Imminut sullississutinut iserniaruit NemID suli isissutissatut atussavat.

Suliffeqarfiutinnut NemKonto

Kalaallit Nunaanni inuussutissarsiutinik ingerlataqartut tamarmik NemKonto-qassapput. Suliffeqarfiit amerlasuut pisortani oqartussaqarfinnit assigiinngitsunit aningaasanik pisarput. NemKonto suliffeqarfimmut ajornaallisitsissaaq, tassami oqartussaqarfinnut assigiinngitsunut suliffeqarfiup konto-isa normui paasissutissiissutigisarnissai pisariaarutissaaq taakkumi tamarmik suliffeqarfiup NemKonto-a atugarilissammassuk.
Suliffeqarfiup NemKonto atugaa tassaavoq bankimi konto pisortani oqartussaqarfinnit tamanit aningaasanik nuussivigineqartartoq.

NemKonto tassaavoq bankimi konto nalinginnaasoq, illillu inuussutissarsiutinik ingerlataqartutut pigereerpat.

Suliffeqarfiutivit bankimi NemKonto-a nammineerlutik nalunaarsussavat.

NemKonto pisortani ataatsimoorussamik aningaasanik tunniussinermi atortorissaarutaavoq. Pisortanit aningaasat tunniuttakkat tamarmik suliffeqarfiup NemKonto-anut nuunneqartalertussaapput, assersuutigalugu:

  • Akileraarutitigut utertoorutit
  • Pisortanit tapiissutit
  • Pisortanit pisiortorfinnut aningaasanik nuussinerit

 

NemKonto atortuuvoq CVR-normutut bankimi konto inuussutissarsiuteqarluni ingerlatsisutut NemKonto-tut toqqarsimasannut ilanngullugu attuumassuteqartoq. Taamaaliornikkut pisortanit aningaasanik nuussisussat suliffeqarfimmut eqqortumut aningaasanik nuussinissaq qulakkeerneqassaaq.

 

Siunissami inuussutissarsiuteqarluni ingerlatsisutut pisortanit aningaasanik nuussivigitittarniarlutit NemKonto-mik atugaqassaatit. Inuussutissarsiuteqarluni ingerlatsisutut NemKonto-mik nalunaarsuisinnaavutit taamaallaat bankimut saaffiginnissuteqarnikkut. Bankimut attaveqassaatit konto-lu suliffeqarfiup NemKonto-tut atugassaa pillugu nalunaarfigalugit.

 

Uannga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.