Meeqqanik pinerliisimannginnermut uppernarsaat

Kalaallit Nunaanni imaluunniit Danmark-imi meeqqanut 15-it inorlugit ukiulinnut kinguaassiutitigut atorner-luisimanermut eqqartuunneqarsimagaanni, meeqqanik pinerliisimannginnermut uppernarsaammut tamanna ilanngunneqartarpoq.

Meeqqat pisortat inaataaniikkaangata, assersuutigalugu meeqqerivimmi, atuarfimmi aamma timersoqati-giiffimmi kinguaassiutitigut atornerlunneqarsinnaanermut illersorniarlugit meeqqanik pinerliisimannginner-mut uppernarsaat suliarineqartarpoq. Taamaammat inummik meeqqanik 15-it inorlugit ukioqartunik sullissi-sussamik atorfinitsitsineq sioqqullugu sulisitsisoq meeqqanik pinerliisimannginnermut uppernarsaammik pissarsiniartuussaavoq. Assersuutigalugu tassaasinnaapput:

• Ilinniartitsisut
• Perorsaasut
• Perorsaasunut ikiortit
• Ulluunerani angerlarsimaffimmi paarsisartut
• Angajoqqaarsiat
• Inunnik isumaginnittut
• Pedelit
• Nakorsat
• Peqqissaasut
• Igaffimmi aamma nerisarfinni sulisut
• Nalunnguarnermik ilinniartitsisut

Meeqqanik pinerliisimannginnermut uppernarsaat nammineerlutit pissarsiarisinnaanngilat. Paarlattuanik illit sulisitsisorilerumaagassat meeqqanik pinerliisimannginnermut uppernarsaammik politiinut pissarsiniarsin-naasoq akuerisussaavat. Meeqqanik pinerliisimannginnermut uppernasaatinnik sulisitsorisassat pissarsiniar-sinnaasoq akuerinngikkukku, suliffissaq pissarsiarisinnaanngilat.

Meeqqanik pinerliisimannginnermut uppernarsaat pigisat, meeqqanik 15-it inorlugit ukiulinnik sullissisinnaa-nermut atorfininnissannut naammaginartuusariaqarpoq.

Immersugaq allakkerivikkut nalinginnaasumik Politiet, Kriminalregisteret, nassiunneqartarpoq. Najugaq immersugassami allaqqasarpoq.

Aammattaaq immersugaq Sikker Post til Politi’nut, Kriminalregisteret, nassiunneqarsinnaavoq. Mail nassius-sivissaq immersugassami allaqqavoq.

Suliamik suliarinninneq ullunik qulinik allakkerivikkullu nassiussineq ilanngullugu sivisussuseqartarpoq.

Malugiuk
Sulisitsisoq nipangiusimannittussaatitaavoq. Tamatuma kingunerisaanik, meeqqanik pinerliisimannginnermut uppernarsaatip pigisavit imarisaa sulisitsisuit allanut oqaluttuareqqusaanngilaa. Taamatuttaaq meeqqanik pinerliisimannginnermut uppernarsaat aserorterneqartarpoq, sulisitsisup atorfimmi sulilissanersutit aalaja-ngiunniariarpagu.

Sulisitsisumut immersugassaq

Meeqqanik pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisaat nr. 8, 19. maj 2010-meersoq

Meeqqanik pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisaata allanngortinnera pillugu Inatsisartut inatsisaat nr. 7, 3. juni 2015-imeersoq (Atuuffiata annertusinera)

Kalaallit Nunaanni Det Centrale Kriminalregister-imi (Kriminalregisteret) inunnut paasissutissanik suliarinnittarneq pillugu nalunaarut nr. 1402, 29. november 2016-imeersoq