NemID isissutitut atorunnaarpoq. Imminut sullississutit atorniarukkit, MitID-it pigisat isertaatitut atussavat.

Oqartussaasunut

Oqartussat sullissivik.gl-imi paasissutissaatiminnik taavalu digitaliusunik imminut sullississutaatiminnik nassitsisuullutillu piginnittuupput.

sullissivik.gl tassaavoq oqartussat ataatsimoorussamik Nunatsinni innuttaasunut suliffeqarfiutilinnullu nittartagaat. Tamanna ima isumaqarpoq pisortaqarfiit soorlu kommunit, Namminersorlutik Oqartussat, taavalu suliffeqarfiit pisortanit pigineqartut tamarmik sullissivik.gl-imi imarisaateqarlutillu imminut sullississutaateqarsinnaapput, taakkulu tamarmik Nunatsinni innuttaasunut suliffeqarfiutilinnullu pilersitaallutik.

Illit (pisortaqarfimmit) sullissivik.gl-imut imarisamik pilersitsinnginninni arlalinnik eqqumaffigisassaqarputit.

Imarisamut suliaqarninnut atatillugu atugassatit tamarmik saamiata tungaani aallassimapput.

sullissivik.gl pillugu
sullissivik.gl tassaavoq oqartussat ataatsimoorussamik Nunatsinni innuttaasunut suliffeqarfiutilinnullu nittartagaat. Tamanna ima isumaqarpoq pisortaqarfiit soorlu kommunit, Namminersorlutik Oqartussat, taavalu suliffeqarfiit pisortanit pigineqartut tamarmik sullissivik.gl-imi imarisaateqarlutillu imminut sullississutaateqarsinnaapput, taakkulu tamarmik Nunatsinni innuttaasunut suliffeqarfiutilinnullu pilersitaallutik.

Nittartagaq sullissivik.gl Digitalimik Sullissinermut Aqutsisoqarfimmit ingerlanneqarpoq, teknikkikkullu isumagineqarluni. Oqartussat sullissivik.gl-imi paasissutissaatiminnik taavalu digitaliusunik imminut sullississutaatiminnik nassitsisuullutillu piginnittuupput. sullissivik.gl illu pisortanit attartorneqartunik ”inissiartalimmut” assersuunneqarsinnaavoq, innuttaasunut suliffeqarfiutilinnullu isumannaatsumik pissarsiariuminartunillu paasissutissiivittut atorneqartumik.

sullissivik.gl-ip imarisai marluk pingaarnerit
sullissivik.gl pingaarnertut marlunnik imaqarpoq:

  • Imarisat allatat qinnuteqaammi/noqqaassummi/nalunaarummi il.il qanoq suliap ingerlanneqartarnera aallartinneraniit naammassinissaata tungaanut innuttaasunut paasiuminartumik nassuiaanertallit
  • Imminut sullississutit digitaliusut

Innuttaasunut suliffeqarfiutilinnullu sullissivik.gl-ip atortarnerata qanoq isumaqarnera
Imarisat:
Oqartussat Nunatsinni innuttaasut suliffeqarfiutillillu paasissutissanik pisariaqartitaannik paasissutissaateqarput.
Pisussaaffiit pisinnaatitaaffiillu pillugit paasissutissat taakku qassinngoraluarpalluunniit atuarsinnaavaat; nunaqarfimmiikkaluarunik illoqarfimmiikkaluarunilluunniit.

Imminut sullississutit:
sullissivik.gl-imi innuttaasut suliffeqarfiutillilluunniit imminut sullississutit iserfigisinnaavaat, taamaasillutillu pisortani isumagisassatik qassinngoraluarpalluunniit isumagisinnaallugit; nunaqarfimmiikkaluarunik illoqarfimmiikkaluarunilluunniit.


Oqartussaasunut sullissivik.gl-imi imarisaateqarnerisa imminullu sullississutaateqarnerisa qanoq isumaqarnera
Oqartussat sullissivik.gl-imi imarisaatiminni sullissivik.gl-ip allannermi maleruaqqusai taavalu imarisap allannerani immersugassat atorunikkit, innuttaasunut suliffeqarfiutilinnullu pisussaaffiit pisinnaatitaaffiillu pillugit tamakkiisumik paasinartumik nassuiaateqarfiginissai oqartussat qulakkiissavaat. Taamaasillutik oqartussat qulakkiissavaat innuttaasut suliffeqarfiutillillu paatsuungassuteqaratik paasissutissat pisariaqartitatik paasissavaat.

