NemID isissutitut atorunnaarpoq. Imminut sullississutit atorniarukkit, MitID-it pigisat isertaatitut atussavat.

sullissivik.gl ima atussavat

Matumani sullissivik.gl qanoq atussanerlugu ilitsersuutit atuarsinnaavatit.

sullissivik.gl tassaavoq oqartussat ataatsimoorussamik Nunatsinni innuttaasunut suliffeqarfiutilinnullu nittartagaat.

Tamanna ima isumaqarpoq pisortaqarfiit soorlu kommunit, Namminersorlutik Oqartussat, taavalu suliffeqarfiit pisortanit pigineqartut tamarmik sullissivik.gl-imi imarisaateqarlutillu imminut sullississutaateqarsinnaapput, taakkulu tamarmik Nunatsinni ilinnut innuttaasumut suliffeqarfiutilinnullu pilersitaallutik.

sullissivik.gl qanoq atorneqarnissaanut ilitsersuutit saamiata tungaani aallassimapput.

 

sullissivik.gl pillugu
sullissivik.gl tassaavoq oqartussat ataatsimoorussamik Nunatsinni innuttaasunut suliffeqarfiutilinnullu nittartagaat.
Tamanna ima isumaqarpoq pisortaqarfiit soorlu kommunit, Namminersorlutik Oqartussat, taavalu suliffeqarfiit pisortanit pigineqartut tamarmik sullissivik.gl-imi imarisaateqarlutillu imminut sullississutaateqarsinnaapput, taakkulu tamarmik Nunatsinni innuttaasunut suliffeqarfiutilinnullu pilersitaallutik.

Nittartagaq sullissivik.gl Digitalimik Sullissinermut Aqutsisoqarfimmit ingerlanneqarpoq, teknikkikkullu isumagineqarluni.
Oqartussat sullissivik.gl-imi paasissutissaatiminnik taavalu digitaliusunik imminut sullississutaatiminnik nassitsisuullutillu piginnittuupput.

sullissivik.gl illu pisortanit attartorneqartunik ”inissiartalimmut” assersuunneqarsinnaavoq, innuttaasunut suliffeqarfiutilinnullu isumannaatsumik pissarsiariuminartunillu paasissutissiivittut atorneqartumik.

sullissivik.gl-ip imarisai marluk pingaarnerit
sullissivik.gl pingaarnertut marlunnik imaqarpoq:

  • Imarisat allatat qinnuteqaammi/noqqaassummi/nalunaarummi il.il qanoq suliap ingerlanneqartarnera aallartinneraniit naammassinissaata tungaanut innuttaasunut paasiuminartumik nassuiaanertallit
  • Imminut sullississutit digitaliusut

Innuttaasunut suliffeqarfiutilinnullu sullissivik.gl-ip atortarnerata qanoq isumaqarnera
Imarisat:
Oqartussat Nunatsinni innuttaasut suliffeqarfiutillillu paasissutissanik pisariaqartitaannik paasissutissaateqarput.
Pisussaaffiit pisinnaatitaaffiillu pillugit paasissutissat taakku qassinngoraluarpalluunniit atuarsinnaavaat; nunaqarfimmiikkaluarunik illoqarfimmiikkaluarunilluunniit.

Imminut sullississutit:
sullissivik.gl-imi innuttaasut suliffeqarfiutillilluunniit imminut sullississutit iserfigisinnaavaat, taamaasillutillu pisortani isumagisassatik qassinngoraluarpalluunniit isumagisinnaallugit; nunaqarfimmiikkaluarunik illoqarfimmiikkaluarunilluunniit.

Oqartussaasunut sullissivik.gl-imi imarisaateqarnerisa imminullu sullississutaateqarnerisa qanoq isumaqarnera
Oqartussat sullissivik.gl-imi imarisaatiminni sullissivik.gl-ip allannermi maleruaqqusai taavalu imarisap allannerani immersugassat atorunikkit, innuttaasunut suliffeqarfiutilinnullu pisussaaffiit pisinnaatitaaffiillu pillugit tamakkiisumik paasinartumik nassuiaateqarfiginissai oqartussat qulakkiissavaat. Taamaasillutik oqartussat qulakkiissavaat innuttaasut suliffeqarfiutillillu paatsuungassuteqaratik paasissutissat pisariaqartitatik paasissavaat.

