MitID-mut kinaassutsimut uppernarsaatit sisamat

MitID smartphonemut tabletimullu siullertut app-iuvoq. MitID app-ip atornissaanut periarfissaqanngikkuit kodenik nuisitsivik, kodenik atuaasartoq imaluunniit chip atorsinnaavat.

Kinaanermik uppernarsaanermut atortut assigiinngitsut sisamaapput:

1. MitID app 
2. MitID kodenik nuisitsivik
3. MitID kodenik atuaasartoq
4. MitID chip

MitID app-i smartphonenni App Storemi imaluunniit Google Play Butikimi aasinnaavat. MitID app akeqanngilaq.

MitID app-eqaruit swiperlutit MitID atorlugu akuersisinnaavutit. MitID app atortorissaarutini pingasut tikillugit atorsinnaavat, assersuutigalugu nammineq mobilinni, suliffinnit mobilinni tabletinnilu. Atortorissaarutinut tamanut nutaamik atuutilersitsinermut kodeqassaatit – atuutilersitsiner-mut kode innuttaasunik sullissivimmi pissarsiarisinnaavat.

Atuutilersitsinerup ilaattut utaqqiisaasumik PIN-kode SMS-ikkut nassius-sarsiarissavat. SMS mobilip normuanut nalunaarutinik nassitsivissatut nalunaarutigisimasannut nassiunneqassaaq.

Atortorissaarutini pingasuni MitID ikkussuutereersimagukku assersuuti-galugulu tabletinni MitID atorunnaarsikkusullugu, taava MitID app atorto-rissaarummi allami atorsinnaassavat MitID.dk-miluunniit isumagalugu.

MitID kodenik nuisitsivik MitID atorlugu isernialeruit kodemik nuisitsissaaq.

MitID kodenik nuisitsivik innuttaasunik sullissivimmi imaluunniit nunaqarfimmi kommuniop allaffiani aasinnaavat. Najukkannut aamma nassitsissinnaavutit. MitID kodenik nuisitsivimmik inniminniiniaruit mitid.dk aqqutigalugu inniminniisinnaavutit (nittartagaq qallunaatut tuluttullu taamaallaat allassimavoq). MitID kodenik nuisitsivik pingasuni siullerni akeqanngilaq.

Una toorlugu “MitID kodenik nuisitsivik imannak atussavat” ilitsersuut takuuk

Kodenik atuaasartoq lommeregnereeqqatut isikkoqarpoq tappiitsunut imaluunniit isigiarsuttunut naatsorsuussaalluni. Tusarnaarutit atassuserneqarsinnaapput allat tusaasinnaanngisaannik kode atuarneqarsinnaalersillugu. Oqaatsit toqqarneqarsinnaasut tassaapput qallunaatut tuluttullu.

Una toorlugu “MitID kodenik nuisitsivik imannak atussavat” ilitsersuut takuuk

MitID kodenik nuisitsivik innuttaasunik sullissivimmi imaluunniit nunaqarfimmi kommuniop allaffiani aasinnaavat. Najukkannut aamma nassitsissinnaavutit. MitID kodenik atuaasartumik inniminniiniaruit mitid.dk aqqutigalugu inniminniisinnaavutit. MitID kodenik atuaasartoq pingasuni siullerni akeqanngilaq.

MitID chip ullormut arlaleriarlutit MitID atorlugu isertartussaasimasunut naatsorsuussaavoq. Assersuutigalugu sulininnut atatillugu atorneqarsinnaavoq.

Una toorlugu “MitID chip imannak atussavat” pillugu ilitsersuut takuuk

MitID chip innuttaasunik sullissivimmi imaluunniit nunaqarfimmi kommunip allaffiani aasinnaavat. Najukkannut aamma nassitsissinnaavutit. MitID chipimik inniminniiniaruit mitid.dk aqqutigalugu inniminniisinnaavutit (nittartagaq qallunaatut tuluttullu taamaallaat allassimavoq). MitID chip 143,73 koruuneqarpoq (februaari 2024).

MitID aamma NemLog-in pillugit inatsisip Kalaallit Nunaannut atuutilernissaanut peqqussut