Naalakkersuisoqarfiit, aqutsisoqarfiit, kommunit aamma ingerlatsiviit akisussaasuisa immersugassat digitaliusut sullissivik.gl-imiittut aaqqitsissinnaavaat.
Digitalinngortitsinermut Aqutsisoqarfimmi Digitalikkut Kiffartuussinermik Immikkoortortaqarfiup (DIA SE) www.sullissivik.gl -imi digitaliusumik immersugassani aaqqitassat ikkussuuttarpaat.
Oqartussat qanoq immersugassami digitaliusumi allannguutinik ikkussititsisinnaanersut
Oqartussat immersugassami digitaliusumi allannguuteqartoqassappat, suleriaaseq ima ingerlasarpoq:
- Oqartussaasup DIA SE mailikkut attavigissavaa
Immersugassami digitaliusumi pioreersumi kukkuneqarpat, allanngortitassaqarpat imaluunniit aaqqitassaqarpat oqartussaasup nammineq akisussaaffigaa DIA SE attaveqarfigissallugu, ugguuna: sullissivik@sullissivik.gl paasissutissat makku ilanngullugit:
• Immersugassap taaguutaa
• Immersugassap digitaliusumut linki
• Suut aaqqitassaanersut erseqqarissumik nassuiarneri (immersuiffissami sorlermi, quppernermi sorlermi il.il.) (Assilillugit/screenshoterlugit allanngugassat sumiinneri ingerlaannaq takutillugit.)
• Aaqqitassat qallunaatut kalaallisullu allaqqasut nassiunneqassapput
- DIA SE-imi nittartagalerisut teknikikkut ikkussuineq isumagissavaat
Oqartussaasuni akisussaasuusup immersugassami digitaliusumi allannguutissatut kissaatai tunngavigalugit, DIA SE immersugassap digitaliusup teknikikkut ikkussuunnissaa isumagisarpaa, allannguutissallu suliarisarlugit.
Immersugassap digitaliusup nutarternera ulluni suliffiusuni 5-10-ni pisarpoq, apeqqutaalluni digitaliusumik immersugassami allannguutissat qanoq ajornartigineri, kiisalu pilersaarutaanngitsumik suliassanik pinartunik takkuttoqariataaratarsinnaanerani ullut ulapaarfiusuni allanik naammassiniagaqarsinnaaratarsinnaaneq apeqqutaalluni ullut amerlanerusinnaapput.
- Oqartussaasut allannguutiminnik ikkussortinnerminnut allakkatigut akuersinera
DIA SE-p immersugassaq digitaliusumi allannguutit nutaat malillugit ilusilernikoq, oqartussaasumut siunnersuutitut allakkatigut akuerisassanngorlugu nassiutissavaa.
Allannguutinik nutaanik imalik aatsaat oqartussaasunit akuerineqarpat, DIA SE-p sullissivik.gl-ikkut avammut saqqummiutissavaa.
Malugiuk:
Oqartussat mailertik allanngortissimagunikku, DIA SE-mut nalunaarutigissavaat, maili tigusisartussaq eqqortoq ikkunneqarnerussammat, immersugassat nassiunneqartartut mailimut eqqortumut nassiunneqartarnerussammata.