Studielån sananeqarsinnaanngikkallarput, attaveqaatikkut ajutooqqaneq peqqutaalluni, Ilinniagaqarnersiuteqartitsivimmit suliaq aaqqinnissaa sulissutigineqarpoq.

Kuuffeqarneq

Kuuffeqarneq tassaavoq ruujorit ataqatigiimmik aaqqissuussat nunamut matoorullugit kuuffigineqartut. Tamakkunuuna illuniit aqqusinerniillu kuutsitat imikullu ingerlatinneqaqqittarlutik. Tamakkulu tassaasarlutik iggavinniit, uffarfinniillu imikut, tassa illut anartarfiisa imikui aqqusinerniillu sialuup imertakui.

Kuuffiit ataqatigiimmik aaqqissuussat marlunnut immikkoortitaapput, imminnulli atasut:

  1. Kuuffissuit pingaarnerit.
    Kuuffissuit pingaarnerit tassaapput kuuffiit ataqatigiimmik aaqqissuussanut ilaasut, imikut ataatsimoorlutik kuuffigisaat, taakkulu aqqutigalugit soorlu illoqarfinniit avammut kuuffiusut.
  2. Kuuffiit illuniit attavillit. 
    Kuuffiit illuniit attavillit kuuffeqarnermi tassaallutik, illuniit aamma angerlarsimaffinniit kuuffiit kuuffinnut pingaarnernut attaveqartut.

 

Illuuteqaruit, taava illit illunniit imikoorutivit ingerlateqqinnissaa pisussaaffigivat. Tamannalu naammassisinnaallugu arlalitsigut iliuuseqarnikkut:

  • Pisortat kuuffissuaataannut attavilertinnikkut, tassa illit illunniit kuffissuarmut
  • Kommunimi anartarfinnik eqqaanermut nalunaaruteqarnikkut
  • Kuuffivit katersuiffiusup imaarneqartarnissaa nammineq isumagalugu

 

Aallaavittut attavilertinninnut nammineq akiliuteqassaatit. Imaassinnaavorli kommunerisanni tapiissuteqartarneq atugaasoq, taakkulu aqqutigalugit attaviliinerit akilerneqarsinnaalluni. Sumiiffinni teknikkimut immik­koortortaqarfimmut apeqquteqarit.

Attavilersinnermut akiliutip saniatigut aamma attaviup ikkunneranut akiliuteqassaatit. Akiliullu taanna kommunimiit kommunimut assigiinngissinnaavoq, taamaattumillu sumiiffinni Teknikkimut Immikkoortortamut paasiniaasariaqarputit.

 

Illit illunniit kuuffissuarnut attavilertinniaruit, akuersissuterpaaluit pigeqqaassavatit:

  • Siullermik Attaviliinermut akuersissut pigissavat, taannaallunilu kuuffissuarmut attavilersinnaaninnut kommunimiit uppernarsaat
  • Taava tulliullugu Nunaminertamik atugassiissut pigissavat. Taannalu atorlugu nunakkoorlugu atta­vilertissinnaalissaatit
  • Naggataatigullu Assaasinnaanermut akuersissut pigissavat, tassa kissaatigisat naapertorlugu atta­vissavit kisimi assanneqarneranut nakkutilliissutitut qulakkeerutissaasoq, imaanngitsoq innaallagissap oqarasuaatilluunniit attavii ilanngullugit

 

Akuersissutissat assigiinngitsut immersugassiat atorlugit qinnutigisinnaavatit, kommunerisavit nittartagaata quppernera aqqutigalugu, imaluunniit kommuninni teknikkimut immikkoortortamut saaffiginninnikkut.

 

Kommune tassaavoq, illoqarfinni kuuffissuarnik ingerlatsinikkut akisussaasuusoq. Tamanna ima paasillugu, kommunip kuuffissualiinerit, aserfallatsaalinissaat, salitsinnissaat inuillu illuisa attavilernerisa isumagi­nissaat akisussaafigivai.

Malugiuk
Kuuffissuaq ulikkaartoorluni maangaannaq kuutsitsisoq paasigukku, imaluunniit kuuffissuarmiit imikoq tipi­liortitsisoq, tamanna kommunimut, sumiiffimmiluunniit teknikkimut immikkoortortamut nalunaarutigissavat.

 

Assersuutigalugu illuuteqaruit illunniit kommunip kuuffissuaataanut attavilertinnissaa, illit akisussaaffigissavat.

Attavilertinnerup ingerlarnga
Illuit kuuffissuarmut attavilertinnissaanik qinnuteqarsimaguit akueritillutillu, taava suliaq aallartinneqarsinnaavoq.

  • Illit nammineq ruujorilerisoq ikkussuisussaq isumagissavat. 
  • Kommunip kuuffissuaataanut taamaallaat 1. maj aallarnerfigalugu 1. oktober tungaanut attavilertinneq pisinnaavoq. 
    Tamatumanilu kuuffissuartigut qerisoortoqannginnissaa patsisaavoq. 
  • Attavilersuinerup akisussaassuseqartumik eqqortumillu ingerlanneqarnissaa ruujorilerisup akisussaaffigivaa.

Suliaq naammassineqariarpat, attavilersuinerulli matuunnginnerani, illit ruujorilerisorluunniit sumiiffimmi teknikkikkut immikkoortortaq attaveqarfigissavaa, tassa attaviliineq ajunngitsumik ingerlanneqar­simasoq akuereqqullugu.

Malugiuk
Illit attaveqaatit taamaallaat kuffissuarmut atanilerneqarsinnaammat – taamaattumillu illumit allamiit attavinnut attaviliineq inerteqqutaalluni.

Attaviliinissamut akuersissut ukioq ataaseq atuuttarpoq. Sumiiffimmi teknikkimut immikkoortortamut saaffiginninnikkut sivitsorneqarsinnaavoq.

Attaviit ajutumeersimappat, taava illumik piginnittup ruujorilerisumik attaveqassaaq. Attaviup iluarsaannera illit akilissavat. Kommuni kuuffissuarmut taamaallaat akisussaavoq.

 

Kommunit ataasiakkaat teknikkimut immikkoortortaqarfiisa, attaviliinerni malerugassat piumasarisallu tamarmik malinneqarsimanissaat isumagisussaavaat.
Aalajangiisoqarsimatillugu akuerisinnaanngikkukku, sumiiffinni teknikkimut immikkoortortamut naammagittaalliuuteqarsinnaavutit.

 

Uanga allanneqarpoq: Ilisimatusarnermut Avatangiisinullu Naalakkersuisoqarfik

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.