Imminut pilersornermut ineriartortitsinissaq pillugu tapiissutinut qinnuteqarit

Inuussutissarsiutigalugu imminut pilersornerup iluani Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmut tapiissutinik qinnuteqarsinnaavutit. Tamanna tunisassiortunut suliffeqarfinnut pioreersunut aamma aallartittunut nutaanut atuuppoq.

Imminut pilersornerup iluani nioqqutissiortut, tamaasa nioqqutissiortuupput kalaallit nuaanni nioqqutissanik tunisassianik sunniuteqaqataanermut annertusaaqataappata.
Imminut pilersornerup iluani tunisassiorfiutinnut tapiissutinik qinnuteqarsinnaavutit, piffissami sivisuumi sinneqartooruteqartarnissaq anguniarlugu, Kalaallit Nunaanni imminut pilersornerup iluani annertusaaqataaniaruit, pilersuinerit inerisarniarukku najukkamilu pitsaasumik suliffissaqartitsiniarnermut sunniuteqaqataaniaruit.

Qinnuteqarfissaq aamma ilitsersuut uani aasinnaavatit

Ilitsersuut tapiissuteqartarnernik takussutissartalik uani aasinnaavat

Suliffeqarfiutivit tapiissutinik qinnuteqartup, piumasaqaatit ukua naammassisimassavai:

• Suliffeqarfik Kalaallit Nunaanniissaaq,
• Suliffeqarfiup nammineq aningaasaatini atorsinnaassavai, taamaalillunilu akilersuinermik unitsitsisoqarsimassanani, akiliisinnaajunnaarsimassanani taakkununngaluunniit assingusumi inissisimassanani,
• Suliffeqarfik aallarterlaaq siunissamut pilersaarutiminik ersarissumik takutitsisinnaassaaq.
  
  

Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmit tapiiffigineqarnissamut akuersissut suliffeqarfimmut piumasaqaatinik nalinginnaasunik arlalinnik imaqarpoq, soorlu:

• Suliniutip siuariartornera pillugu nalunaarsuineq,
• Suliffeqarfiup ukiumi tapiissuteqarfiusumi ukiumoortumik aningaasartuutaanik nalunaarsuineq,
• Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmit qinnuteqqat kiisalu/imaluunniit tapiissuteqarnissamik isumaqatigiissut pillugu saaffiginnissutinut akissuteqarnerit,
• Tapiissuteqartarnernut aalajangersakkanik allannguinissanut periarfissat,
• Suliffeqarfik akiliisinnaajunnaarsimappat tapiissuteqarnissamut neriorsuutinik atornerluinerup kingunerisinnaasai.

Aningaasartuutinut uppernarsaatitalinnut Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmit akuerineqarsimasunut tapiissuteqarnissamik qinnuteqarsinnaavutit. Suliniutinut akuersissutip, suliniutip piumasaqaataasa kiisalu Aningaasaqarnermut inatsimmi akuersissutit 2,2 mio.kr. avataaniittunut aningaasartuutitit matussuserneqarsinnaanngillat.

Imminut pilersornermut ineriartortitsinissaq pillugu tapiissutinut qinnuteqarneq akeqanngilaq.

Qinnuteqaatit mailikkut allakkatigulluunniit nassiutissavat qinnuteqaat immersugaq ilassutaasullu makkuninnga paasissutissartallit ilanngullugit:

Suliffeqarfinnut pioreersunut:

• Qinnuteqaat immersugaq
• Suliffeqarfiup pilersaarutaa
     o Minnerpaamik tapiissummut qinnuteqaatigisamut aningaasartuutissanut missingersuutinik, suliniutip suuneranik tunisassiortunillu akinik neqeroorutaasunik ilalinnik imaqassaaq
• Naatsorsuutit akuerisaasut kingulliit
• Qinnuteqaatinut 100.000 kr. sinnerlugu annertussusilinnut ingerlatsinermut naatsorsuutit.
  
  

Suliffeqarfinnut aallarterlaanut:

• Qinnuteqaat immersugaq
• Ingerlatsinermut pilersaarut
     o Minnerpaamik tapiissutaasumut aningaasanut missingersuutit, suliniutit aalajangersimasut, tunisassiortunit neqeroorutit pissarsiat, inerisaanermut pilersaarutit, suliffeqarfimmi takorluukkat/anguniakkat imarissavai
• Qinnuteqaatinut 100.000 kr. sinnerlugu annertussusilinnut ingerlatsinermut naatsorsuutit
  
  

Qinnuteqarfissaq aamma ilitsersuut uani aasinnaavatit

Qinnuteqaat immersoriigaq ilassutissanik pisarialinnik imalik Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmut nassiutissavat

• Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmi qinnuteqaatit pissarsiarineqareeriarpat piffissarlu qinnuteqarfiusoq naariarpat suliassaq isumagineqassaaq.
• Nunalerinermut, Imminut Pilersornermut Nukissiutinut Avatangiisinullu Naalakkersuisoqarfik qinnuteqartumit allanilluunniit paasissutissanik annertunerusunik pissarsiniassalluni pisinnaatitaavoq. Paasissutissat taamaattut qinnuteqaatip suliarinerani ilaatinneqassapput.
  
  

Sulianik ingerlatsinernut takussutissiaq tamakkiisoq allaffissornermut ilitsersuummi atuarneqarsinnaavoq.

Nunalerinermut, Imminut Pilersornermut Nukissiutinut Avatangiisinullu Naalakkersuisoqarfiup suliassaq ingerlatissavaa qinnuteqaallu nalilersussallugu tapiissuteqartarnermi piumasaqaatit najoqqutaralugit pointilersorneratigut.
Tapiissuteqartarnermi piumasaqaatit:

• Qinnuteqartup teknikkikkut, sammisakkut aningaasatigullu piginnaasai
• Suliffeqarfimmi sullissinerup annertussusaa
  
  

Qinnuteqaatinni tapiissuteqarnermi piumasaqaatit naammattumik eqquutitissimagukkit aningaasaqarnermullu inatsimmi aningaasassaqarpat akuerineqassaatit.

Qinnuteqarnissamut killiliussat ukiumut marluupput, taakkualu tamaasa qinnuteqarfigisinnaavatit:

• 1. maaji
• 1. aggusti

Qinnuteqaatit suliarineqartarnerat nalinginnaasumik ullut 60-inik sivisussuseqartarpoq. Tamatuma saniatigut suliniutinut annertuunut qinnuteqaatit politikkikkut akuerineqartartussaapput. Tamatuma saniatigut qinnuteqartoq Nunalerinermut, Imminut Pilersornermut Nukissiutinut Avatangiisinullu Naalakkersuisoqarfimmit apeqquteqaatinik akissuteqarnissaminut uppernarsaatinilluunniit amigaataasinnaasunik nassitsinissaminut piffissartortussaassaaq.

Qinnuteqartitsinerit aappaanni aningaasanik tapiissutissanik pigisaqarneq qulakkeersimanngilaq. Taamaassimappat Nunalerinermut, Imminut Pilersornermut Nukissiutinut Avatangiisinullu Naalakkersuisoqarfiup tamanna sullissivik.gl-ikkut qinnuteqarneq siulleq naammassereeriarpat paasissutissiissutigissavaa.