Immersugassamik digitaliusumik nutaamik sanatitsineq

Naalakkersuisoqarfiit, aqutsisoqarfiit, kommunit aamma ingerlatsiviit tamarmik immersugassaatitik pappiaqqat sullissivik.gl-imi digitalinngortissinnaavaat – innuttaasunut aamma suliffeqarfiutilinnut.

Digitalinngortitsinermut Aqutsisoqarfimmi Digitalikkut Kiffartuussinermik Immikkoortortaqarfik (DIA SE) innuttaasunit suliffeqarfiutilinnillu atugassanik www.sullissivik.gl -ikkut digitaliusumik immersugassaliortarput.

Oqartussat qanoq immersugassamik digitaliusumik sanatitsisarnersut
Oqartussat digitaliusumik immersugassamik nutaarluinnarmik sanatsitserusukkaangata, suleriuseq ima ingerlasarpoq:

1. Oqartussaasut DIA SE mailikkut sioqqutsillutik attavigissavaat
   DIA SE-p maili akisarpaa qulakkeerinninniarluni misissuineq aamma piumasaqaatit nassiullugit.
   
   

   Digitaliusumik immersugassaliortitsinnginnermi qulakkeerinninniarluni misissuineq

   Imarisaqarpa? o Aap (Imarisamut allannermi immersugassaq atorlugu imarisaq pioreeersoq nutartissavat) o Naamik (Imarisamut allannermi immersugassaq atorlugu nutaamik imarisamik pilersitsissaatit) ”Pappiliamik” immersugassaateqareerpisi? o Aap (Kalaallisut qallunaatullu allaqqasut nassiutikkit) o Naamik (Eqqaamasassat ilissinnut nassiutissavagut) Imarisap immersugassallu digitaliusup saqqummiunneqarnissaanut piffissaliussap killinga qaquguua? Immersugassamik digitalinngortitsineq ulluni suliffiusuni 5-10-nik sivisussuseqartarpoq, apeqqutaalluni digitaliusumik immersugassanngortussami periarfissaatikkusutat inississornissaasa sananissaata qanoq ajornanngitsigineri, kiisalu pilersaarutaanngitsumik suliassanik pinartunik takkuttoqariataaratarsinnaanerani ullut ulapaarfiusuni allanik naammassiniagaqarsinnaaratarsin-naaneq apeqqutaalluni ullut amerlanerusinnaapput. Malugiuk: Sivisussusaanik 5-10-nik ulluliineq aatsaat aallartittarpoq, DIA SE-mut nassiussassasi tamaasa nassiutereerussigit

   
   

   Immersugassamik digitaliusumik sanatitsiniaraanni piumasaqaatit

   • Oqartussat imarisaateqaqqaassapput (Nutaamik imarisaliorlutik imaluunniit imarisaq nutarterlugu -imarisamut allannermi immersugassaq atorlugu) • Oqartussat immersugassat digitaliusut immersorneqariarlutik nassiunneqartartut tigungaangamikkit suliarineqartarnissaat qularnaveeqqusissavaat • Oqartussat mailiat nassiussuisarfissaq isumannaatsuussaaq • MitID-login atorlugu immersugassaq digitaliusoq sananeqassaaq(MitID imaluunniit MitID Erhverv)

   
   
   
2. DIA SE-mi attaveqaqatigiinnermut siunnersortit suleqatigalugit imarisamik suliaqarneq
   a) Oqartussaasumut imarisamut suliaqarnerup ilinniartitsinikkut ilisaritinneqartarpoq, taamaasilluni oqartussaasut “Immersugassaq: Imarisaq imminut sullinnertalik” qanoq immersussanerlugu ilikkassavaa
   b) Oqartussaasup imarisamut allannermi immersugassaq atorlugu imarisaq kalaallisut qallunaatullu nutartissavaa
   
   
3. DIA SE-mi nittartagalerisut sullissivik.gl-imi digitaliusumik immersugassaliortarfia pillugu nassuiaasarput
   Nittartagalerisut nassuiaasarput digitaliusumik immersugassaliornermi teknikki eqqarsaatigalugu suut eqqumaffigisassaanersut, suullu periarfissaanersut. Oqartussaasup immersugassaatertik pappiaraasoq nassiussinnaavaat, suut digitalinngortinneqarusunnersut DIA SE-p takusinnaaniassammagit, oqartussallu kissaataat aallaavigalugit suut periarfissaanersut nassuiaassillutik.
   
