Imminut sullississutinut iserniaruit NemID suli isissutissatut atussavat.

Ilaqutariinnut sullissivik

Kalaallit Nunaanni illoqarfinni nunaqarfinnilu amerlanerni ilaqutariinnut sullissiveqarpoq, taakkualu assigiinngitsunik annertussusilinnik ilaqutariinnut ajornartorsiutilinnut ikiorsiinissamik siunnersuinissamillu neqerooruteqarput. Ilaqutariinnut sullissivinni illit ilaquttatillu assigiinngitsunik annertussusilinnik makkunatigut sullinneqarsinnaavutit:
• Ilaqutariittut katsorsarneqarneq
• Siunnersorneqarneq
• Ajornartorsiornermi ikiorneqarneq

Ilaqutariinnut sullissivimmi illit ilaquttatillu ilaqutaariittut ineriartornermik ingerlatsivigineqarnissinni akiliisinneqassanngilasi.

Ilaqutariinnut sullissivik kommunimiik aaqqissuunneqartarpoq.

 

Ilaqutariit ineriartortinneqarnerannut ingerlatsinernut atatillugu ilanngunneqarsinnaanissamut piumasaqaatit kommunimiit kommunimut assigiinngiiaarput.

Illit najukkanni ilaqutariinnut sullissiviup neqeroorutai piumasaqaatillu pillugit kommunimut saaffiginnigit.

 

Illoqarfinni ukunani Ilaqutariinnut sullissiviit pilersinneqarnikuupput:
• Qaanaaq
• Upernavik
• Ummannaq
• Qasigiannguit
• Qeqertarsuaq
• Ilulissat
• Aasiaat
• Kangaatsiaq
• Sisimiut
• Maniitsoq
• Tasiilaq
• Nuuk
• Paamiut
• Qaqortoq
• Nanortalik
• Narsaq

 

Kommunerisat attavigijuk, Ilaqutariit sullissiviannut innersuutinniarlutit.

Nalinginnaasumik kommunit atugarissaarnikkut imaluunniit isumaginninnikkut ingerlatsiviini inunnik sullissisui tassaapput illit ilaquttavit ilaqutariinnut sullissiviup neqeroorutaanik iluaquteqassanersut nalilersuisartussat.
Illit, ilissiluunniit periarfissarivat Ilaqutariinnut siunnersuisarfik -Anonym Familierådgivning- tlf. 31 41 51 attaviginissaanut periarfissaqarpusi. Ullut Tamaasa nal. 19 - 21 ammasarpoq.

 

Isumaginninnermut, Sulisoqarnermut Nunamullu Namminermut Naalakkersuisoqarfik
Imaneq 1A
Postboks 970
3900 Nuuk
E-mail: ISNNN@nanoq.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.