Oqartussat sullissivik.gl-imi imminut sullississutaateqarnerminni qassinngoraluarpalluunniit innuttaasut suliffeqarfiutillillu digitaliusumik sullissinnaaneri qulakkiissavaat. Pisortanut ima isumaqarpoq innuttaasut suliffeqarfiutillillu sullinneri qarasaasiakkut ilaatigut tamakkiisumilluunniit ingerlanneqarsinnaalernissaa. Taamaasilluni takkullutik saaffiginnittartut ikilisinnaapput, innuttaasut suliffeqarfiutillillu attaveqaatitigut imminut sullittartut amerlatsippata.

sullissivik.gl-imi imarisap allalluakkap imminullu sullississutip digitaliusup atoruminartup assigeequtigaat pisortanut saaffiginnissutit ikinnerulersinnissaat, taamaasilluni sulisut suliassaminnut allanut piffissatornarnerusunut isumaginninnissaminnut piffissaqarnerulissammata.

Oqartussat namminneq nittartagaat
Oqartussat sullissivik.gl-imi imarisaatillit imminullu sullississutaatillit ilai namminneq nittartagaqarput. Oqartussat namminneq nittartagartik nutaarsiassaatiminnut, sammisamut aalajangersimasumut tapersersortissarsiornerminnut imaluunniit Nunatta avataaniittunut paasissutissiisarnerminnut tuluttut allaqqasunik imarisaliornerminnut atortarpaat.

 

sullissivik.gl-imut imarisamik allannginninni, immikkoortup matuma atuarnissaa pingaaruteqarpoq.

Imarisanut sullissivik.gl-imiittunut akisussaasutut oqartussaasut paasissutissaataat –atuartussinnut- paasiuminartumik allannissai suliassarivat.

Taamaattumik sullissivik.gl’ip najoqqutassaasa paasinissai akisussaaffigivat.
sullissivik.gl-imut imarisamik pilersitsinnginnarni arlalinnik eqqumaffigisassaqarputit.

sullissivik.gl-ip najoqqutassai paaasilluarnerussagakkit, atuagassat ataaniittut assiliartalersorlugit nassuiaatitallit pilersinneqarnikuupput.

Una toorlugu "sullissivik.gl-imi imarisat inississorneri" ammaruk

Una toorlugu "Imarisat tunngavii aalajangersimasut" ammaruk

Una toorlugu "Imarisami paasissutissat annertussusaat" ammaruk

Una toorlugu "Innersuut (Imarisamik allattoq aamma ataqatigiissaarisoq)" ammaruk

sullissivik.gl-imi paasissutissat tamarmik eqqortuunerinik qulakkiigaassapput, nutarternikuussallutik atuuttuussallutillu, atuartussat kukkusumik paasissutissiiffigitinneqaqqunagit.

Tamanna tunngaviuvoq oqartussanit pisortanillu paasissutissiinneqarnermik eqqortuunerannik tatiginninnissaannut.

Taamaammat imarisat allatat pillugit allannermut najoqqutassiat malissavatit, imarisap allannerani immersugassat immersussavatit, allannermilu maleruaqqusat malillugit.

sullissivik.gl-imi imarisat pillugit nittarsaassinerit assigiiaamik ilusilersornerisigut ilisarsisinnaaneq annerulersittarpaa, taavalu sullissivik.gl-imi imarisaasoq imarisallu nittarsaanneqarnera ataqatigiinnerulersittarlugit.

Taamaammat nittarsaassissutiliassat ataaniittut atukkit, nittarsaatigineqartut tusagassiuutini assigiinngitsuninngaanneersut atuartussaniit takuneqartussat tamarmik sullissivik.gl-ip isikkua atorlugu isikkoqaqqullugit.

sullissivik.gl-imi innuttaasut suliffeqarfiutillilluunniit imminut sullississutit iserfigisinnaavaat, taamaasillutillu pisortani isumagisassatik qassinngoraluarpalluunniit isumagisinnaallugit; nunaqarfimmiikkaluarunik illoqarfimmiikkaluarunilluunniit.

