Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Apersortinneq

Apersortinneq ileqqulersuutaavoq kuisimasuunermut uppernarsaaqqiinnerusoq. Apersortikkaangavit Guutimit uppernarsaaqqiinermik pisarputit. Aamma apersortitsisarneq oqaluffimmi ileqquuvoq meeraanermiit inuusuttunngornermut ikaarsaarfittut isigineqartartoq.

Apersortinneq nalinginnaasumik 8. klassit akornanni upernaakkut ingerlanneqartarpoq. Ilagiit Sinniisaat palasillu peqatigiillutik apersortinnissaq qaqugu pissanersoq aalajangertarpaat.

 

Apersortinnissamut piareersarnerup apersortinnissat piareersartarpaa, marlussunnillu immikkoortortaqarpoq:
1. Palasimit ajoqimilluunniit kristumiutut upperisaqarneq pillugu ilinniartitaaneq.
2. Naalagiartarnerit, oqaluffimmukartarnissamut sungiusaatit.

Palasip aalajangertarpaa apersortitsinnak qasseriarlutit naalagiartassanersutit. Apersortinnissap piareersarneqarnera atuarfimmi skematit naapertorlugit aaqqissuunneqartarpoq. Tamatuma saniatigut palaseqarfinniit palaseqarfinnut ilinniartitisisarnerup piareersarneqartarnera assigiinneq ajorpoq.

Apersortinniaruit makku piumasaqaataapput:
• Apersortinnissamut piareersarnermut peqataasimassasutit
• kuisimasuussasutit

Meeraagallaravit kuisissimanngikkuit suli angumerisinnaavat. Kinaluunniit qassinilluunniit ukioqaraluaruni kuisissinnaavoq. Suli meeraaguit, angajoqqaatit ilinnulluunniit angajoqqaatut akisussaaffeqartut akuersissummik tunniusseqqaassapput.

Apersortitsinnak piffissaq sioqqulluarlugu palaseqarfimmut saaffiginnissaatit. Tassungalu tunniussassatit ukuupput
• apersortittussatut allagartaq apersortiffissap ulluanik allannertalik
• kuisinnermullu uppernarsaativit assilinera

 

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.