Persuttaaneq – Siunnersuineq aamma unnerluutiginninneq

Kalaallit Nunaanni persuttaaneq suugaluartorluunniit inerteqqutaavoq, aamma persuttaaneq angerlarsimaffimmi aamma ilaqutariit akornanni pigaangat.

Unnerluutiginninneq
Persuttartissimaguit tuaviortumillu ikiorneqarnissaq pisariaqartillugu, najukkanni politeeqarfik attaveqarfigissavat.

Inuttut siunnersortinneq
Siunnersorneqarnissamik atorfissaqartitsiguit imaluunniit inissisimaffigisanni suna pitsaanerpaanersoq paasissaqarfigissallugu ikiortissarsiorlutit, assersuutigalugu attaveqarfigisinnaavatit:

• inunnik isumaginnittoqarfimmi sulianik suliarinnittartoq
• politiit
• kommunefoged-i
• nakorsaq
• peqqinnissaqarfimmi sulianik ilisimasalik
• qimarnguivik
• oqarasuaatikkut siunnersuisarfik

Taakku ilaata ilitsersuussinnaavaatit ingerlariaqqinnissannullu ikiorlutit.

Persuttaaneq pillugu paasissutissat aamma ilisimasat

oqaatsigiuk.gl tassaavoq sulianik ilisimasalinnut nittartagaq, ilaatigut ilaqutariinni aamma angerlarsimaffimmi persuttaasarneq pillugu sulianik suliarinnittarneq pillugu siunnersuutinik ilitsersuutinillu imaqartoq. Illit innuttaasutut nittartagaq aamma atorsinnaavat, tassani qanoq iliorsinnaanersutit pillugu pitsaasunik siunnersuutinik nassaassaqarpoq aammalu pisuni oqimaatsuni illit nammineq imaluunniit ilaquttavit ilaat persuttaanermik nalaataqarpat eqqarsaatigisariaqakkatit suunersut nassaassaqarluni. 

www.oqaatigiuk.gl

inooqateqarnerit.gl tassaavoq nittartagaq inuusuttut 16-it aamma 24-it akornanni ukiullit, aappariinneq pillugu paasissutissarsiffigisinnaasaat siunnersortiffigisinnaasaallu. Assersuutigalugu tassaasinnaavoq sunik pisinnaatitaaffeqarneq aamma aappariinnerup ajortumik ingerlalinnginnissaanut suut eqqumaffigineqartariaqarnersut. Sulianik suliallit aamma angajoqqaat nittartagaq aamma atuagaqarfigisinnaavaat iluaqutaasumik. 

www.inooqateqarnerit.gl