   
4. Oqartussaasup immersugassaq digitalinngortikkusutartik nassiutissavaat
   Oqartussaasup imarisaq pilersereeruniuk/nutartereeruniuk, immersugassaq digitalinngortikkusutartik kalaallisut qallunaatullu nassiutissavaat:
   a) immersugassaatertik pioreersoq Wordimi sanaaq (peqareerunik) imaluunniit
   b) immersugassaq naqqaniik “Qinnuteqaammut digitalinngortikkusutamut assersuut” najoqqutaralugu sananikuusartik (immersugassaateqariinngikkunik)
   
   Oqartussaasup arlaat sullissivik@sullissivik.gl –imut nassiutissavaa, paasissutissat makku ilanngullugit:
   
   

   Oqartussat DIA SE-mut suut nassiutissanerlugit eqqaamasassaat

   • Attaveqarfissanut paasissutissat oqartussaasuni inuit immersugassamut digitaliusumut akisussaasuussat. • Immersugassap immersunnginnerani nuisartumi suut toqqagassaassanersut:    o Immersoruk nassiullugulu (MitID pisariaqarpoq)    o Immersoruk anisillugulu (MitID pisariaqanngilaq)    o Pappialanngorlugu anisiguk (MitID pisariaqanngilaq) • Immersuiffissartaaniittussat: Oqartussat logoat oqartussanullu attaveqarfissanut paasissutissat (Taakku immersugassami digitaliusumi qulaanut inissinneqartussaammata, kikkut piginnittuuneri ersaritsinniarlugu) Periarfissaatikkusutat inississornerinut kissaatigisat: a. Immikkoortunik ikkussuussinissamut tunngatillugu suut immersuiffissaassanersut taakkulu qanoq inississortikkusunnerlugit b. Immersuiffissat sorliit pinngitsoornatik immersorneqassanersut (Immersuinermi ingerlariaqqinniaraanni immersuiffissat sorliit pinngitsoorani immersorneqartassanersut) • Immersugassat oqartussat mailianut isumannaatsumut sorlermut nassiunneqartassanersut Immersugassat sumut nassiunneqartassanersut allassavat (assersuutigalugu nanoq-mail. Emaili tigusisartussatut kissaatigisat isumannaatsuunngippat Vipre tunnelmaililiortitserusullutit IT-immikkoortortaqarfissi attavigissavat.) • Immersukkap nassiunneqarsimaneranut uppernarsaat innuttaasup/suliffeqarfiutillip mailikkut nassiuttartoq Immersukkap nassiunneqarsimaneranut uppernarsaammi allaqqasussaq oqartussaasup kalaallisut qallunaatullu allassavaa, tassaasoq innuttaasup imaluunniit suliffeqarfiutillip sullissivik.gl-ikkut immersugassamik digitaliusumik nassiussisimaguni mailikkut tigusassaa, oqartussaasup immersugassamik immersorneqarnikumik nassiunneqartumut tigusisimanerminnut uppernarsaataat. Una toorlugu “Immersukkap nassiunneqarsimaneranut uppernarsaammi qanoq allaqqasoqarsinnaaneranut assersuut” takuuk

   
   
   
5. DIA SE-p immersugassap digitaliusup ilusissaanut siunnersuutertik nassiutissavaat
   sullissivik.gl-imi teknikkikkut periarfissaasinnaasut atorlugit, immersugassaq qanoq digitalinngortinneqarsinnaanera pillugu Digitalikkut Kiffartuussinermik Immikkoortortaqarfik (DIA SE) siunnersuusiussaaq. Tassa imaappoq, immersugassap qanoq iluseqarnera eqqarsaatigalugu, immersugassap digitalinngortinnerani immersugassap pappiaraasup isikkua assigeqqissaarsinnaanngilaa. Taamaattorli oqartussaasup kissaatai malillugit siunnersuusiortoqartarpoq; suut allaqqassanersut, immikkoortut sorliussanersut immersuiffissallu sorliit immersugassamiissanersut.
   Malugiuk: DIA SE-p immersugassamik digitalinngortinnermini, atortorissaarutit sullissivik.gl-ip digitaliusumik immersugassaliortarfianiittut atorlugit immersugassamik digitaliliortarput. Oqartussaasup immersugassaatiminni digitaliusumi periarfissanik nutaanik allanilluunniit sullissivik.gl-ip digitaliusumik immersugassaliortarfianiinngitsunik kissaateqarunik, periarfissaq nutaaq atuutsilertikkusukkunikku oqartussaasup nammineq akilissavaa.
   
   
6. Oqartussaasut siunnersuut akuerissavaat imaluunniit aaqqitassat nassiullugit
   Digitalikkut Kiffartuussinermik Immikkoortortaqarfik (DIA SE)-p immersugassamut digitaliusumut qanoq ilusilerneqarsinnaaneranut siunnersuut oqartussaasumut allakkatigut akuerisassanngorlugu nassiutissavaa.
   
   
7. Immersugassap digitaliusup imarisaatalu avammut saqqummiunneqarneri
   Aatsaat oqartussaasumit akuerineqareeraangat, immersugassaq digitaliusoq sullissivik.gl-imut ikkunneqartarpoq. Immersugassaq digitaliusoq taassumalu imarisaa ataatsikkut sullissivik.gl-imi saqqummiunneqassapput.