NemID isissutitut atorunnaarpoq. Imminut sullississutit atorniarukkit, MitID-it pigisat isertaatitut atussavat.

Imminut sullississutit

sullissivik.gl-imi innuttaasut suliffeqarfiutillilluunniit imminut sullississutit iserfigisinnaavaat, taamaasillutillu pisortani isumagisassatik qassinngoraluarpalluunniit isumagisinnaallugit; nunaqarfimmiikkaluarunik illoqarfimmiikkaluarunilluunniit.

Oqartussat sullissivik.gl-imi imminut sullississutaateqarnerminni qassinngoraluarpalluunniit innuttaasut suliffeqarfiutillillu digitaliusumik sullissinnaaneri qulakkiissavaat.

sullissivik.gl-imi imminut sullississutit assigiinngitsut marluupput:

  • Immersugassat digitaliusut, aamma
  • Imminut sullississutit atassusikkat

 

Immersugassaq digitaliusoq tassaavoq immersugassaq pappiaraq sullissivik.gl-imi digitalinngortitaq.

Immersugassap digitaliusup kukkusumik paasissutissiinerit ikilisissinnaavai, assaannarmillu allatat atuarneqarsinnaarpiannginnerisa unammillernartortaa pinngitsoortissinnaallugu, kiisalu immersugassap immersorneqareerluni nassiunneqannginnerani, immersuiffissat tamakkerlugit immersorneqarsimanissai qulakkeersinnaallugu. Taamaaliornikkut immersukkamik paasissutissanik amigartunik imaqartunik tigusinissaq pinngitsoortinneqarsinnaavoq, pissutigalugu immersuiffissat pinngitsoornani immersorneqartussanngortinneqarsinnaammata.

Una toorlugu "Immersugassat digitaliusut pillugit" ammaruk

 

Imminut sullississut atorlugu atuisoq - nalinginnaasumik innuttaasoq suliffeqarfiutililluunniit - digitalikkut imminut sullissinnaavoq, oqartussaasunut sianerluni ornigulluniluunniit saaffiginninngikkaluarluni.

Imminut sullississut oqartussaasut systemiannut/atortorissaarutaanut atassuseqqavoq, taamaasilluni suliaminnik ingerlatsinerminni suliassaasa ilai ajornaallisarneqarlutik, qarasaasiap suliassat ilai isumagilersarmagit.

sullissivik.gl oqartussaasut imminut sullississutaannut isaariaavoq. Imminut sullississummut toortagaq toorukku, sullissivik.gl-imiit anissaatit oqartussallu aaqqiissutaannut iserlutit.


Una toorlugu "Imminut sullississutit atassusikkat pillugit" ammaruk

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.