Oqartussat sullissivik.gl-imi imminut sullississutaateqarnerminni qassinngoraluarpalluunniit innuttaasut suliffeqarfiutillillu digitaliusumik sullissinnaaneri qulakkiissavaat. Pisortanut ima isumaqarpoq innuttaasut suliffeqarfiutillillu sullinneri qarasaasiakkut ilaatigut tamakkiisumilluunniit ingerlanneqarsinnaalernissaa. Taamaasilluni takkullutik saaffiginnittartut ikilisinnaapput, innuttaasut suliffeqarfiutillillu attaveqaatitigut imminut sullittartut amerlatsippata.

sullissivik.gl-imi imarisap allalluakkap imminullu sullississutip digitaliusup atoruminartup assigeequtigaat pisortanut saaffiginnissutit ikinnerulersinnissaat, taamaasilluni sulisut suliassaminnut allanut piffissatornarnerusunut isumaginninnissaminnut piffissaqarnerulissammata.

 

Illit (atuisutut) matumani atuarsinnaavatit:

  • sullissivik.gl-ip sannaata qanoq ittuunerata ilisimalernissaa pisariaqartikkukku
  • periarfissat assigiinngitsut sumiinneri, qanorlu atuuffeqarnerisa paasinissaa pisariaqartikkukku

Una toorlugu "sullissivik.gl-ip qanoq atornissaanut ilitsersuut" ammaruk

Una toorlugu "sullissivik.gl-imi imarisat inississorneri" ammaruk

 

sullissivik.gl pingaarnertut marlunnik imaqarpoq:

  • Imarisat allatat qinnuteqaammi, noqqaassummi, nalunaarummi qanoq suliap ingerlanneqartarnera tamaat aallartinneraniit naammassinissaata tungaanut innuttaasunut paasiuminartumik nassuiaanertaqarput
  • Imminut sullississutit digitaliusut

Una toorlugu sullissivik.gl-imi imarisat pillugit ilitsersuut" ammaruk

 

Oqartussaasut attavigikkit

Suliap killiffia pillugu inunnit ataasiakkaanit saaffiginnissutit:
sullissivik.gl Nunatsinni oqartussaasunut atugassiaritinneqartoq, Digitalimik Attaveqaqatigiinneq (DIA KOM)-ip Digitalimik Sullissinermut Aqutsisoqarfimmeersut ingerlappaat.

Immikkoortortaqarfimmi DIA KOM-imi sulisut sullissivik.gl-imi nittartagalerisuugamik, oqartussaasut sinnerlugit innuttaasut saaffiginnissutaannut akissuteqarsinnaanngillat.
DIA KOM-imi sulisut nittartagaq kisiat isumagisarigamikku, suliassat inunnut ataasiakkaanut tunngassutillit suliarineq ajorpaat.
Taamaattumik ilisimassavarsi qinnuteqaatinut tunngatillugu suliassanik isumaginninnernut ilanngutitinneqartassanngitsut.

Qinnuteqaatit killiffii pillugit saaffiginnissutit:
Immersugassat sullissivik.gl-ikkut immersorneqariarlutik nassiunneqartartut toqqaannartumik suliarinnittussanut nassiunneqartarmata, DIA KOM (sullissivik.gl-imi nittartagalerisut) tigusaqarneq ajorput.
Nittartagalerisuugamik teknikkertaa isumagisarivaat, inunnullu ataasiakkaanut tunngassutilinnik suliaqarneq ajoramik, suliarinnittartut sinnerlugit akissuteqarsinnaanngillat.
Taamaattumik innuttaasut qinnuteqaatertik sullissivik.gl-ikkut immersoriarlugu nassiunnikuusartik pillugu apeqqutissaqarunik, kommuunerisaminni Innuttaasunut Sullissivik imaluunniit oqartussat qinnuteqaatinut suliarinnittartut attavigisassavaat.

DIA KOM attavigikkit

Teknikkikkut ajortoqarnera pillugu saaffiginnissutit:
Sullissivik.gl-imi –atuisutut- teknikkikkut ajortoqarneranik nalaarsinnaasatit assigiinngitsuupput.

Ajortoqarneranik nalunaarutit atuisumiit atuisumut assigiinngitsuusinnaasarmarta, assilinera (skærmbillede) takoqqaartinnagu ajoqutaa sorliunersoq takusinnaaneq ajorparput.

Ajoqutaa assileriarlugu (skærmbillede) nassiussinnaasuugukku, ilinnut suna ajoqutaanersoq takusinnaalissagaluarparput. Assilinera nassiukkukku suna ajoqutaanersoq misissussavarput, apeqqutitillu akisinnaalerutsigit ikiorsinnaalissavatsigit.

Inuup normuisa emailikkut nassiunneqartarneri:
Uatsinnut mailerlutit inuup normuinik allataqarsimaguit, erseqqissaatigissavarput mailerlutit allatavit akinerani inuup normui tarrisittaratsigit, taakku paasissutissat Inunnut Paasissutissanik Suliarinnittarneq pillugu Inatsit malillugu mianerisariaqartuummata.

Inussiarnersumik inuulluaqqusilluta:
Digitalimik Attaveqaqatigiinneq
Digitalimik Sullissinermut Aqutsisoqarfik

 

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.