Oqartussat sullissivik.gl-imi imminut sullississutaateqarnerminni qassinngoraluarpalluunniit innuttaasut suliffeqarfiutillillu digitaliusumik sullissinnaaneri qulakkiissavaat.

sullissivik.gl-imi imminut sullississutit assigiinngitsut marluupput:

  • Immersugassat digitaliusut, aamma
  • Imminut sullississutit atassusikkat

 

Malugiuk
sullissivik.gl Nunatsinni oqartussaasunut atugassiaritinneqartoq Digitalimik Attaveqaqatigiinneq (DIA KOM)-ip Digitalimik Sullissinermut Aqutsisoqarfimmeersup ingerlappaa.

Immikkoortortortaqarfimmi DIA KOM-imi sulisut sullissivik.gl-imi nittartagalerisuugamik, oqartussaasut sinnerlugit innuttaasut saaffiginnissutaannut akissuteqarsinnaanngillat.
DIA KOM-imi sulisut nittartagaq kisiat isumagisarigamikku, suliassat inunnut ataasiakkaanut tunngassutillit suliarineq ajorpaat.

Taamaattumik innuttaasut qinnuteqaatertik sullissivik.gl-ikkut immersoriarlugu nassiunnikuusartik pillugu apeqqutissaqarunik, kommuunerisaminni Innuttaasunut Sullissivik imaluunniit oqartussat qinnuteqaatinut suliarinnittartut attavigisassavaat.


Oqartussaasunut

Oqartussaasoq sullissivik@sullissivik.gl attaveqassaaq uku pillugit:

  • sullissivik.gl-imut imarisamik pilersitsineq
  • sullissivik.gl-imi imarisat pillugit nittarsaassineq
  • sullissivik.gl-ip Facebookiatiani Facebookannoncet
  • sullissivik.gl-imi digitaliusunik immersugassaliorneq taakkunanilu aaqqitassat aaqqinneri
  • sullissivik.gl-imi imminut sullississutit ajoraangata

Immikkoortumut ”atuisut”-mut siunertaavoq sullissivik.gl-imi atuisut amerlassusaasa, suminngaanneernerat oqaatsillu sorliit atortarneraat nakkutigissallugu. Immikkoortumut ”sammisat”-mut siunertaavoq atuisut sammisat sorliit atortarneraat nakkutigissallugu.

Imminut sullinnermi aaqqiissutit kisitsisit atorlugit nassuiaasiornerat
Kisitsisit atorlugit nassuiaatini takutinneqarput Totale events (tamakkiisumik atuinerit) aamma Unikke events (atuisut atuinerat). Tassa imaappoq isersimanermi imminut sullinnermi aaqqiissut marloria toorneqarpat, naatsorsorneqassaaq tamakkiisumik atuinerit marluk, kisianni atuisoq ataasertut naatsorsorneqassalluni.

Attaveqaatitigut toqqaannartumik/toqqaannartumik attaveqaatitigoortumik immersugassat (onlineforms) imminut sullinnermi aaqqiissutinullu kisitsisit atorlugit nassuiaatit aatsaat ulloq 22 januar 2014 ikkunneqarput.

Atuisut
Atuisoq ullormi ataatsimi naatsorsorneqartarpoq atuisoq ataaseq. Qarasaasiaq ullormi ataatsimi arlaleriarluni sullissivik.gl-imut atorneqartaruni, taamaallaat naatsorsorneqartassaaq atuisoq ataaseq.

Sammisat
Atuisut sullissivik.gl-imi sammisanut ataasiakkaanut atuinerat takuneqarnerpaanit (Hits) naatsorneqartarput. Sammisaq ataaseq tamatigut takuneqarnermik naatsorsorneqartarpoq allaaserisaq sammisap ataani inissisimasoq ammarneqaraangat. Sammisat agguarneqarsimapput sullissivik.gl-ip ilusilersorneqarnera aallaavigalugu, taamaasilluni Namminersorlutik Oqartussani kommuninilu allaffeqarfiisa ilusilersorneqarneri atorneqaratik.

 

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.