airplanebooksbriefcase business cogs cross election entertainment fish house law lockmedicalpeopleselfservices socialtax

Sullissivik.gl-ikkut allaaserisaqarit

Susassaqarfinni malittarisassat najoqqutassallu innuttaasunut attuumassuteqartut innuttaasunut paasiuminartunngorlugit Sullissivik.gl-ikkut allaaserisaapput.

Illit oqartussaqarfimmit sullissivik.gl aqqutigalugu allaaserisanik saqqummiussaqarumaguit, aalajangersimasumik najoqqutassaqarpoq malitassannik, suliallu aallartinnginnerani allaaserisat nutartersimajuarnissaannik qulakkeerinninnissaq anguniarlugu illuatungeriit suleqatigiinnissamut isumaqatigiissusiussapput.

Sullissivik.gl-ikkut allaaserisanik ilanngutassaqarusukkaanni, ilitsersuut ataaniittoq malinneqassaaq:

Allaaserinninnermi malittarisassat pineqartullu
Allaaserisap ilusaa

Nutaanut nutarsarnermullu najoqqutassaq
Suleqatigiinnissamut isumaqatigiissusiornermi allaaserisanut tunngasut oqartussaqarfinnit akisussaaffigineqartillutik, oqartussaqarfiit akisussaaffiginissaannut pisussaaffilerneqassapput.

Attaveqaat
1. Attaveqaammik toqqaasoqassaaq, taassumalu nutarsaaneq nutarsakkallu SULLISSIVIK.GL-imut ingerlateqqittarnissaat akisussaaffigissavai.

• Susassaqarfik allanngorpat imaluunniit attaveqaataasoq allanngorpat, SULLISSIVIK.GL-imut piaarnerpaamik ilisimatitsissutigineqassaaq.

Ukiup nikinnerani
1. Allaaserisat oqartussaqarfinnit akisussaaffigineqartut tamaasa nutartertarneri, ilanngussaqw 1 innersuussutigalugu:

• Oqartussaqarfiup allaaserisat akisussaaffigisani sullissivik.gl-imi misissuataassavai taavalu inatsisitigut, najoqqutassatigut imaluunniit allatigut allannguuteqartoqartillugu tutsuiginartunngorlugit nutartissavai. Allannguutit SULLISSIVIK.GL-imut nassiunneqassapput tassanilu allaaserisat sullissivik.gl-imi sukkanerpaamik nutarterneqassallutik.

Ataavartumik ingerlanneqarneri
1. Sullissivik.gl-imi allaaserisat oqartussaqarfinnit akisussaaffigineqartut, ilanngussaq 1 innersuussutigalugu, inatsimmik aamma najoqqutassanik allannguuteqartoqarpat taakkulu atuutilerpata, ataavartumik nutartertassavai malillugillu.

• Ukiup ingerlanerani allannguutit suulluunniit malunnaateqartut SULLISSIVIK.GL-imut nalunaarutiginissaat oqartussaqarfiup akisussaaffigivaa.

SULLISSIVIK.GL-ip suliassaa
SULLISSIVIK.GL oqartussaqarfiit attuumassuteqarfigineqartut akimorlugit allaaserisanik tamanik atuisunut atoruminartuliornissamik assigiissaarinissamillu qulakkeerinnittuuvoq. Tamatumunnga peqatigitillugu SULLISSIVIK.GL nittartakkamik akisussaasuuvoq, tamannalu ima paasineqassaaq, allannguutinik sullissivik.gl-ikkut saqqummiussisinnaasutuaapput. Aammattaaq nutarsagassat ataatsimoortillugit isumagineqarnerinut SULLISSIVIK.GL ataqatigiissaarisuuvoq oqartussaqarfiillu tamaasa akisussaaffiinik eqqaasittuartartussaallugit. Taamaattumik allannguutit suulluunniit SULLISSIVIK.GL-ikkoortinneqartassapput.