ajoqutaanersoq takusinnaalissagaluarparput. Assilinera nassiukkukku suna ajoqutaanersoq misissussavarput, apeqqutitillu akisinnaalerutsigit ikiorsinnaalissavatsigit.

Malugiuk:
Uatsinnut mailerlutit inuup normuinik allataqarsimaguit, erseqqissaatigissavarput mailerlutit allatavit akinerani inuup normui tarrisittaratsigit, taakku paasissutissat Inunnut Paasissutissanik Suliarinnittarneq pillugu Inatsit malillugu mianerisariaqartuummata.

Inussiarnersumik inuulluaqqusilluta:
Digitalikkut Kiffartuussinermik Immikkoortortaqarfik (DIA SE)
Digitalinngortitsinermut Aqutsisoqarfik