Nuunnialeruit eqqaamasassatut allattorsimaffik

Nuunneq ajornanngitsuinnaanngilaq. Tassami sorpaaluussuupput eqqaamasariakkatit.

Eqqaamasassat allattorsimaffiat
Kalaallit Nunaanni najukkamut allamut nuuttussaaguit, eqqaamassavatit:

• Nuunneq kommunimut nalunaarutigineqassammat
• Eqqagassalerinermut anartarfilerinermullu slamtanke-millu peqaraanni kommunimut atuilersutut atuiunnaarnermiluunniit nalunaarneq
• Innaallagissamik, imermik kiassarnermillu najugaqarfigisimasannit nuunninni atuiunnaarlutit Nukissiorfinnut nalunaarutigalugu
• Innaallagissamik, imermik kiassarnermillu najugarisassannut nuunninni atuilerlutit Nukissiorfinnut nalunaarutigalugu
• Najugarilikkanni ineqarnermut tapinik pissarsisinnaanerlutit misissorlugu
• Najugaqarnermut uppernarsaammik nutaamik pissarsiniarneq
• Akileraarnermut allagartamik nutaamik, kommunimut allamut nuussimaguit pissarsiarissallugu

Nunamit allamit Kalaallit Nunaannut nuunninni, aamma eqqaamassavat:

• Siumoortumik nalunaarsuinermik suliaqassagavit
• Danmark-imiit Kalaallit Nunaannut nuussaguit, Danmark-imut akileraartannginnissat isumagalugu
• Piniarnermi atortunik nassataqassaguit, piniarnermi atortunik eqqussinissamut akuersissummik qinnuteqassagavit

Kalaallit Nunaannit nunamut allamut nuukkuit, eqqaamassavatit:

• Inunnik ikiuisarneq pillugu pisinnaatitaaffitit, akileraartussaatitaanitit, suliffissaqarniarneq aammalu nunami pineqartumi ilinniarnissamut periarfissatit misissorlugit
• Piniarnermi atortunik nassassaguit, piniarnermi atortunik annissisinnaanermut akuersissummik qinnuteqarnissat

København-imut nuussaguit tamatuma saniatigut Danmark-imiilernerit oqinneroqqullugu, ILIK-mik tapersersorteqarnermut nalunaarnissat.

Toqqaannartumik attaveqaatitigoortumik Imminut sullinneq
NemID-imik peqaruit toqqaannartumik attaveqaatitigoortumik:

• Kommunimut nuunnerit nalunaarutigisinnaavat
• Eqqagassalerinermut anartarfilerinermullu slamtanke-millu peqaraanni kommunimut atuilersutut atuiunnaarnermiluunniit nalunaarneq
• Innaallagissamik, imermik kiassarnermillu atuiunnaarnerit atuilernerillu Nukissiorfinnut nalunaarutigisinnaavatit
• Najugaqarnermut uppernarsaammik nutaamik pissarsisinnaavutit
• Meeqqerivimmut inissiisinnaavutit, aninissaanik nalunaarlutit utaqqisulluunniit allattorsimaffiat takullugu

Imminut sullinneq atorniakkat quppernerup talerpia-tungaani toqqarsinnaavat, NemID-ilu pigisat atorlugu iserlutit. Taava aallartissinnaalissaatit.

Paasissutissat annertunerusut
Nuunninni eqqaamasassatit pissutsit ataasiakkaat allaaserisani attuumassuteqartuni annertunerusumik atuarsinnaavatit.