Imminut sullississutinut iserniaruit NemID suli isissutissatut atussavat.

Ilinniarnerup nalaani meeqqanut tapiissuteqarfigineqarnissamut qinnuteqarit

Akiliunneqarnissamut maana qinnuteqarit

Ilinniartutut ilinniarninni aningaasaqarnikkut tapiissutinik ilinniagaqarnersiuteqarnissamut qinnuteqarsinnaavutit. Ilinniagaqarnersiutit assigiinngitsuupput:

•    Iliniagaqarnersiutit (qaammatit tamaasa tunniunneqartartut)
•    Immikkut tapiissutigineqartartut (akiliunneqarluni angalanissamut, pigisanik assartuussinermut,ilinniarnermut aningaasartuutinut il.il.)
•    Sulisitsisunut tapiissutit
•    Ilinniarnermi taarsigassarsiat (ataasiarluni tunniunneqartartoq semesterikkaartumillu tunniunneqartartoq)
•    Meeqqanut tapiissutit (Tapiissutit qinnutigisinnaasatit)

Meeraqaruit ilinniartuullutillu ilinniarninni meeqqannut pilersuinissannut meeqqanut tapiissutinik pisartagaqassaatit.

Malugiuk:
Aatsaat ilinniagaqarnersiuteqaruit nammineq meeqqanut meeqqanut tapiissutinik qinnuteqarsinnaavutit pisartagaqarlutillu.

Meeqqanut tapiissutinik pisartagaqassaguit:

•    Meeqqannut meeravissiannulluunniit pilersuisussaatitaasasutit.
•    Ilinniagaqarnersiutinik pisartagaqarnissat.

Meeqqanut tapiissutinik pisartagaqarsinnaanngilatit:
•    Inersimasutut ilinniartuuguit.
•    Piffissami qiortartagaqannginnissaq toqqarsimagukku.
•    Qiortartakkatit nungussimappata.
•    Meerarsiannut imaluunniit aapparisavit meeraanut.

Meeqqannut tapiissutit annertussusaat meeqqat sumi najugaqarnersoq apeqqutaavoq.
•    Meeraq Kalaallit Nunaanniippat qaammammut meeqqamut ataatsimut 1.000 koruuni tunniunneqartarpoq.
•    Meeraq Danmarkimiippat qaammammut meeqqannut ataatsimut 1.460 koruuni tunniunneqartarpoq.
•    Meeraq Kalaallit Nunaanni Danmarkimiluunniit najugaqanngippat qaammammut meeqqamut ataatsimut 1000 koruuniussaaq.

Meeqqanut tapiissutit ilinnigaqarnersiutinut ilanngullugit tunniunneqartarput.

Malugiuk:
Danmarkimit ilinniagaqarnersiuteqaruit pilersuinissamut tapiissutinik qinnuteqarsinnaavutit:
•    pilersuisutuaaguit imaluunniit
•    aapparisallu ilinniagaqarnersiuteqarussi.

Danmarkimi ilinniagaqarnersiutit pillugit paasisaqarnerorusukkuit uani atuarsinnaavatit www.su.dk

Meeqqanut tapiissutinut qinnuteqarniaruit digitalimillu nassiukkusullugu imminut sullillutit tuugassaq sungaartoq "Maanna qinnuteqarit" qulaaniittoq toorsinnaavat. Imminut sullinniaruit NemID-it atorlugu isissaatit.

Qinnuteqaatinnut makku ilaasapput:
•    nalunaarsoqqanivit assinga www.registerindsigt.cpr.dk imaluunniit
•    kuisinnermut allagartaq, atertaarnermut allagartaq imal. inunngorsimanermut allagartaq.  

Digitalimik imminut sullinnerit "Maanna qinnuteqarit" sungaartoq toorlugu aallartissavat.

Malugiuk:
NemID atorlugu isernikkut qinnuteqaatit digitalimik nassiussinnaavat.

Meeqqanut tapiissutinik qinnuteqarniaruit pappialanngorlugu tunniukkusullugu immersugassamik immersuissaatit.

