Alliaq - innuttaasunut nakuusertartunut neqeroorut

Alliaq nuna tamakkerlugu neqeroorutaavoq ilinnut, qanigisannik ajoqusiinnginniassagavit pissuserisartakkannik allannguerusuttumut, akeqanngitsoq.

Nuna tamakkerlugu neqerooruterput angutinik aammalu arnanik oqaloqateqartarluni katsorsaaneruvoq.

Oqaloqatigiinnerit naleqqussarneqassapput ajornartorsiutitit pisariaqartitatillu naaperiarsinnaaniarlugit. Oqaloqatigiinnerit aallartinneqarneranni nakuusernerup unitsinneqarnissaa ukkatarineqartarpoq. Tamatuma saniatigut oqaloqatigiinnerit kamakkaangavit ilinni qanoq pisoqartoqartarneranik qanorlu nakuusernak kamammik akerleriinnermillu passussisinnaanissamik ilinniarnissannik ukkataqartarput.

Ingerlatsineq inunnut ataasiakkaanoorpoq inuttullu pisariaqartitatit aallaavigalugit sivisussusaat assigiinngisitaarlutik. Nipangiussisussaatitaavugut.
Ingerlatsinermi aapparisimasinnaasannik oqaloqateqarnissamik aamma neqeroorutitaqarpoq.

Katsorsarneqarnissannut minnerpaamik 15-inik ukioqassaatit.
Katsorsaaneq suliatigut pissutsillu periarfissaqartitsineri naapertorlugit Skype/Teams imaluunniit oqarasuaat atorlugu ingerlanneqassaaq.
Piffinni ataasiakkaani tarnip pissusaanik immikkut ilisimasalimmik imaluunniit psykoterapeutimik qanimut oqaloqateqarsinnaaneq periarfissaavoq.

Oqarasuaammut 80 11 99-mut sianersinnaavutit allaffigalutaluunniit attaveqarnermut immersugassaq aqqutigalugu.

Alliamut attaveqarneq pituttuinngilaq. Oqarasuaatikkut siunnersuisutsinnut illit atukkatit pillugit siullermik naatsumik oqaluttuassaatit. Tamatuma kingorna tarnip pissusaanik ilisimasalittatsinnit imaluunniit tarnip pissusaanik immikkut ilisimasallit katsorsaasartut ilinnik oqaloqateqarnerunikkut nalilerneqassaaq neqeroorutitsinnik iluaquteqarsinnaanersutit.



Telefoni ammasarpoq:

Oqarasuaat ammasarpoq sapaatip akunnerata ullui tamakkerlugit, sapaatip akunnerata naanera ilanngullugu, nalunaaqutaq 09:00-imiit 21:00-imut.

Neqeroorut akeqanngilaq, nipangiussisussaatitaavugullu.

Katsorsaanermik ingerlatsinerup atuisumit nammineq piumassutsimik peqataaneranik tunngaveqarnissaa Alliami tunngaviusumik malitassaavoq.

 

Innersuunneqarnissamut piumasaqaatit:


• Annertuumik atornerluinermik ajornartorsiuteqartunut katsorsaasoqassanngilaq.


• Inunnut atuunnermut ilisarsisinnaassusaannik appartitsingaatsiartumik nakorsaatitortinneqartunut katsorsaasoqassanngilaq.


• Inuit katsorsarneqarnissamik kissaateqartut katsorsaanermut peqataanissamut ilisarsisinnaassuseqartariaqarput.


• Inuit katsorsarneqarnissamik kissaateqartut nakuusersimanerminik nassuerutiginnillunilu akisussaaffimmik naleqquttumik tigusisinnaasariaqarpoq.


• Inuit katsorsarneqarnissamik kissaateqartut katsorsaanermut naleqquttumik peqataarusussuseqarnermik takutitsisariaqarput.


• Ilaqutariit meerartallit nalinginnaasumik immikkut ittumik salliunneqartarput.



 

Piumasaqaatit:

 
• Alliaq angutinut arnanullu neqeroorutaavoq.


• Katsorsaaneq Pinerluttunik Isumaginnittunit nakkutigineqartunut pinerluuteqarsimasunulluunniit inissiisarfimmiittunut neqeroorutigineqarsinnaavoq. Uani paasisaqarnerugit: Pinerluttunik Isumaginnittunut.

• Neqeroorummik atuisut minnerpaamik 15-inik ukioqassapput. 


• Atuisut tarnip pissusaanik ilisimasallip innersuussuteqarneratigut katsorsaanermik neqerooruteqartup aapparisimasinnaasamut attaveqarnissamut akuersissummik tunniussissapput.



 

Peerneqarnissamut pissutaasut:

Atuisut neqeroorummik peerneqarsinnaapput:


• Qanigisaminnut nakuusertarnertiuk attatiinnarpassuk.


• Katsorsaasumut nakuuserpata.


• Kajuminnermik suleqataanermillu takutitsisinnaanngippata.


• Katsorsarneqarnissamut tulleriit marluk sinnerlugit takkutinngitsoorpata.


• Katsorsarneqarnissamut tulleriit marluk sinnerlugit takkutinnginnissamik nalunaaruteqarpata.