Utoqqaat ornittagaat – Nalinginnaasumik paasissutissiineq
Utoqqarnut tamanut 65-inik ukioqalereersimasunut utoqqaat ornittagaat neqeroorutaavoq. Innuttaasut utoqqaat susassaqarlutik utoqqalinissaat ornittakkat siunertaraat, tassani timikkut aamma inuit ineriartornissamut imaluunniit piginnaasat attatiinnarnissaannut aamma ikinngutit attavigisartakkat ilisarisimasallu pigiinnarnissaannut periarfissiisoqartarpoq.
Atuisutut ulluinnarni assigiinngitsunik sulianut aallussillutit ilaasaruit, kommunip utoqqarnut ornittagaataa uummaarissuussaaq ornissallugulu pilerinartuulluni. Taama iliornikkut illit allallu ulluinnarisassi pitsaanerulernissaanut peqataassaatit.
Sammineqartartut
Ullup ingerlanerani sulerissanersutit illit soqutigisatit apeqqutaassapput ornittakkamilu sammineqartartut pisariaqartitanut naleqquttumik neqeroorutinik amerlassuseqartarput. Assersuutigalugu peqataasinnaavutit ukunani:
- Eqaarsaarneq
- Pitsorluttunut ataatsimoortumik eqaarsaarneq
- Sannavinni sunngiffimmi sammisatut sammisaqarneq, assersuutigalugu assassorneq sananerlu
- Nerisassiorneq aamma naqittaaneq
- Imilertakkanik qalipaaneq
- Pinnguarneq, assersuutigalugu inugarneq aamma tammoorneq
- Erinarsorneq aamma erinarsoqatigiinneq
- Isiginnaartitsineq
Sammisassat imminut ataqatigiinngitsumik ingerlanneqartarput taamaalilluni utoqqaat ornittagaanni sammisassat arlallit ataatsikkut ingerlanneqarsinnaasarlutik. Ilutigisaanik sannaviit atorneqanngitsut kikkunnilluunniit atorneqarsinnaasarput.
Akiliuteqarneq
Utoqqaat ornittagaannik atuineq akeqanngilaq. Taamaattoq utoqqaat ornittagaanni sammisat ilaat akeqarsinnaasarput.
Nerineq
Utoqqaat allat peqatigalugit utoqqaat ornittagaat ornittuarsinnaavat ataatsimoortumillu eqqissisimanartumik nereqatigalugit. Ullormik sioqqutsilluni inniminneriikkanik utoqqaat ornittagaanni nerisassanik kissartunik pisisoqarsinnaallunilu nerisoqarsinnaavoq.
Kaffe, te aamma kaagit ullaap tungaani aamma ualikkut pisiarineqarsinnaapput.