Ingerlatsinermut tapiissutit – Qinnuteqarneq

Nuna tamakkerlugu tusagassiuutinut naqitanut inuiaqatigiinni paasissutissanik, tamat oqartussaaneranni oqallinnernik ingerlatitseqqiisarnerup tamatigoortumillu tusagassiisarnermik siuarsaanissamut siunertaqartunut suliaqarnermut ataatsimut isigalugu tapiissutinik ukiumoortumik ingerlatsinermut Naalakkersuisut tapiissuteqarsinnaapput.

Ingerlatsinermut tapiissutit assersuutigalugu aviisinut atuagassianullu tunngavissilluarsimasunut sammitinneqarput, tassa imaappoq tusagassiuutit papilissatigut saqqummersinneqartartunut.

Ingerlatsinermut tapiissutit ingerlatsinermut ingerlaavartumik aningaasartuutit, tamatumunnga ilanngullugit sulisorisanut, ininut aningaasartuutit matussusernissaannut atorneqartarput.

Tapiiffigineqassagaanni piumasaqaataapput:

1. tusagassiorfik Kalaallit Nunaanni angerlarsimaffeqassaaq,
2. tusagassiorfik piffissami tapiiffigineqarfimmi tamarmi akisussaasumik aaqqissuisoqassaaq,
3. ukiumi qinnuteqarfiusumi ukiorluunniit qinnuteqarfik sioqqullugu suliffeqarfik qinnuteqartup aallartissimanngippagu tusagassiorfik akisussaalluni aaqqissuisoq peqatigalugu minnerpaamik ukioq tamaat suliffiusunik pingasunik katillugit tiimeqartunik aaqqissuussisartunik sulisoqassaaq,
4. saqqummersitat politikkikkut, inuiaqatigiinnik kulturimillu sammisaqarfiunerusunik tusagassiortut namminneq suliarisaannik tusagassianik imaqassapput, tassani takoqqusaarutit ilanngunnagit imarisaata ikinnerpaamik affai sammisaqarfiit assigiinngiiaartut pillugit ilanngutassianik aamma nutaarsiassanik oqallisigineqartunik sammisaqarluni aaqqissuisuneersunik tusagassianik imaqassapput,
5. inuussutissarsiortut sulianilluunniit suliarinnittartut, sulisut, sulisitsisut inuussutissarsiutilluunniit immikkoortuisa kattuffii, politikkikkut partiit sulisoqarfinniluunniit assigiinngitsuni sulisut kisiisa saaffigiinnarnagit atuisunut assigiinngiiaartunut saqqummersitat saaffiginnittuussapput, aamma
6. saqqummersitat minnerpaamik kalaallisut allassimassapput.

Qinnuteqartut taakku saniatigut piumasaqaatit makku naammassisimassavaat:

• Tusagassiuut naqitanngorlugu saqqummersinneqassaaq
• Tusagassiuut minnerpaamik qaammammut ataasiartumik saqqummertassaaq
• Tusagassiuut nuna tamakkerlugu saqqummertassaaq

Qinnuteqarneq akeqanngilaq.

Ingerlatsinermut tapiissutinik qinnuteqaateqarniarussi qinnuteqarnissamut immersuiffissamik immersuissaasi.

Qinnuteqarnissamut immersugassaq immersoriarlugu allanik pappialanik pisariaqartunik kakkiussillusi Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut nassiussissaasi.

Una toorlugu ingerlatsinermut tapiissutinik qinnuteqarnermi immersugassaq aasinnaavarsi.

Malugiuk
Qinnuteqaatit fax-ikkut nassiussinnaanngilasi.

1. Allattoqarfiup ingerlatsinermut tapiissutinik qinnuteqaammik tigusaqarput
2. Allattoqarfiup qinnuteqaat uppernarsaatinik eqqortunik imaqarnersoq misissussavaa.
3. Allattoqarfiup qinnuteqaat inatsisitigut piumasaqaatinik naammassinninnersoq misissussavaa.
4. Allattoqarfiup inaarutaasumik suliarinninnissamut aalajangiinissamullu inassuteqaatiliussaaq.
5. Qinnuteqaat Naalakkersuisunit aalajangiiffigineqassaaq.

Ingerlatsinermut tapiiffigineqarnissamik qinnuteqaatit qaammatisiutit malillugit ukiumi qinnuteqarnermi pineqartumi (ukiumi tapiissuteqarfiusumi) piffissami 14. novemberimiit 1. december tikillugu tiguneqareersimassaaq.

Qinnuteqaativit aalajanganeqarnera naammagittaalliutigisinnaanngilat, aalajangiussarli eqqartuussivimmut suliassanngortissinnaavat.