Gå til indholdet
Du kan søge på sitet
Innuttaasumut
Suliffeqarfiutilimmut
  1. Sammisat tamarmik
  2. Aalisarneq
  3. Saarullinniarneq
  1. Avataasiorluni aalisarneq
    1. Avataasiorluni aalisarnissamut akuersissummik qinnuteqarneq
    2. Avaleraasartuunik ammassassuarnillu aalisarsinnaanermut akuersissutinik qinnuteqarneq
    3. Uiluinniarsinnaanermut qinnuteqarneq
  2. Sinerissap qanittuani aalisarneq
    1. Umiatsiaaqqamik sinerissap qanittuani aalisarsinnaanermut akuersissummik qinnuteqarit
    2. Angallataatilinnut sinerissap qanittuani aalisarsinnaanermut akuersissummik qinnuteqaat
    3. Kapisilinniarsinnaanermut akuersissummik qinnuteqarit
    4. Qaleralinniarnermi angallatinut pisassiissutit nammineq pigisat
    5. Qaleralinniarneq
    6. Nipisanniarneq
    7. Saattuarniarneq
    8. Saarullinniarneq
    9. Eqalunniarneq
  3. Raajat
    1. Raajarniarneq
  4. Misileraalluni aalisarneq
    1. Misileraalluni aalisarnissamut qinnuteqaat
  5. Aalisarnermik nakkutilliineq
    1. Piniarnermik aalisarnermillu nakkutilliisut
  6. Umiarsuarmik tunitsiviliineq
    1. Umiarsuarmik tunitsivimmik inissiinissamut akuersissummik qinnuteqarit
  7. Usingiarnissamut akuersissut
    1. Angallammut allamut usingiarnissamut qinnuteqarneq
  8. Aalisarnermi inuussutissarsiutitut aningaasarsianut paasissutissat nalunaarsukkit
  9. Nunami suliffiliineq
    1. Nunami tunisassiorfilliornissamut qinnuteqaat

Saarullinniarneq

Malugiuk: Sinerissap qanittuani inuussutissarsiutigalugu aalisartuuguit umiatsiaaqqamik/angallammilluunniit saarullinniarniaruit aalisarsinnaanermut akuersissummik pissarseqqaarsimasariaqaravit

Inuussutissarsiutigalugu saarullinniarniaruit aalisarsinnaanermut akuersissummik pissarseqqaarsimasariaqarputit.
Saarullinniarnissami immikkut piumasaqaatit maleruagassallu quppernermi uani atuarsinnaavatit. Inuussutissarsiutigalugu aalisartutut aalisarnermut malittarisassat piumasaqaatillu aalajangersarneqarsimasut malinnissaannut pisussaaffeqarputit. Tamatumalu saniatigut ileqqoreqqusat kommunerisannut immikkut atuutsinneqartut soorlu sumiiffiit eqqissisimatitat illersorneqarnissaannut tunngasut malinneqartussaapput. Kommunini ileqqoreqqusat inatsisit.gl-imi atuarsinnaavatit.

Inuussutissarsiutigalugu aalisartutut nalunaaruteqartarnissamik pisussaaffeqarputit. Pisatit saniatigullu pisarisuukkatit nalunaarutigisartussaavatit. Saniatigut pisarisuukkat tunineqarsinnaanngitsut tassaapput aalisakkat, timmissat, miluumasut imarmiut, pupiit koral-illu.

Pinngortitap eriaginissaanut nammineerlutit akisussaaffeqarputittaaq. Imaq ataatsimoorluta isumalluutigaarput ataatsimoorlutalu aamma akisussaaffigalutigu.

Saarullinniarneq paggatassiinertut/pisassiissutit nungunnissaasa tungaanut ingerlanneqartarpoq pisassiissutit ataatsimoorullugit tamanit aalisarneqartarlutik. Pisassiissutit tamakkerlugit aalisarneqarsimaleraangata aalisarneq unitsinneqartarpoq.

Saarullinniarnermi aalisaatit makku atorneqartarnissaat piumasaqaataavoq:

  • Qassusersorluni aalisarnermi qassutit nigartaqqortussusissaa minnerpaamik 160 mm-iussaaq.
  • Sinerissap qanittuani ungusiniutit qalorsuilluunniit atorlugit saarullinniarneq angallatinut tamanut inerteqqutaavoq.
  • Aalisarnermi atortut piginnittup/imaluunniit angallatip aqqanik erseqqissumik nalunaaqutserneqarsimassapput. Nalunaaqutsiussat imermit arrortinneqarsinnaassanngillat.
  • Aalisarnermi atortut atorneqareernerisa kingorna peerneqartarnissaat illit nammineerlutit akisussaaffigivat. Aalisarnermi atortutit nal. akunneri 24-t iluanni qaqissinnaanngikkukkit tamanna KANUAANA-mut nalunaarutigissavat. Aalisarnermi atortunik 3 sømilimik killeqarfiup iluani annaasaqarsimaguit taakku kommunimut nalunaarutigissavatittaaq.

Inuussutissarsiutigalugu saarullinniarniaruit aalisarsinnaanissamut akuersissummik pissarseqqaarsimasariaqarputit.  

Umiatsiaararsorlutit inuussutissarsiutigalugu aalisartuuguit aalisarsinnaanissamullu akuersissummik pissarsiniarlutit kommunimut saaffiginnissaatit.
Angallammik inuussutissarsiutigalugu aalisartuuguit qarasaasiaq aqqutigalugu internettikkut aalisarsinnaanissamut akuersissummik qinnuteqassaatit.

Uannga allanneqarpoq: Aalisarnermut immikkoortortaqarfik

Suliffeqarfiutilimmut

sullissivik.gl-imut tikilluarit

Sullissivik Suliffeqarfiutilimmut isilerputit. Innuttaasumut nuunniaruit, qulaani ‘Innuttaasumut’ toqqassavat.