Imminut sullississutinut iserniaruit NemID suli isissutissatut atussavat.

NemKonto

Kalaallit Nunaanni innuttaasut tamarmik NemKonto-qassapput. Innuttaasut amerlasuut pisortani oqartussaqarfinnit assigiinngitsunit aningaasanik pisarput. NemKonto innuttaasumut ajornaallisitsissaaq, tassami oqartussaqarfinnut assigiinngitsunut konto-it normui paasissutissiissutigisariaarutissavatit taakkumi tamarmik NemKonto atugarilissammassuk.
NemKonto illit atukkat tassaavoq bankimi konto pisortani oqartussaqarfinnit tamanit aningaasanik nuussivigineqartartoq.

NemKonto tassaavoq bankimi konto nalinginnaasoq, illillu taanna pigereerpat.

NemKonto-p pissarsiarinissaanut periutsit marluupput:

  • Bankikkut
  • NemKontomi imminut sullinnikkut

Bankimi konto-tit sorliit NemKonto-tut atussanerlugit illit nammineerlutit aalajangissavat. Arlaqarput akissarsianut konto NemKonto-tut atortaraat.

NemKonto pisortani ataatsimoorussamik aningaasanik tunniussisarnermi atortorissaarutaavoq. Pisortanit aningaasat tunniuttakkat tamarmik NemKonto-nnut nuunneqartalertussaapput, assersuutigalugu:

  • Akileraarutitigut utertoorutit
  • Pisortani sulisunut akissarsiat soraarnerussutisiallu
  • Isumaginninnikkut ikiorsiissutit
  • Ineqarnermut tapiissutit
  • Ilinniagaqarnermusiat

 

NemKonto atortuuvoq inuttut normunnut bankimi konto-t NemKonto-tut toqqarsimasannut ilanngullugu attuumassuteqartoq. Taamaaliornikkut pisortanit aningaasanik nuussisussat inummut eqqortumut aningaasanik nuussinissaq qulakkeerneqassaaq.

Pingaaruteqarpoq erseqqissaassutigissallugu, bankimi konto-t pisortanit takuneqarsinnaanngimmat. Pisortani oqartussaqarfiit taamaallaat NemKonto-nnut aningaasanik nuussisinnaapput, aamma konto-nnit aningaasanik tigusisinnaanatillu konto-nni atuinerit takusinnaanngilaat.

 

Siunissami pisortanit aningaasanik nuussivigitittarniarlutit NemKonto-mik nalunaarsuissaatit.
Konto-it arlaat nammineerlutit NemKonto-tut atugassatut innersuussissaatit.

NemKonto-qassaatit imaattoqarpat:

  • Kalaallit Nunaanni najugaqartutit
  • Pisortani oqartussanit aningaasanik pisaruit (pisortanit akissarsiaqartitaaguit aamma utoqqalinersiaqartitaaguit)
  • 18-ileereersimaguit ukioqqortuneruguilluunniit, imaluunniit
  • 18-ileereersimanngikkuit pisortanillu ikiorsiissutinik pisartagaqarlutit

 

GrønlandsBANKEN, BankNordik imaluunniit danskit bankiat atugarigukku netbankinni NemKonto nalunaarsorsinnaavat.
Netbankeqanngikkuit bankinnut ornigullutit saaffiginnissinnaavutit tassani NemKonto-mik nalunaarsuinissamut ikiorneqassaatit. NemKonto erngerluni atulereersinnaalissaaq.

GrønlandsBAKEN-imi netbankikkut NemKonto-it nalunaarsornissaanut ilitsersuut aaniarukku una tooruk

BankNordik-imi netbankikkut NemKonto-it nalunaarsornissaanut ilitsersuut aaniarukku una tooruk

 

NemKonto-mi imminut sullinnissamut qupperneq ammariarlugu NemID atorlugu bankimi konto-t NemKonto-tut atorusutat toortarniarlugu isersinnaavutit.

Ima iliussaatit:
1.    Uunga iseriarlutit https://www.nemkonto.dk/da (qallunaatuuinnaavoq)
2.    Nittartakkap talerpiata tungaani innuttaasutut isersinnaavutit:
 NemKonto

3.    Tassanngaanniit NemLogin-imut pissaatit tassanilu NemID atorlugu isissaatit
4.    Tamatuma kingorna qupperneq ammassaaq tassanilu bankimi konto-t NemKonto-tut atorusutat toorniarlugu nuissaaq:

Konto-it normua toortassavat taavalu ”Gem” toorlugu.  
Pingaaruteqarpoq toqqunnginnarani konto-it normua misissoqqissaassallugu.
Konto-tut normu toortarneqartoq NemKonto-mit eqqortuunersoq misissorneqarsinnaanngilaq.


NemKonto-qareeruit uani nuissaaq, kissaatigigukkulu NemKonto-mut allamut allanngortissinnaavat.

5.    Eqqaamallugu naammassiguit anissagavit (log ud toorlugu).

Atuutilersitsinermut isissut
Maluginiassavat imminut sullitarinissamut aaqqiissummi NemKonto nalunaarsulerukku immikkut akuerisassamik peqarmat.
Bankimi konto-t toortareersimalerukku NemKonto-tut atuutilersitsinissamut isissutissaq atorlugu atuutilersissavat.
Allakkatigut atuutilersitsinissamut isissutissaq ilinnut nassiunneqarumaarpoq. Allagarsiassaq Danmarkimiit najukkannut nassiunneqassaaq, taamaammat tigunissaanut piffissaq sivisulaarsinnaavoq. NemKonto atuutilersissavat atuutilersitsinissamut oqarasuaammut sianerlutit allagarsiannilu isissutissaq toortarlugu. Atuutilersitsinissamut oqarasuaat ulloq unnuarlu ammasarpoq. NemKonto aatsaat atorsinnaalissavat NemKonto-t isissut atorlugu atuutilersissimagukku.

NemKonto-it atuutilersinnissaanut ilitsersuut aaniarukku una tooruk

 

Uannga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.