"Maanna qinnuteqarit" sungaartoq toorneratigut:
•    "Immersoruk anisillugu" toqqarsinnaavat, nittartakkatigut immersueriarlutit anisinniarukku (NemIDeqartariaqanngilatit)
•    "Anisiguk" toqqarsinnaavat, immersugassaq anisillugu kuglepennimik immersoriarlugu tunniunniarukku (NemIDeqartariaqanngilatit).

Qinnuteqaatinnut ukua ilanngutissavatit:
•    nalunaarsoqqanivit assinga www.registerindsigt.cpr.dk imaluunniit
•    kuisinnermut allagartaq, atertaarnermut allagartaq imal. inunngorsimanermut allagartaq.  

Immersugassaq immersoriigaq ilinniarfissannut tunniutissavat.
Ilinniarfissat illoqarfimmi allamiippat immersukkat najukkanni Majoriamut tunniukkiartussavat.

Ilinniarfissat qinnuteqaatinnik tigusaqaruni qinnuteqaatit suliarissavaa ilinniartunullu nalunaarsuiffimmut allallutit.

Qinnuteqarnerit pillugu mailikkut imaluunniit allakkatsigut akissutisiumaarputit.
•    Akuersissuteqarfigineqarnermi
Piumasaqaatit naammassisimagukkit, tapiisutit sorliit akuersissutigineqarsimanersut meeqqanullu tapiissutinut qinnuteqatit akuerineqarsimanersoq allaganngorlugit nassiunneqassapput.

•    Itigartitsissuteqarfigineqarnermi
Piumasaqaatit naammassisimanngikkukkit meeqqanut tapiissuteqarfigineqarnissannut itigartinneqassaatit.
Itigartitsissuteqarnermi allagarsiannut maalaaruteqarnissamut najoqqutassaq ilanngunneqarumaarpoq.

Ullut qulit missaanik sivisussusilimmik meeqqanut tapiissuteqarfigineqarnissamut qinnuteqaatit suliarineqassaaq.

Ilinniarfissat imaluunniit najukkanni Majoriaq inuuninni arlaannik allanngortoqartillugu paasissutissiinissannut pisussaaffeqarputit. Soorlu meeqqat meeravissianngortissimagukku imaluunniit toqukkut qimagussimappat.

Meerartaarnissat qaammatini marlunnik sioqqullugu meeqqanut tapiissutinik qinnuteqarsimaguit inunngorfianiit pisartagaqarsinnaavutit.
Ukioq kaajallallugu meeqqanut tapisiartalinnik ilinniagarnersiuteqarsinnaanermut qinnuteqarsinnaavutit, kisiat tunngaviani ulloq taanna qinnuteqarfimmiit piumasaqaatinik naammassinnissimagaani tunniunneqartarput.

Ilinniarfissatut qinnuteqarfivit qinnuteqarninnut suliarinninnera pillugu maalaaruteqarnissamik pisussaaffeqarputit.

Maalaarutit aalajangiisoqarneraniit sap.ak. 6 qaangiutsinnagit nassiutissavat.
Maalaaruteqarnerit mailikkut uunga nassiutissavat IKIN@nanoq.gl

Maalaaruteqarninni ilanngussassat:
•    Aalajangiussamut maalaaruteqarnerit tunngavilersorlugu allagaqarit.
•    Uppernarsaatit pisariaqartut soorlu itigartinneqarsimanermut allagarsiat kakkiutikkit.

Uannga allanneqarpoq: Ilinniagaqarnersiuteqartitsivik

Danmarkimi Kalaallit Illui

København (nunat tamani ilinniarnissamut siunnersuineq)
www.sumut.dk

Odense
www.dgh-odense.dk

Aarhus
www.groenlandskehus.dk

Aalborg
dgh-aalborg.dk

Ilinniagaqarnersiuteqartitsivik - USF
Postboks 1022
3900 Nuuk

E-mail: usf@nanoq.gl
Telefon: (+299) 34 50 00
Oqarasuaatit ammarsarfii: 10:00 - 14:00
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.